بٷگٸن بەلارۋستە جاڭا كونستيتۋتسييا قابىلداۋ جٶنٸندە رەفەرەندۋم ٶتٸپ جاتىر. كونستيتۋتسييانىڭ بۇل نۇسقاسىن 2020 جىلى پرەزيدەنت سايلاۋىنان كەيٸن جاپپاي قارسىلىق پايدا بولىپ, كٷشپەن باسىلعان سوڭ الەكساندر لۋكاشەنكو جاساعان.
ازاتتىق راديوسىنىڭ حابارلاۋىنشا كونستيتۋتسيياعا جاڭا ٶزگەرٸستەر ەنگٸزٸلگەننەن كەيٸن بۇل ەلدٸ 1994 جىلدان بەرٸ باسقارىپ كەلە جاتقان الەكساندر لۋكاشەنكو 2035 جىلعا دەيٸن تاعى دا بيلٸكتە قالا الادى.
لۋكاشەنكو تاعايىنداعان ادامداردان عانا قۇرالاتىن جالپىبەلارۋس حالىقتىق جيىنىنىڭ ٶكٸلەتٸن كەڭەيتە تٷسەدٸ.
جاڭا كونستيتۋتسييا بويىنشا كەيٸنگٸ 20 جىلدا شەتەلدە تۇرعان بەلارۋس ازاماتتارى پرەزيدەنت سايلاۋىنا تٷسە المايدى. بۇل ٶزگەرٸس كٶپ جىلدان شەتەلدە تۇراتىن بەلارۋس وپپوزيتسيونەرلەرٸنە باعىتتالعان.
رەسمي مەلٸمەتكە قاراعاندا ەلەكتوراتتىڭ تەڭ جارىسى تٷسكە دەيٸن كەلٸپ داۋىس بەرگەن. بۇل ەلدەگٸ سايلاۋلار زاڭ بۇزۋمەن ٶتەدٸ دەپ ەسەپتەيتٸن تەۋەلسٸز باقىلاۋشىلار رەفەرەندۋم دا سولاي بولادى دەپ سانايدى.
رەفەرەندۋم كٷنٸ ۋكراينا پرەزيدەنتٸ ۆلاديمير زەلەنسكيي بەلارۋس حالقىنا ورىس تٸلٸندە ٷندەۋ جاساپ, بەلورۋس جەرٸنەن ۋكرايناعا رەسەي ەسكەرٸ وق اتىپ جاتقانىن ايتتى. ول بەلورۋستاردى بۇل جايتقا ٷنسٸز قالماۋعا شاقىرىپ, "بەلارۋس بولىڭىزدار, رەسەي ەمەس" دەدٸ.
زەلەنسكيي رەسەيمەن كەلٸسسٶزگە دايىن ەكەنٸن, بٸراق كەلٸسسٶز اگرەسسيياعا قاتىسىپ وتىرعان بەلارۋستان ٶزگە جەردە ٶتۋگە تيٸستٸگٸن مەلٸمدەدٸ.
لۋكاشەنكو زەلەنسكييدٸڭ ٷندەۋٸنە تەز جاۋاپ بەرٸپ, بەلورۋستارعا ەمەس, ۋكرايندارعا ٷندەۋ جاساۋ جٶنٸندە كەڭەس بەردٸ.
"بەلارۋس جەرٸنەن ەشكٸم سوعىس اشىپ جاتقان جوق", – دەگەن ول ۋكراينا بەلارۋستى ٶز ازاماتتارىن قورعاۋعا ارنالعان ارناۋلى وپەراتسيياعا يتەرمەلەگٸسٸ كەلەدٸ دەگەندٸ مەڭزەدٸ. لۋكاشەنكو بەلورۋس جەرٸنەن ۋكرايناعا قاراتا "ەكٸ-ٷش زىمىران اتىلعانىن" مويىندادى.
لۋكاشەنكو بەلارۋس رەسەيدٸڭ جارالى جاۋىنگەرلەرٸن ەمدەۋگە كٶمەكتەسٸپ جاتقانىن ايتتى. بۇعان دەيٸن ازاتتىق راديوسىنىڭ بەلارۋس قىزمەتٸ رەسەي سولداتتارىنىڭ گومەلدەگٸ گوسپيتالگە تٷسكەنٸن حابارلاعان. رەسەي قورعانىس مينيسترلٸگٸ جارالانعاندار مەن ٶلگەندەر تۋرالى اقپارات جارييالاماعان.
بۇعان دەيٸن رەسەيدٸڭ 30 مىڭعا جۋىق ەسكەري قىزمەتكەرٸ جاتتىعۋ دەگەن جەلەۋمەن بەلارۋس جەرٸنە كەلگەن ەدٸ. ونىڭ بٸر بٶلٸگٸ رەسەيدٸڭ ۋكرايناعا شابۋىلىنا قاتىسىپ جاتىر.
