بەلارۋس وپپوزيتسيياسى جەتەكشٸلەرٸنٸڭ بٸرٸ مارييا كولەسنيكوۆا تۋرالى قاراما-قايشى اقپارات تارادى. بەلارۋس شەكارا قىزمەتٸ كولەسنيكوۆا شەكارادان ٶتٸپ, ۋكرايناعا كەتتٸ دەسە, ۋكراينانىڭ رەسمي ورىندارى بۇل اقپاراتتى جوققا شىعاردى.
ۋكراينا شەكارا قىزمەتٸنٸڭ حابارلاۋىنشا, شەكارادان ەكٸ وپپوزيتسييالىق بەلسەندٸ انتون رودنەنكوۆ جەنە يۆان كراۆتسوۆ ٶتكەن. قۇپييا دەرەككٶزگە سٷيەنگەن "ينتەرفاكس-ۋكراينا" اگەنتتٸگٸنٸڭ جازۋىنشا, كولەسنيكوۆانى قاۋٸپسٸزدٸك كٷشتەرٸ ەلدەن كٷشپەن شىعارۋعا تىرىسقانمەن ول پاسپورتىن جىرتىپ تاستاپ, قالىپ قويعان. بۇل اقپاراتتى ۋكراينانىڭ ٸشكٸ ٸستەر ۆيتسە-مينيسترٸ انتون گەراششەنكونىڭ سٶزٸنە سٷيەنگەن Mash Telegram-ارناسى دا جازدى.
بۇعان دەيٸن ٷش وپپوزيتسييالىق بەلسەندٸ مارييا كولەسنيكوۆا, انتون رودنەنكوۆ جەنە يۆان كراۆتسوۆ ٸز-تٷزسٸز جوعالىپ كەتٸپ, جاقتاستارى ولاردى بٸر ايدان استام ۋاقىتتان بەرٸ ٶتٸپ جاتقان پرەزيدەنت الەكساندر لۋكاشەنكوعا نارازىلىق شاراسىن باسۋ ٷشٸن قاۋٸپسٸزدٸك كٷشتەرٸ ۇستاعان بولۋى مٷمكٸن دەپ بولجاعان ەدٸ. ٷشەۋٸ دە بيلٸكتٸ بەيبٸت جولمەن اۋىستىرۋدى كٶزدەيتٸن وپپوزيتسييا قۇرعان ٷيلەستٸرۋ كەڭەسٸنە مٷشە.
بەلارۋس شەكارا قىزمەتٸنٸڭ ٶكٸلٸ انتون بيچكۋسكي بۇعان دەيٸن ازاتتىقتىڭ بەلارۋس قىزمەتٸنە ولاردىڭ ەلدەن شىعىپ كەتكەنٸن ايتقان ەدٸ.
بٸر كٷن بۇرىن كۋەگەرلەر سٶزٸنە سٷيەنگەن Tut.by سايتى مينسك ورتالىعىندا بەلگٸسٸز بٸرەۋلەردٸڭ كولەسنيكوۆانى ميكرواۆتوبۋسقا وتىرعىزىپ, كٷشپەن الىپ كەتكەنٸن حابارلاعان بولاتىن.
بەلارۋستە وپپوزيتسييا جەتەكشٸلەرٸ جوعالىپ كەتكەننەن كەيٸن بيلٸككە قىسىم كٷشەيگەن. ەۋرووداق بەلارۋس رەجيمٸن تٶرت اپتادان استام ۋاقىتتان بەرٸ ٶتٸپ جاتقان نارازىلىقتى باسۋ ٷشٸن "ادام ۇرلاۋ" مەن "قورقىتۋ شارالارىن" قولداندى دەپ ايىپتادى.
نارازىلىق كەزٸندە مىڭداعان ادام ۇستالعان, تەرگەۋ يزولياتورىنا قامالعاندار ٶزدەرٸن ۇرىپ-سوعىپ, ازاپتاعانىن ايتقان. كٶپتەگەن اقپارات قۇرالدارى ەلدەن شىعارىلدى. سايلاۋعا وپپوزيتسييا اتىنان قاتىسقان كانديدات سۆەتلانا تيحانوۆسكايا بيلٸكتٸڭ قىسىمىمەن ەلدەن كەتكەن. ول 8 قىركٷيەكتە ەۋروپا كەڭەسٸ پارلامەنتتٸك اسسامبلەياسىنىڭ (پاسە) ساياسي ٸستەر جەنە دەموكراتييا جٶنٸندەگٸ كوميتەت وتىرىسىندا بەلارۋستەگٸ جاعداي بويىنشا بايانداما جاسايدى. ول سونىمەن بٸرگە وسى اپتادا ۆارشاۆادا پولشانىڭ رەسمي ٶكٸلدەرٸمەن كەزدەسپەك. بەلارۋستٸ 26 جىل باسقارعان لۋكاشەنكو بۇعان دەيٸن قارسىلاستارىمەن ديالوگ ورناتۋدان باس تارتىپ, جاڭا سايلاۋ ٶتكٸزبەيتٸنٸن ايتقان.
