9 تامىزدا بەلارۋستە پرەزيدەنت سايلاۋىنا نەگٸزگٸ داۋىس بەرۋ باستالدى, دەپ حابارلايدى "ۇلت اقپارات" بەلتا اگەنتتٸگٸنە سٸلتەمە جاساپ.
بەلارۋس پرەزيدەنتتٸگٸنە ٷمٸتكەرلەر: اندرەي دميتريەۆ, اننا كانوپاتسكايا, الەكساندر لۋكاشەنكو, سۆەتلانا تيحانوۆسكايا جەنە سەرگەي چەرەچەن.
وسك-دا 153 اۋماقتىق سايلاۋ كوميسسيياسى جەنە 5723 ۋچاسكەلٸك كوميسسييا قۇرىلدى. داۋىس بەرۋ ٷشٸن 5767 ۋچاسكٸ قۇرىلدى, ونىڭ ٸشٸندە 231-ٸ – ساناتورييلەردە, پروفيلاكتورييلەردە, دەمالىس ٷيلەرٸندە, اۋرۋحانالاردا جەنە ستاتسيونارلىق جاعدايدا مەديتسينالىق كٶمەك كٶرسەتەتٸن باسقا دەنساۋلىق ساقتاۋ ۇيىمدارىندا, 13-ٸ – ەسكەري بٶلٸمدەردە جەنە 44-ٸ – بەلورۋسسييادان تىس جەرلەردە.
سايلاۋ ۋچاسكەلەرٸ 8:00-دە اشىلدى. سايلاۋدا 6 836 585 ادام داۋىس بەرە الادى. 248 حالىقارالىق جەنە 50 مىڭعا جۋىق ۇلتتىق باقىلاۋشىلار بولادى.
بەلارۋس پرەزيدەنتٸنٸڭ سايلاۋى تٸكەلەي ٶتەدٸ. مەملەكەت باسشىسىن تٸكەلەي بەلارۋس حالقى سايلايدى. داۋىس بەرۋ قۇپييا تٷردە جٷرگٸزٸلەدٸ. ەگەر داۋىس بەرۋگە سايلاۋشىلار تٸزٸمٸنە ەنگٸزٸلگەن ازاماتتاردىڭ جارتىسىنان استامى قاتىسسا, سايلاۋ ٶتتٸ دەپ تانىلادى. ەگەر مەملەكەت باسشىسىن داۋىس بەرۋگە قاتىسقان سايلاۋشىلاردىڭ جارتىسىنان استامى قولداسا, سول پرەزيدەنت بولىپ سايلاندى دەپ ەسەپتەلەدٸ.
