بەلارۋس پوليتسيياسى الەكساندر لۋكاشەنكونىڭ بيلٸكتەن كەتۋٸن, جاڭا سايلاۋ ٶتكٸزۋدٸ تالاپ ەتٸپ نارازىلىققا شىققان ونداعان ادامدى قاماۋعا الدى.
"ۆەسنا" قۇقىق قورعاۋ ۇيىمى مينسك, گومەل, گرودنو جەنە موگيلەۆ قالالارىندا 15 قاراشادا 179 ادامنىڭ ۇستالعانىن حابارلادى.
ەل استاناسى مينسكٸدەگٸ پۋشكينسكايا مەترو ستانساسىنىڭ قاسىنا 15 قاراشادا بٸرنەشە مىڭ ادام جينالدى. پوليتسييا جينالعانداردى تاراتۋ ٷشٸن جاس اعىزاتىن گاز بەن قۇلاق تۇندىراتىن گراناتا قولداندى.
دەمونسترانتتار بەلارۋستەگٸ ساياسي وپپوزيتسييانىڭ سيمۆولىنا اينالعان اق-قىزىل-اق جولاقتى جالاۋلار ۇستاپ, "لۋكاشەنكو! تريبۋنال!" "جاسا, بەلارۋس!" دەگەن ۇراندار ايتىپ ايقايلادى.
موبيلدٸ ينتەرنەت بايلانىسى تاڭعى 9-دان باستاپ ٶشٸرٸلٸپ, مينسكٸدەگٸ 10 مەترو ستانساسى جابىلدى.
مينسك تۇرعىندارى ازاتتىق تٸلشٸلەرٸنە قالانىڭ تٷرلٸ بٶلٸكتەرٸندە ەسكەري ادامدار مٸنگەن ەسكەري تەحنيكا, اۆتوبۋستار جەنە اۆتوزاكتار جينالىپ تۇرعانىن ايتتى. TUT.BY پورتالى "قالادا جاي جٷرگٸنشٸدەن گٶرٸ كٷش قۇرىلىمدارىنىڭ ٶكٸلدەرٸ كٶپ" دەپ جازدى. ۆيتەبسك جەنە بوبرۋيسك قالالارىندا دا "قارا كيگەن ادامدار" جينالدى دەگەن اقپارات بار.
بەلارۋستە 15 قاراشادا وپپوزيتسييالىق كٶزقاراستاعى بەلسەندٸ رومان بوندارەنكونى ەسكە الۋ قۇرمەتٸنە "باتىلدار مارشى" ٶتٸپ جاتىر. 12 قاراشادا 31 جاستاعى مينسك تۇرعىنى جانساقتاۋ بٶلٸمٸندە قايتىس بولدى. بەلگٸسٸز بٸرەۋلەر ونى ٷيٸنٸڭ اۋلاسىنان ۇستاپ الىپ كەتٸپ, ورتالىق ٸشكٸ ٸستەر بٶلٸمٸنە الىپ بارعان, ەكٸ ساعاتتان سوڭ ول اۋىر جاعدايدا جەدەل جەردەم اۋرۋحاناسىنا جەتكٸزٸلگەن. ەۋروپا وداعىنداعىلار بوندارەنكونىڭ قازاسىنا بايلانىستى بەلارۋسقا قوسىمشا سانكتسييا سالۋدى ويلاستىراتىنىن مەلٸمدەدٸ.
تامىزدا ٶتكەن پرەزيدەنت سايلاۋىنا وپپوزيتسييا اتىنان قاتىسقان سۆەتلانا تيحانوۆسكايا 15 قاراشاداعى دەمونسترانتتارعا جاسالعان ەرەكەتتەردٸ "جويقىن" شابۋىل دەپ اتادى جەنە حالىقارالىق قوعامداستىقتان نارازى جۇرتقا اراشا تٷسۋدٸ سۇرادى.
"وداقتاستارىمىزدى بەلارۋس حالقى مەن ادام قۇقىقتارىن قولداۋعا شاقىرامىز. بٸز جارالانعاندارعا گۋمانيتارلىق دەلٸز ۇيىمداستىرۋدى, اقپارات قۇرالدارىنا كٶمەكتەسۋدٸ جەنە قىلمىستى حالىقارالىق دەڭگەيدە تەرگەۋدٸ سۇرايمىز" دەپ جازدى ول Twitter-دەگٸ پاراقشاسىندا.
تيحانوۆسكايا جەكە باسى مەن وتباسىنا قاۋٸپ تٶنگەندٸكتەن, 9 تامىزداعى سايلاۋدان كەيٸن ليتۆاعا كەتٸپ قالعان.
الەكساندر لۋكاشەنكو سايلاۋدا جەڭٸسكە جەتكەنٸن جارييالاعان. بٸراق اقش پەن ەۋرووداق سايلاۋ نەتيجەسٸن مويىنداۋدان باس تارتتى. ەۋرووداق لۋكاشەنكودان باستاپ, بەلارۋس ٷكٸمەتٸندەگٸ باسقا دا لاۋازىمدى ادامدارعا سانكتسييا سالدى. تامىزدان بەرٸ وعان قارسى نارازىلىق شارالارى كٷن سايىن دەرلٸك ٶتكٸزٸلەدٸ.
