«حابار» اگەنتتٸگٸنٸڭ تاپسىرىسىمەن سيدنەي وليمپياداسىنىڭ چەمپيونى مارقۇم بەكزات ساتتارحانوۆ تۋرالى كٶركەم فيلم جۋىردا ەلٸمٸزدٸڭ ٷلكەن ەكراندارىنان كٶرەرمەنگە جول تارتادى, دەپ حابارلايدى "ۇلت اقپارات".
كارتينادا جاسىنداي جارق ەتكەن جاس عۇمىر – بەكزاتتىڭ ٶمٸرٸ مەن سپورتتاعى جەتٸستٸگٸ كەڭٸنەن سۋرەتتەلەدٸ.
تۋىندىنىڭ رەجيسسەرٸ - مۇرات بيدوسوۆ, ستسەنارييٸن سەرجان زاكەرۇلى جازعان. «بەكزات» دراماسىن 3 قازاننان, ياعني بٷگٸننەن باستاپ ەلٸمٸزدٸڭ كينوتەاترلارىنان تاماشالاي الاسىز.
فيلمنٸڭ سيۋجەتتٸك جەلٸسٸندە بەكزات ساتتارحانوۆ ٶمٸرٸنٸڭ ٷش كەزەڭٸ قامتىلادى. بالالىق شاعى, بوز بالا كەزەڭٸ جەنە ٶمٸرٸنٸڭ سوڭعى سەتٸ. 90 جىلداردىڭ باسىنداعى قيىن-قىستاۋ زامانعا تاپ كەلگەن بەكزاتتىڭ بالالىعى كٶپ قيىندىقتارمەن ٶتەدٸ. تٷركٸستان قالاسىنداعى تەمٸر جولدى بويلاي ورنالاسقان شاعىن اۋىلدىڭ قاراپايىم تٸرشٸلٸگٸ بالا بەكزاتتىڭ كٶزٸمەن بەينەلەنەدٸ. ونىڭ ارمانى, نامىسقوي بٸتٸمٸ ەر بٸر سەتتە سىنالىپ وتىرادى.
بٸردە اتا-اناسى بەكزاتتى كٷرەسكە قاتىسسىن دەپ باپكەرگە اپارادى. وندا بەكزات ٶزٸنٸڭ سەرگەكتٸگٸمەن كٶزگە تٷسەدٸ. دەگەنمەن كٷرەسكە قاتىسقان بالانىڭ بويى ٶسپەي قالادى دەگەن تٷسٸنٸكپەن ونى بوكسقا اۋىستىرادى. باپكەرٸمەن تانىسقان كٷننەن باستاپ, بۇل سپورت تٷرٸنە ەرەكشە زەيٸنٸ اشىلعان بەكزات - كٷن سايىن ەرٸنبەي جاتتىعىپ, العاش رەت تٷركٸستاندا ٶتكەن سايىستا جٷلدەلٸ ورىنعا يە بولادى. بوز بالا شاعىندا گەرمانييادا ٶتكەن تۋرنيردە توپ جارىپ, باپكەرلەر وليمپيياداعا دايارلاۋ جاتتىعۋلارىنا قابىلدايدى. 1999 جىلى تاشكەنتتە ٶتكەن بٷكٸل ازييا بٸرٸنشٸلٸگٸندە كٷمٸس جٷلدەگە يە بولىپ, وليمپييادا ويىندارىنا جولداما الادى. سولاي 2000 جىلى سيدنەيدە تارتىستى ويىندار ٶتكٸزٸپ, التىن مەدالدىڭ يەگەرٸ اتانادى.
فيلمنٸڭ تٷسٸرٸلٸم جۇمىستارى تٷركٸستان, الماتى جەنە ىستامبۇل قالالارىندا ٶتكەن. باستى رٶلدٸ جاس اكتەر سامات ەزٸمقۇلوۆ سومدايدى. ول 2006-2007 جىلدارى كيكبوكستان جاستار اراسىندا ەكٸ رەت قازاقستان چەمپيونى بولعان. سونىمەن قاتار تۋىندىدان عالىمبەك وسپانوۆ, مۇرات جارىلقاسىنوۆ, مايرا ماقۇلبەكوۆا, دۋلىعا اقمولدا, قۋانىش مۇقاتاي, باقداۋلەت شايماحان جەنە باسقا دا اكتەرلەردٸ كٶرە الاسىزدار.
