20 مامىر كٷنٸ سەنات تٶراعاسىنىڭ ورىنباسارى بەكتاس بەكنازاروۆ ۋكراينانىڭ جاڭادان سايلانعان پرەزيدەنتٸ ۆلاديمير زەلەنسكييدٸ ۇلىقتاۋ رەسٸمٸنە قاتىستى, دەپ حابارلايدى "ۇلت اقپارات" قر پارلامەنتٸ سەناتىنىڭ باسپاسٶز قىزمەتٸنە سٸلتەمە جاساپ.
سالتاناتتى جيىننان كەيٸنگٸ كەزدەسۋدە ب.بەكنازاروۆ قازاقستاننىڭ تۇڭعىش پرەزيدەنتٸ – ەلباسى نۇرسۇلتان نازارباەۆتىڭ, قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆ پەن بارشا قازاقستان حالقى اتىنان ۆلاديمير زەلەنسكييدٸ قىزمەتٸنە رەسمي تٷردە كٸرٸسۋٸمەن قۇتتىقتاپ, ۋكراينا حالقىنىڭ يگٸلٸگٸ جولىنداعى قىزمەتٸنە تابىس تٸلەدٸ.
كەزدەسۋ بارىسىندا سونداي-اق قازاقستان مەن ۋكراينا اراسىنداعى قاتىناستارعا قارقىن بەرۋ جٶنٸندەگٸ اۋقىمدى مەسەلەلەر تالقىلاندى.
ايتا كەتسەك, ۇلىقتاۋ رەسٸمٸنە لاتۆييا, ليتۆا, ەستونييا, گرۋزييا مەن ۆەنگرييا پرەزيدەنتتەرٸ, چەحييا سەناتىنىڭ, ەزەربايجان پارلامەنتٸنٸڭ باسشىلارى, بەلارۋس پەن ارمەنييانىڭ پرەمەر-مينيسترلەرٸ, اقش ەنەرگەتيكا مينيسترٸ, گرۋزييا, مولدوۆا, پولشا, سلوۆاكييا مەن جالپى العاندا ەلۋدەن اسا ەلدٸڭ ٶكٸلدەرٸ كەلدٸ.
