"2016 جىلعى قازاقستان رەسپۋبليكاسىنىڭ ەدەبيەت پەن ٶنەر سالاسىنداعى مەملەكەتتٸك سىيلىعىن بەرۋ جٶنٸندەگٸ كوميسسييانىڭ شەشٸمٸمەن مەمەلەكەتتٸك سىيلىق جازۋشى بەكسۇلتان نۇرجەكەۇلىنا بۇيىردى. بۇل سىيلىق جازۋشىعا «ەي, دٷنيە-اي» تاريحي رومانى ٷشٸن بەرٸلدٸ", - دەپ حابارلايدى zhasorken.kz.
«روماندى «ەي, دٷنيە-اي!» دەپ اتاعان سەبەبٸم, بۇل جەكە ادامنىڭ تاعدىرى ەمەس. باس كەيٸپكەرٸ – شەيٸ دەگەن الباننىڭ قىزى. 2016 جىلى البان كٶتەرٸلٸسٸنە, تورعاي كٶتەرٸلٸسٸنە, جالپى ۇلت-ازاتتىق كٶتەرٸلٸسكە 100 جىل تولادى. بۇل قازاقتىڭ ٷلكەن بٸر تاريحي بەلەسٸ. قازاقتىڭ ٷلكەن قايراتكەرلەرٸ, احمەت بايتۇرسىنۇلى, ەليحان بٶكەيحانوۆ باستاعان الاش ازاماتتارى 1916 جىلعى كٶتەرٸلٸسكە شىعۋدىڭ قاجەتٸ جوق دەگەن. «حالىق قىرىلىپ قالادى, قارسى شىعامىز دەپ قازاقتى قىرىپ الماۋ كەرەك» دەگەن ۇستانىمدا بولعان. كەيبٸرەۋلەر وسىنىڭ ٶڭٸن تەرٸس اينالدىرىپ, ەل الدىنداعى ازاماتتاردىڭ حالىققا دەگەن قاستاندىعى تۇرعىسىندا باعالاعان. ال مىنا تاريحتى كٶرگەننەن كەيٸن سولاردىڭ ۇستانىمىنىڭ دۇرىستىعىنا كٶزٸم جەتتٸ» دەدٸ جازۋشى بۇل تۋرالى بۇرىنعى سۇحباتىندا.
