ماڭعىستاۋ وبلىسىندا بەكەت اتا مەشٸتٸنە زيياراتقا بارىپ, بٸرنەشە كٷننەن بەرٸ ٸز-تٷزسٸز جوعالعان ٷش تۇرعىن امان-ەسەن تابىلدى, دەپ حابارلايدى ult.kz.
ەسكە سالايىق, ولار سوڭعى رەت 2 شٸلدە كٷنٸ بەكەت اتا مەشٸتٸ اۋماعىنان WhatsApp ارقىلى ۆيدەو جولداپ, سودان كەيٸن بايلانىسقا شىقپاي قالعان بولاتىن.
ماڭعىستاۋ وبلىستىق پوليتسييا دەپارتامەنتٸنٸڭ مەلٸمەتٸنشە, اۋقىمدى ٸزدەستٸرۋ جۇمىستارىنىڭ نەتيجەسٸندە ٷش ادام وتىرعان كٶلٸك قىدىرشا اتا شاتقالىنان شامامەن 35 شاقىرىم جەردەگٸ جەتۋٸ قيىن اۋماقتان انىقتالعان.
الدىن الا مەلٸمەت بويىنشا, اۆتوكٶلٸك باتپاققا باتىپ قالىپ, جولاۋشىلار ەرٸ قاراي قوزعالا الماي قالعان. وسىعان بايلانىستى ولار بايلانىسقا شىعۋ مٷمكٸندٸگٸنەن ايىرىلعان.
جوعالعانداردى العاش بولىپ بەينەۋ اۋداندىق پوليتسييا بٶلٸمٸنٸڭ قىزمەتكەرلەرٸ تاپقان. قازٸر ولار اقجٸگٸت اۋىلىنا جەتكٸزٸلٸپ, مەديتسينالىق تەكسەرۋدەن ٶتۋدە.
پوليتسييانىڭ حابارلاۋىنشا, ٸزدەستٸرۋ جۇمىستارى قۇقىق قورعاۋ ورگاندارىنىڭ, تٶتەنشە جاعدايلار قىزمەتٸنٸڭ جەنە باسقا دا جۇمىلدىرىلعان قۇرىلىمداردىڭ ٷيلەسٸمدٸ ەرەكەتٸنٸڭ نەتيجەسٸندە سەتتٸ اياقتالدى.
ايتا كەتەيٸك, ٸزدەۋ وپەراتسيياسىنا پوليتسييا قىزمەتكەرلەرٸ, قۇتقارۋشىلار, «وحوتزووپروم» ماماندارى, تٸكۇشاقتار, ارنايى تەحنيكا جەنە ەرٸكتٸلەر جۇمىلدىرىلعان بولاتىن. سونىمەن قاتار ٶڭٸر تۇرعىندارى درونداردىڭ كٶمەگٸمەن ٸزدەۋ جۇمىستارىنا قولداۋ كٶرسەتۋگە شاقىرىلعان ەدٸ.
