Mańǵystaý oblysynda Beket ata meshitine ziiaratqa baryp, birneshe kúnnen beri iz-túzsiz joǵalǵan úsh turǵyn aman-esen tabyldy, dep habarlaidy ult.kz.
Eske salaiyq, olar sońǵy ret 2 shilde kúni Beket ata meshiti aýmaǵynan WhatsApp arqyly video joldap, sodan keiin bailanysqa shyqpai qalǵan bolatyn.
Mańǵystaý oblystyq politsiia departamentiniń málimetinshe, aýqymdy izdestirý jumystarynyń nátijesinde úsh adam otyrǵan kólik Qydyrsha ata shatqalynan shamamen 35 shaqyrym jerdegi jetýi qiyn aýmaqtan anyqtalǵan.
Aldyn ala málimet boiynsha, avtokólik batpaqqa batyp qalyp, jolaýshylar ári qarai qozǵala almai qalǵan. Osyǵan bailanysty olar bailanysqa shyǵý múmkindiginen aiyrylǵan.
Joǵalǵandardy alǵash bolyp Beineý aýdandyq politsiia bóliminiń qyzmetkerleri tapqan. Qazir olar Aqjigit aýylyna jetkizilip, meditsinalyq tekserýden ótýde.
Politsiianyń habarlaýynsha, izdestirý jumystary quqyq qorǵaý organdarynyń, tótenshe jaǵdailar qyzmetiniń jáne basqa da jumyldyrylǵan qurylymdardyń úilesimdi áreketiniń nátijesinde sátti aiaqtaldy.
Aita keteiik, izdeý operatsiiasyna politsiia qyzmetkerleri, qutqarýshylar, «Ohotzooprom» mamandary, tikushaqtar, arnaiy tehnika jáne eriktiler jumyldyrylǵan bolatyn. Sonymen qatar óńir turǵyndary drondardyń kómegimen izdeý jumystaryna qoldaý kórsetýge shaqyrylǵan edi.
