Bek Air كومپانيياسى ۇشاق سوعىلعان ٷيدٸڭ يەسٸ رەشەت قاليبەكتٸ سوتقا بەردٸ, - دەپ حابارلايدى Tengrinews.kz.
رەشەت قاليبەكتٸڭ ايتۋىنشا, سوتقا شاقىرتۋ قاعازى وعان بٸر اپتا بۇرىن كەلگەن.
"جاقىندا Bek Air ماعان سوتقا بەرگەنٸ تۋرالى قاعاز كەلدٸ. ەندٸ ويلاپ وتىرعانىم, نەگە جەرگە رۇقسات بەرگەن ەرٸ سول جەرگە ٷي سالۋعا رۇقسات بەرگەن ەكٸمدٸكتٸڭ ٷستٸنەن ەمەس, مەنٸڭ ٷستٸمنەن ارىزدانادى? ەندٸ مەنٸ كٸنەلٸ قىلعىسى كەلەدٸ. 21 اقپانعا سوتقا شاقىرتىپ وتىر. مەن باستاپقىدا Bek Air كومپانيياسىنىڭ ٷستٸنەن ارىزدانعانمىن. ال ەندٸ ولار مەنٸڭ ٷستٸمنەن ارىزدانىپ وتىر", - دەپ حابارلادى رەشەت قاليبەك.
Bek Air ۇشاعى بىلتىر 27 جەلتوقساندا تاڭعى ۋاقىتتا اپاتقا ۇشىراعان. لاينەر الماتىدان نۇر-سۇلتانعا ۇشىپ شىققان بەتتە قۇلديلاپ, ەۋەجاي قورشاۋىنان اسىپ, ٷيگە سوعىلعان بولاتىن. ۇشاق بورتىندا 93 جولاۋشى مەن ەكيپاجدىڭ 5 مٷشەسٸ بولعان. اپات سالدارىنان 12 ادام قازا تاپتى.
