«Bek Air» ەۋە كومپانيياسى باسشىلىعىنىڭ بۇقارالىق اقپارات قۇرالدارى الدىنا شىعۋدان باس تارتۋى دۇرىس ەمەس. بۇل تۋرالى قر پرەمەر-مينيسترٸنٸڭ ورىنباسارى رومان سكليار ايتتى, دەپ حابارلايدى قازاقپارات.
«مەنٸڭشە, ولاردىڭ باق الدىنا شىقپاۋى دۇرىس ەمەس. ولار قازا تاپقان جولاۋشىلاردڭ تۋىستارىنا قانداي قولداۋ شارالارىنىڭ كٶرسەتٸلەتٸندٸگٸن, زارداپ شەككەندەرگە قانداي كٶمەك بەرەتٸندٸكتەرٸن تٷسٸندٸرۋٸ قاجەت», - دەدٸ ول ٷكٸمەت وتىرىسىنان كەيٸن باق ٶكٸلدەرٸنە بەرگەن سۇحباتىندا.
سونىمەن قاتار, ۆيتسە-پرەمەر اتالعان ەۋە كومپانيياسىنىڭ رەيستەرٸنە ساتىپ الىنعان بيلەتتەردٸڭ قانشاسى قايتارىلعاندىعىنا قاتىستى دەرەكتەرمەن بٶلٸستٸ.
«10 قاڭتارعا دەيٸنگٸ ارالىققا ەۋە كومپانيياسى شامامەن 19 مىڭ بيلەت ساتقان. قازٸردٸڭ ٶزٸندە 9 مىڭعا جۋىق بيلەت قايتا تاپسىرىلدى نەمەسە ٶزگە ەۋە كومپانييالارىنىڭ رەيستەرٸنە قايتا بروندالدى. وسىناۋ قيىن جاعدايدا قاجەتتٸ كٶمەك كٶرسەتۋگە شەشٸم قابىلداعان Kazakh Air, Scat, Air Astana ەۋە كومپانييالارىنا ريزاشىلىعىمىزدى بٸلدٸرگٸم كەلەدٸ. سونىمەن قاتار, قازاقستان تەمٸر جولى باسشىلىعىنا وسىنداي جاعدايدا جولاۋشىلارعا بارىنشا كٶمەك كٶرسەتۋ ٷشٸن قوسىمشا پويىز ۇيىمداستىرعانىنا العىس ايتامىن», - دەدٸ ر.سكليار.
