فوتو: Inbusiness.kz
قازاقستاندا ٶڭٸرلٸك بازارلاردا باعانىڭ اشىق قالىپتاسۋىن قامتاماسىز ەتۋ باعىتىنداعى شارالار كٷشەيتٸلدٸ, دەپ حابارلايدى Ult.kz.
قازاقستان رەسپۋبليكاسىنىڭ ساۋدا جەنە ينتەگراتسييا مينيسترلٸگٸ پرەمەر-مينيستردٸڭ تاپسىرماسى اياسىندا ٶنٸمسٸز دەلدالداردى قىسقارتۋ جۇمىستارىن جانداندىردى. نەگٸزگٸ ماقسات – باعانىڭ نەگٸزسٸز ٶسۋٸنە ەسەر ەتەتٸن فاكتورلاردى جويۋ جەنە اشىق تاۋار ٶتكٸزۋ تٸزبەگٸن قالىپتاستىرۋ.
16 سەۋٸردە ساۋدا كوميتەتٸنٸڭ تٶراعاسى ەرنۇر جەۋتٸكباەۆ تٷركٸستان قالاسىندا تٷركٸستان, قىزىلوردا, جامبىل وبلىستارى مەن شىمكەنت قالاسىنىڭ بازار يەلەرٸ جەنە ساۋدا نىساندارى ەكٸمشٸلٸكتەرٸمەن كەڭەس ٶتكٸزدٸ.
جيىندا ٸشكٸ ساۋدا قاعيدالارىن جەتٸلدٸرۋ مەسەلەلەرٸ قارالىپ, بٶلشەك ساۋدا مەن كٶتەرمە جەتكٸزۋشٸلەردٸڭ اراجٸگٸن ناقتى اجىراتۋ ارقىلى جەتكٸزۋ تٸزبەگٸن جٷيەلەۋ قاجەتتٸگٸ ايتىلدى. بۇل ٶز كەزەگٸندە قوسىلعان قۇن قالىپتاستىرمايتىن, بٸراق سوڭعى باعاعا ەسەر ەتەتٸن ارتىق دەلدالداردى شەكتەۋگە مٷمكٸندٸك بەرەدٸ.
سونداي-اق بازارلاردا اقپاراتتىق جٷيەلەردٸ مٸندەتتٸ تٷردە ەنگٸزۋ تالابى كٷشەيتٸلمەك. بارلىق شارتتار, جالداۋ تٶلەمدەرٸ مەن ساۋدا تالاپتارى تسيفرلىق فورماتتا تٸركەلۋٸ تيٸس. مينيسترلٸك ٶكٸلدەرٸنٸڭ ايتۋىنشا, مۇنداي جٷيەنٸڭ بولماۋى كٶلەڭكەلٸ اينالىم مەن بەيرەسمي ەسەپ ايىرىسۋلارعا جول اشادى.
ەرنۇر جەۋتٸكباەۆتىڭ سٶزٸنشە, قازٸرگٸ تاڭدا بازار قىزمەتٸنە كەشەندٸ باقىلاۋ جٷرگٸزٸلۋدە. بۇل جۇمىسقا مەملەكەتتٸك كٸرٸستەر ورگاندارى, ٸشكٸ ٸستەر ورگاندارى, انتيمونوپولييالىق قۇرىلىمدار جەنە جەرگٸلٸكتٸ اتقارۋشى ورگاندار تارتىلعان. سونىمەن قاتار ساۋدا سالاسىندا حرونومەتراج تەتٸگٸ كٷشەيتٸلٸپ, ناقتى اينالىم مەن دەكلاراتسييالانعان كٶرسەتكٸشتەر سالىستىرىلۋدا.
باقىلاۋ نەتيجەسٸندە زاڭ بۇزۋشىلىقتار انىقتالعان جاعدايدا تيٸستٸ ۇيعارىمدار بەرٸلٸپ, تالاپتاردى ورىنداماعان سۋبەكتٸلەرگە ايىپپۇل سالۋ جەنە سوت ارقىلى قاتاڭ شارالار قولدانۋ قاراستىرىلعان.
«بازار – جاسىرىن سحەمالارعا ورىن ەمەس. ەربٸر قاتىسۋشى زاڭ اياسىندا جۇمىس ٸستەۋٸ تيٸس. ساۋدا تولىقتاي اشىق ەرٸ تسيفرلىق فورماتتا جٷرگٸزٸلۋٸ قاجەت», – دەدٸ كوميتەت تٶراعاسى.
بٷگٸندە ٶڭٸرلەردە وبلىس ەكٸمدەرٸنٸڭ ورىنباسارلارى جەتەكشٸلٸك ەتەتٸن ارنايى كوميسسييالار جۇمىس ٸستەيدٸ. ولار تاۋار جەتكٸزۋ تٸزبەكتەرٸن تالداپ, تيٸمسٸز دەلدالداردى انىقتاپ, ولاردى جٷيەدەن شىعارۋ شارالارىن قابىلداۋدا. الايدا كەيبٸر ٶڭٸرلەردە بۇل جۇمىس جەتكٸلٸكتٸ دەڭگەيدە جٷرگٸزٸلمەي وتىرعانى اتاپ ٶتٸلدٸ.
جىل باسىنان بەرٸ ەلٸمٸزدە 316 كوميسسييا وتىرىسى ٶتٸپ, نەتيجەسٸندە 76 دەلدالدىق بۋىن ساۋدا تٸزبەگٸنەن شىعارىلعان.
مينيسترلٸك ەكٸمدٸكتەرگە بۇل باعىتتاعى جۇمىستى كٷشەيتٸپ, اشىق ەرٸ تيٸمدٸ ساۋدا جٷيەسٸن قالىپتاستىرۋدى تاپسىردى. ساراپشىلاردىڭ پٸكٸرٸنشە, مۇنداي شارالار كٶلەڭكەلٸ ەكونوميكانى ازايتىپ, حالىق ٷشٸن ەدٸل باعا قالىپتاستىرۋعا ىقپال ەتەدٸ.
