قر ۇلتتىق بانكٸ پايىزدىق دەلٸزدٸ +/- 1 پ.ت. دەڭگەيدە قالدىرا وتىرىپ, بازالىق مٶلشەرلەمەنٸ جىلدىق 9,25% دەڭگەيدە ساقتاۋ تۋرالى شەشٸم قابىلدادى, دەپ حابارلايدى "ۇلت اقپارات" قر ۇب باسپاسٶز قىزمەتٸنە سٸلتەمە جاساپ.
«قىركٷيەكتە 5,3% بولعان ٸس جٷزٸندەگٸ جىلدىق ينفلياتسييا سەرپٸنٸ ۇلتتىق بانكتٸڭ الدىڭعى بولجام قورىتىندىسى بويىنشا جاسالعان باعالاۋىنا سەيكەس قالىپتاسۋدا. حالىقتىڭ ينفلياتسييالىق كٷتۋلەرٸ ٸس جٷزٸندەگٸ ينفلياتسييا دەڭگەيٸنە جاقىن قالىپتاسۋدا. 2019 جىلدىڭ سوڭىندا ينفلياتسييا 5,7-5,8% دەڭگەيدە, ياعني 4-6% نىسانالى دەلٸز ٸشٸندە كٷتٸلەدٸ. رەتتەلەتٸن قىزمەتتەرگە جەنە ازىق-تٷلٸك تاۋارلارىنىڭ جەكەلەگەن تٷرلەرٸنە باعا سەرپٸنٸنە بايلانىستى ينفلياتسييالىق تەۋەكەلدەردٸڭ بولۋىنا قاراماستان, ينفلياتسييا 2020 جىلدىڭ سوڭىنا دەيٸن ارالىقتا 4-6% نىسانالى دەلٸز ٸشٸندە ساقتالادى», دەلٸنگەن حابارلامادا.
بازالىق مٶلشەرلەمە بويىنشا كەيٸنگٸ شەشٸمدەردٸ ۇلتتىق بانك نىسانالى باعدارعا قول جەتكٸزۋ ماقساتىندا قالىپتاسىپ وتىرعان جەنە بولجاناتىن ينفلياتسييا سەرپٸنٸن ەسكەرە وتىرىپ قابىلدايدى.
«جىلدىق ينفلياتسييا 2019 جىلعى قىركٷيەكتە الدىڭعى ايمەن سالىستىرعاندا تامىزداعى 5,5%-دان 5,3%-عا دەيٸن باياۋلادى. كٶكٶنٸس پەن جەمٸسكە, رەتتەلەتٸن قىزمەتتەر مەن ەنەرگييا رەسۋرستارىنا باعانىڭ ٶسۋٸن ەسكەرمەي ەسەپتەلەتٸن بازالىق ينفلياتسييا دا 7,9%-دان 7,7%-عا دەيٸن تٶمەندەدٸ.
ازىق-تٷلٸككە جاتپايتىن تاۋارلارعا جىلدىق كٶرسەتۋدە 5,4%-عا جەنە اقىلى قىزمەتتەرگە 0,7%-عا باعانىڭ ٶسۋ قارقىندارىنىڭ باياۋلاۋى ينفلياتسيياعا تەجەۋشٸ ەسەر كٶرسەتۋٸن جالعاستىرۋدا. ازىق-تٷلٸككە جاتپايتىن ينفلياتسييا سەرپٸنٸ كيٸم-كەشەك پەن اياق-كيٸمگە, ديزەل وتىنىنا باعا ٶسۋٸنٸڭ ماۋسىمدىق جىلدامداۋىنىڭ بولماۋىمەن سيپاتتالادى. بەنزين جەنە قاتتى وتىن باعاسى تٶمەندەۋٸن جالعاستىرۋدا (جىلدىق كٶرسەتۋدە تيٸسٸنشە 4,8%-عا جەنە 3,5%-عا). رەتتەلەتٸن قىزمەتتەر سوڭعى 12 ايدا 8,2%-عا ارزاندادى», دەلٸنگەن ۇلتتىق بانك تاراتقان حابارلامادا.
حالىقتىڭ ينفلياتسييالىق كٷتۋلەرٸ اعىمداعى جىلعى قىركٷيەكتە تامىزبەن سالىستىرعاندا ايتارلىقتاي ٶزگەرگەن جوق جەنە الداعى 12 ايدا 5,4% بولىپ باعالانادى.
تاۋارلار مەن قىزمەتتەرگە تۇتىنۋشىلىق سۇرانىس كەڭەيۋدە. حالىقتىڭ ناقتى اقشالاي كٸرٸستەرٸنٸڭ ٶسۋٸ 2019 جىلعى قاڭتار-تامىزدا 6,7% بولدى. بۇل ٷردٸستەرگە ەلەۋمەتتٸك قولداۋعا, جالاقىعا بيۋدجەتتٸك شىعىستار جەنە قىركٷيەكتە ٶسۋٸ جىلدىق كٶرسەتۋدە 22,6% بولعان تۇتىنۋشىلىق كرەديتتەۋدٸڭ كەڭەيۋٸ ىقپال ەتۋدە.
ۇلتتىق بانكتٸڭ مەلٸمدەۋٸنشە, ينفلياتسييا 2019 جىلدىڭ قورىتىندىسى بويىنشا 5,7-5,8% دەڭگەيدە باعالانىپ وتىر. 2020 جىل ٸشٸندە ينفلياتسييانىڭ 4-6% نىسانالى دەلٸزدٸڭ ورتاسى دەڭگەيٸنە دەيٸن باياۋلاۋى كٷتٸلەدٸ. بۇعان اعىمداعى اقشا-كرەديت جاعدايلارى ىقپال ەتەتٸن بولادى. ينفلياتسييا فاكتورلارىنىڭ ەر تٷرلٸ باعىتتا بولۋى ونىڭ قىسقا مەرزٸمدٸ كەزەڭدەگٸ قۇبىلمالىلىعى تەۋەكەلدەرٸن ارتتىرادى. نەگٸزگٸ تەۋەكەلدەر رەتتەلەتٸن قىزمەتتەردٸڭ جەكەلەگەن تٷرلەرٸنە شەكتٸ تاريفتەردٸڭ كٷتٸلەتٸن ٶسۋٸنە بايلانىستى.
ايتا كەتەرلٸگٸ, بازالىق مٶلشەرلەمە بويىنشا كەزەكتٸ شەشٸم 2019 جىلعى 9 جەلتوقساندا نۇر-سۇلتان قالاسىنىڭ ۋاقىتىمەن ساعات 15:00-دە جارييا ەتٸلەدٸ.
ەسكە سالا كەتسەك, 9 قىركٷيەكتە قازاقستان رەسپۋبليكاسىنىڭ ۇلتتىق بانكٸ بازالىق مٶلشەرلەمەنٸ 9,25 پايىزعا دەيٸن كٶتەرۋ تۋرالى شەشٸم قابىلداعان بولاتىن.
