فوتو: Stan.kz
شىمكەنتتە №28349 ەسكەري بٶلٸمٸنٸڭ ينجەنەرلٸك وق-دەرٸلەر قويماسىنىڭ ٶرتەنۋٸنە كٸنەلٸلەر مەملەكەتكە 23,8 ميلليارد تەڭگە تٶلەۋٸ كەرەك, دەپ حابارلايدى "ۇلت اقپارات" Stan.kz اقپارات اگەنتتٸگٸنە سٸلتەمە جاساپ.
شىمكەنت قالالىق ازاماتتىق ٸستەر جٶنٸندەگٸ اۋدانارالىق سوتى قورعانىس مينيسترلٸگٸنٸڭ 4 جاۋاپكەردەن 25 093 038 236 تەڭگە ماتەريالدىق زالالدى ٶندٸرۋ تۋرالى تالابى بويىنشا ٸستٸ قارادى. 4 جاۋاپكەردٸڭ ەكەۋٸ – سارباز.
"2021 جىلدىڭ 26 تامىزىندا ساعات 18:40 شاماسىندا جامبىل وبلىسى بايزاق اۋدانى قاينار جول تورابىندا ورنالاسقان №28349 ەسكەري بٶلٸمٸنٸڭ ينجەنەرلٸك وق-دەرٸلەر قويماسىنىڭ بٸرٸنەن ٶرت شىعىپ, ودان كەيٸن جارىلىستار بولعان. نەتيجەسٸندە 18 ادام قازا تاۋىپ, بٸرنەشە ادام زارداپ شەكتٸ, سونداي-اق مەملەكەت پەن جەكە تۇلعالارعا اسا ٸرٸ مٶلشەردە زالال كەلتٸرٸلگەن", – دەپ مەلٸمدەدٸ سوت.
جاۋاپكەرلەردٸڭ كٸنەسٸ 2024 جىلعى 13 ناۋرىزداعى زاڭدى كٷشٸنە ەنگەن اپەللياتسييالىق سوت اكتٸلەرٸمەن دەلەلدەندٸ.
جاۋاپكەرلەر ەسكەري بٶلٸمنٸڭ تەحنيكالىق اۋماعىندا №14 ينجەنەرلٸك وق-دەرٸلەردٸ ساقتاۋ قويماسىندا ٶرت شىعۋىنا جول بەرگەندٸكتەن, اسا ٸرٸ مٶلشەردە شىعىن كەلگەنٸ انىقتالدى.
ەندٸ ولار 23 764 530 881 تەڭگە مەملەكەت پايداسىنا ماتەريالدىق شىعىندى تٶلەۋٸ كەرەك.
دەلەل بولماعاندىقتان, قالعان 1 328 507 355 تەڭگەنٸ تٶلەمەيدٸ.
شەشٸم زاڭدى كٷشٸنە ەنگەن جوق.
ەسكە سالساق, بۇعان دەيٸن بايزاقتاعى جارىلىس بويىنشا اپەللياتسييالىق سوت بولىپ, ساربازداردى 13 جىلعا باس بوستاندىعىنان ايىردى.
