فوتو: Akorda.kz
مەملەكەت باسشىسى "بەيتەرەك" ۇلتتىق باسقارۋشى حولدينگٸ" اق باسقارما تٶراعاسى نۇرلان بايبازاروۆتى قابىلدادى, - دەپ حابارلايدى "ۇلت اقپارات" اقورداعا سٸلتەمە جاساپ.
قاسىم-جومارت توقاەۆقا حولدينگتٸڭ بيىلعى 9 ايداعى قىزمەتٸنٸڭ نەتيجەلەرٸ, سونىڭ ٸشٸندە كەسٸپكەرلٸك پەن اگروٶنەركەسٸپ كەشەنٸن قولداۋ, حالىقتى تۇرعىن ٷيمەن قامتاماسىز ەتۋ باعىتىندا اتقارىلىپ جاتقان جۇمىستار جٶنٸندە باياندالدى.
پرەزيدەنتكە ۇسىنىلعان دەرەكتەرگە سەيكەس, ينۆەستيتسييالىق جوبالاردى قارجىلاندىرۋ كٶلەمٸ 511 ميلليارد تەڭگەنٸ قۇراعان. سونىمەن قاتار شاعىن جەنە ورتا بيزنەستٸڭ 18,1 مىڭ جوباسىنا قولداۋ كٶرسەتٸلٸپ, شامامەن 1 تريلليون تەڭگە كٶلەمٸندە كرەديت بەرٸلگەن. اگروٶنەركەسٸپ كەشەنٸن قولداۋعا 447 ميلليارد تەڭگە قارجى بٶلٸنگەن. جىل باسىنان بەرٸ 811,2 مىڭ شارشى مەتر تۇرعىن ٷي پايدالانۋعا بەرٸلٸپ, 47 مىڭعا جۋىق وتباسى باسپانالى بولعان.
بۇدان بٶلەك, مەملەكەت باسشىسىنا حولدينگتٸ ترانسفورماتسييالاۋ جەنە تسيفرلاندىرۋ ٷشٸن قابىلدانىپ جاتقان شارالار تۋرالى مەلٸمەت بەرٸلدٸ. «بەيتەرەك» الداعى ەكٸ جىلدا ەكونوميكانىڭ شيكٸزاتتىق ەمەس سەكتورىن قولداۋ اۋقىمىن ەكٸ ەسە ارتتىرماق. ينۆەستيتسييا تارتۋ جەنە كوممەرتسييالىق بانكتەردٸ ٶڭدەۋ ٶنەركەسٸبٸ جوبالارىن كرەديتتەۋگە جۇمىلدىرۋ جۇمىستارى جاندانا تٷسەدٸ.
ٸشكٸ نارىقتى قامتاماسىز ەتۋ جەنە اگروٶنەركەسٸپ كەشەنٸنٸڭ ەكسپورتتىق ەلەۋەتٸن ارتتىرۋ ماقساتىندا تاماق ٶنەركەسٸبٸ جوبالارىن قارجىلاندىرۋ باعدارلامالارى ٸسكە قوسىلادى, سونداي-اق تولىققاندى ەكسپورت-كرەديت اگەنتتٸگٸ قۇرىلادى.
مەملەكەت باسشىسىنىڭ مونوقالالار, اۋدان ورتالىقتارى مەن اۋىل تۇرعىندارىن باسپانامەن قامتۋ جٶنٸندەگٸ تاپسىرماسىن ورىنداۋ ماقساتىندا حولدينگتٸڭ تۇرعىن ٷي باعىتىنداعى قىزمەتٸ ترانفورماتسييالانادى.
نۇرلان بايبازاروۆ حولدينگكە ەنشٸلەس ۇيىمداردىڭ بارلىق قىزمەتٸن تسيفرلىق فورماتقا كٶشٸرۋ جوسپارلانىپ وتىرعانىن جەتكٸزدٸ.
كەزدەسۋ سوڭىندا مەملەكەت باسشىسى ەكونوميكالىق ٶسٸمدٸ قولداۋ جەنە ازاماتتاردىڭ تۇرمىس دەڭگەيٸن جاقسارتۋ ٷشٸن جاڭا تەسٸلدەر ەنگٸزۋ ماڭىزدى ەكەنٸن اتاپ ٶتتٸ. سونداي-اق «بەيتەرەك» حولدينگٸنٸڭ جۇمىسىن جەتٸلدٸرۋگە قاتىستى بٸرقاتار مٸندەت جٷكتەدٸ.
