«بەيتەرەك» حولدينگٸ كەسٸپكەرلەردٸ مەملەكەتتٸك قولداۋعا جٷگٸنۋدەن قورىقپاۋعا شاقىردى

«بەيتەرەك» حولدينگٸ الدىندا الداعى 5 جىلدا ەلدٸڭ جالپى ٸشكٸ ٶنٸمٸندەگٸ شاعىن جەنە ورتا بيزنەستٸڭ ٷلەسٸن 35 پايىزعا جەتكٸزۋ مٸندەتٸ تۇر. بۇل تۋرالى «بەيتەرەك» ۇبح» اق باسقارما تٶراعاسىنىڭ ورىنباسارى رٷستەم قاراعويشين ايتتى, دەپ حابارلايدى قازاقپارات.

«شاعىن بيزنەستٸ مەملەكەتتٸك قولداۋدىڭ سۇرانىسقا يە تاعى بٸر شاراسى – «دامۋ» قورى بەرەتٸن كەپٸلدٸك. كەسٸپكەر ٶز بيزنەسٸن اشۋعا نەمەسە كەڭەيتۋگە كرەديت الاتىن كەزدە كەپٸلزاتى جەتكٸلٸكسٸز بولعاندا وسى كەپٸلدٸكتٸ پايدالانا الادى. 2020 جىلعى 1 تامىزداعى جاعداي بويىنشا كرەديت سوماسى 306 ميلليارد تەڭگە بولاتىن 7 518 جوبا بويىنشا كەپٸلدٸكتەر بەرٸلدٸ. كەپٸلدٸكتەر سوماسى 117 ميلليارد تەڭگەنٸ قۇرادى. ونىڭ ٸشٸندە 2019 جىلى جالپى كرەديت سوماسى 74 ميلليارد تەڭگە بولاتىن 1 726 جوباعا قولداۋ كٶرسەتٸلدٸ, كەپٸلدٸك سوماسى 27 ميلليارد تەڭگەگە جەتتٸ», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا. 

ونىڭ مەلٸمەتٸنشە, سالا بويىنشا بٶلگەندە قارجىلاندىرىلعان جوبالار اراسىندا ٶڭدەۋ ٶنەركەسٸبٸنٸڭ (جالپى كرەديت سوماسى 103 ميلليارد تەڭگە بولاتىن 2 206 جوبا) جەنە ساۋدا سالاسىنىڭ (كرەديت سوماسى 32 ميلليارد تەڭگە بولاتىن 1 309 جوبا) ٷلەسٸ كٶپ. ٶڭٸرلەر اراسىندا اقتٶبە (جالپى كرەديت سوماسى 20 ميلليارد تەڭگە بولاتىن 582 جوبا) جەنە پاۆلودار (جالپى كرەديت سوماسى 21 ميلليارد تەڭگە بولاتىن 535 جوبا) وبلىستارى كٶش باستاپ تۇر.

«باعدارلامانىڭ تيٸمدٸلٸگٸن كٶرسەتەتٸن باسقا دا ساندارعا دا توقتالعىم كەلەدٸ. مەسەلەن, باعدارلاماعا قاتىسۋشى كەسٸپكەرلەر 2010-2019 جىلدارى 25 تريلليون تەڭگەنٸڭ ٶنٸمٸن شىعاردى, 1,6 تريلليون تەڭگە سوماسىندا سالىق تٶلەدٸ. بجك اياسىندا مەملەكەتتٸك قولداۋعا يە بولعان كەسٸپكەرلەردٸڭ ارقاسىندا 100 مىڭنان استام جاڭا جۇمىس ورنى اشىلدى. ەگەر مۋلتيپليكاتيۆتٸ ەسەرٸ تۋرالى ايتاتىن بولساق, 1 تەڭگە سۋبسيديياعا 10 تەڭگە كرەديت تارتىلدى. ونعا بٸر – بۇل قارجى ينستيتۋتتارى تۇرعىسىنان ٶتە جاقسى كٶرسەتكٸش. 1 تەڭگە كەپٸلدٸككە 2,6 تەڭگەگە جۋىق كرەديت قاراجاتى تارتىلدى. سونىمەن قاتار, نەتيجە كٶرسەتٸپ وتىرعانداي, 1 تەڭگە سۋبسيدييا 135 تەڭگە پايدا جەنە بيۋدجەتكە 8 تەڭگە سالىقتىق تٷسٸم ەكەلەدٸ», - دەدٸ رٷستەم قاراعويشين. 

باسقارما تٶراعاسىنىڭ ايتۋىنشا, 2020 جىلدىڭ 1 قاڭتارىنان باستاپ «بيزنەستٸڭ جول كارتاسى» تاعى بەس جىلعا, ياعني 2025 جىلعا دەيٸن ۇزارتىلدى. قازٸر وعان ەدەۋٸر ٶزگەرٸستەر ەنگٸزٸلدٸ. ولار بيزنەستٸڭ قارجىلاندىرۋ الۋىن سٶزسٸز جەڭٸلدەتەدٸ. 

«وسى تۇستا ايتا كەتەتٸنٸ, بۇعان قر ۇلتتىق ەكونوميكا مينيسترلٸگٸنٸڭ ٷيلەسٸمدٸ, جەدەل جەنە جوعارى دەڭگەيدەگٸ كەسٸبي جۇمىسىنىڭ ارقاسىندا قول جەتكٸزٸلدٸ. وسىلايشا, سۋبسيدييالاۋ قۇرالى بويىنشا: سالالىق شەكتەۋلەر جويىلدى; كەسٸپكەرلەرگە ارنالعان مٶلشەرلەمە 6 پايىز دەڭگەيٸندە بٸركەلكٸلەندٸ; سۋبسيدييالاناتىن كرەديت سوماسى 2,5 ميللياردتان 7 ميلليارد تەڭگەگە دەيٸن ۇلعايتىلدى, ال مەرزٸمٸ 5 جىلعا ۇزارتىلدى. كەپٸلدٸك بەرۋ قۇرالى بويىنشا كەسٸبٸن جاڭا باستاعان كەسٸپكەردٸڭ 360 ميلليون تەڭگەگە دەيٸنگٸ كرەديتٸنە كەپٸلدٸك بەرٸلەدٸ. بۇل رەتتە, كرەديت سوماسىنىڭ 85 پايىزى كەپٸلدەندٸرٸلەدٸ. ال كەسٸبٸن جٷرگٸزٸپ جاتقان كەسٸپكەردٸڭ 1 ميللياردقا دەيٸنگٸ كرەديتٸنە كەپٸلدٸك ۇسىنىلادى. بۇل رەتتە, كرەديت سوماسىنىڭ 50 پايىزىنا كەپٸلدٸك بەرٸلەدٸ. 500 ميلليون تەڭگەگە دەيٸنگٸ اينالىم قاراجاتىن 100 پايىز تولىقتىرۋدى كٶزدەيتٸن كرەديتتەرگە دە كەپٸلدٸك بار. سونداي-اق, سالالىق شەكتەۋلەر جويىلدى», - دەدٸ ول.

رٷستەم قاراعويشيننٸڭ اتاپ ٶتۋٸنشە, جاڭا «بجك-2025» باعدارلاماسىنا تاماق ٶنٸمدەرٸن, سابىن مەن جۋعىش زاتتاردى, سانيتارلىق-گيگيەنالىق ماقساتتاعى قاعاز بۇيىمدارىن ٶندٸرۋ, اۆتوموبيل كٶلٸگٸمەن جٷك تاسىمالداۋ, قويما شارۋاشىلىعى جەنە قوسالقى كٶلٸك قىزمەتٸ, تۋريزم, جالعا الۋ جەنە مەنشٸكتٸ نەمەسە جالعا الىنعان جىلجىمايتىن مٷلٸكتٸ باسقارۋ سىندى سالالارداعى ٸرٸ بيزنەس سۋبەكتٸلەرٸ ەنگٸزٸلگەن.