بايقوڭىر عارىش ايلاعىنان نۇر-سۇلتان ۋاقىتى بويىنشا 12 ساعات 07 مينۋتتا 38 عارىش اپپاراتىن وربيتاعا شىعاراتىن «فرەگات» ٷدەتكٸش بلوگى بار «سويۋز-2.1 ا» زىمىران-تاسىعىشى ۇشىرىلدى, دەپ حابارلايدى "ۇلت اقپارات".
بۇعان دەيٸن حابارلانعانىنداي, تەحنيكالىق اقاۋلارعا بايلانىستى ۇشىرۋ 2021 جىلدىڭ 20 ناۋرىزىنان كەيٸنگە قالدىرىلعان.
ۇشىرۋ شتاتتىق رەجيمدە ٶتتٸ, بايقوڭىردان بەرٸلگەن ترانسلياتسييا روسكوسموس سايتىندا تٸكەلەي ەفيردە جٷرگٸزٸلدٸ.
بٷگٸن بايقوڭىردا جاڭبىر جاۋىپ تۇر. اۋا تەمپەراتۋراسى +3 گرادۋس, بۇلتتىلىق تٶمەن, سوندىقتان كٶرەرمەندەر زىمىراننىڭ ۇشۋىن بٸرنەشە سەكۋند تاماشالاي الادى.
تٸكەلەي رەپورتاج جٷرگٸزۋشٸلەرٸنٸڭ اقپاراتى بويىنشا, زىمىران-تاسىعىشتىڭ بارلىق ٷش ساتىسىنىڭ بٶلٸمشەلەرٸ جوسپارلى رەجيمدە ٶتتٸ, باستالعاننان كەيٸن 10 مينۋتتا عارىش اپپاراتتارىنىڭ كلاستەرٸ بار «فرەگات» ەكپٸندٸ بلوگى تٸرەك وربيتاسىنا شىعارىلدى.
سپۋتنيكتەردٸ بەرٸلگەن وربيتالارعا ودان ەرٸ شىعارۋ ٷدەتۋ بلوگىن قوسۋ ەسەبٸنەن جٷزەگە اسىرىلادى. اتاپ ايتقاندا, نەگٸزگٸ جٷكتەمەنٸ – وڭتٷستٸك كورەيالىق CAS500-1 اپپاراتىن ماقساتتى وربيتاعا شىعارۋ ٷشٸن «فرەگاتقا» بٸر ساعاتتان استام ۋاقىت كەتەدٸ.
نۇر-سۇلتان ۋاقىتى بويىنشا شامامەن 14:35-تەن 14:37-گە دەيٸن جولشىباي پايدالى جٷكتەمە سپۋتنيكتەرٸنٸڭ بٸرٸنشٸ پارتيياسىنىڭ, 16:13-تەن 16: 43-كە دەيٸن ەكٸنشٸسٸنٸڭ بٶلٸنۋٸ كٷتٸلۋدە.
«سويۋز-2.1 ا» زىمىرانىمەن CAS500-1 (كورەيا رەسپۋبليكاسى) جەردٸ قاشىقتىقتان زوندتاۋ عارىش اپپاراتى, ELSA-d عارىش قوقىسىن جويۋعا ارنالعان جاپونييالىق اپپارات, Grus جەردٸ قاشىقتىقتان زوندتاۋعا ارنالعان جاپونييالىق سپۋتنيكتەر, جەردٸڭ سۋرەتتەرٸن الۋعا جەنە بايلانىستى قامتاماسىز ەتۋگە ارنالعان ساۋد ارابيياسىنىڭ NAJM-1 شاعىن اپپاراتى, بەرلين تەحنيكالىق ۋنيۆەرسيتەتٸنٸڭ بايلانىس سپۋتنيكتەرٸ وربيتاعا شىعارىلدى.
