"بٸز جەڭۋگە جاقىن قادىق" دەدٸ اقش پرەزيدەنتتٸگٸنەن ٷمٸتكەر, دەموكراتييالىق پارتييا ٶكٸلٸ دجو بايدەن دەلاۆەر شتاتىنىڭ ۋيلمينگتون قالاسىندا جاقتاستارىنىڭ الدىندا جۇما كٷنٸ تٷندە سٶيلەگەن سٶزٸندە. بايدەن ٶتكٸزگەن جيىنعا ۆيتسە-پرەزيدەنتتٸكتەن ٷمٸتكەر, كاليفورنييادان سايلانعان سەناتور كامالا حارريس قاتىستى.
BBC-دٸڭ حابارلاۋىنشا, بايدەن بۇل سايلاۋدا اقش سايلاۋشىلار القاسىنىڭ 300-دەن استامىنىڭ داۋىسىن جينايتىنىن ايتقان. وعان شامامەن 74 ميلليون ادام داۋىس بەرگەن, بۇل – اقش تاريحىنداعى ەڭ ٷلكەن كٶرسەتكٸش.
جالپى اقش بويىنشا بايدەن ترامپتان 4 ميلليونداي كٶپ داۋىس العان.
بايدەن كوروناۆيرۋس پاندەميياسىمەن كٷرەسٸپ, ەكونوميكانى وڭالتۋدا, كليماتتىڭ ٶزگەرۋٸمەن كٷرەسٸپ, نەسٸلشٸلدٸكتٸ جويۋدا امەريكا حالقى ٶزٸنە سەنٸم بٸلدٸرگەنٸن ايتتى.
ول پرەزيدەنت سايلاۋىندا قازٸرگٸ مەملەكەت باسشىسى دونالد ترامپتى جەڭۋگە ساناۋلى قادام قالدى دەدٸ.
دەموكراتييالىق پارتييا اتىنان ٷمٸتكەر دجوزەف بايدەن قازٸر سايلاۋشىلار القاسىندا 253 داۋىستى الىپ تۇر. پرەزيدەنت بولىپ سايلانۋ ٷشٸن 270 داۋىس جەتكٸلٸكتٸ. داۋىس نەتيجەسٸ ەلٸ ايقىن ەمەس دجوردجييا, نەۆادا, پەنسيلۆانييا جەنە اريزونا شتاتتارىنىڭ بەرٸندە بايدەن از-ماز باسىمدىقپەن جەڭٸپ كەلەدٸ.
جەڭٸسكە جەتسە, بايدەن كەلەر جىلعى 20 قاڭتاردا اقش پرەزيدەنتٸ قىزمەتٸنە كٸرٸسەدٸ.
اسا تارتىستى ٶتكەن سايلاۋ ناۋقانىندا ول "ساياساتتان توتييايىندى الىپ تاستاپ", "بٸر-بٸرٸمٸزگە قۇرمەتپەن قارايتىن" كەز كەلدٸ دەدٸ.
