9 مامىردا اقش پرەزيدەنتٸ دجو بايدەن لەند-ليز تۋرالى زاڭعا (Ukraine Democracy Defence Lend-Lease Act of 2022) قول قويدى, ول ۋكرايناعا جەنە قاجەت بولعان جاعدايدا 2022-2023 جىلدارى شىعىس ەۋروپا ەلدەرٸنە قارۋ-جاراق جەتكٸزۋ پروتسەسٸن جەڭٸلدەتەدٸ, - دەپ حابارلايدى Tengrinews.kz تٸلشٸسٸ "گولوس امەريكي" باسىلىمىنا سٸلتەمە جاساپ.
قۇجات مەتٸنٸندە بۇل ەلدەردٸڭ قورعانىس قابٸلەتٸن نىعايتۋعا جەنە ولاردىڭ بەيبٸت تۇرعىندارىن شابۋىلدان نەمەسە رەسەيدٸڭ جالعاسىپ جاتقان اگرەسسيياسىنان قورعاۋعا كٶمەكتەسۋ ٷشٸن جاسالعانى ايتىلعان.
زاڭ اقش پرەزيدەنتٸنە قوسىمشا ٶكٸلەتتٸك بەرەدٸ. ەندٸ ۋكرايناعا قورعانىس تەحنيكاسىن جەتكٸزۋ جەنە جالعا بەرۋ تۋرالى شەشٸم اقش-تىڭ ۇلتتىق قاۋٸپسٸزدٸك مٷددەلەرٸنە ساي كەلسە, ۇزاق بيۋروكراتييالىق كەزەڭدەرسٸز قابىلدانادى. سونىمەن قاتار, ۋكراينا امەريكالىق جابدىقتار مەن قارۋ-جاراقتاردى الۋ ٷشٸن الدىن-الا تٶلەم جاسامايدى, تٶلەمدٸ كەيٸنگە قالدىرۋعا بولادى.
بۇعان دەيٸن زاڭ جوباسى امەريكالىق كونگرەسستە ەكٸ پارتييانىڭ دا قولداۋىنا يە بولعان. سەنات وعان 7 سەۋٸردە, ال ٶكٸلدەر پالاتاسى 28 سەۋٸردە داۋىس بەردٸ.
بۇل - اقش تاريحىنداعى ەكٸنشٸ "لەند-ليز". بۇل زاڭ العاش رەت ەكٸنشٸ دٷنيەجٷزٸلٸك سوعىس كەزٸندە قولدانىلىپ, گيتلەر باسقارعان گەرمانييانى جەڭۋدە ماڭىزدى رول اتقارعان. زاڭ 1941 جىلى ناۋرىزدا پرەزيدەنت فرانكلين دەلانو رۋزۆەلتتٸڭ باستاماسىمەن گيتلەرمەن سوعىسىپ جاتقان ۇلىبريتانيياعا كٶمەكتەسۋ ٷشٸن قابىلداندى. ال 1941 جىلدىڭ قازانىنان باستاپ اقش نەسيە تۋرالى زاڭ اياسىندا كەڭەس وداعىنا كٶمەك كٶرسەتە باستادى.
