بۇقارالىق اقپارات قۇرالدارىنىڭ ٶكٸلدەرٸمەن ورتالىق كوممۋنيكاتسييالار قىزمەتٸندە باسپاسٶز مەسليحاتىن ٶتكٸزگەن الماتىنىڭ ەكٸمٸ باۋىرجان بايبەك قالانىڭ ەكونوميكالىق ەلەمۋتتٸك-ەكونوميكالىق دامۋى كٶرسەتكٸشتەرٸ تۋرالى ايتىپ بەردٸ, دەپ حابارلايدى قازاقپارات.
«جالپى قالانىڭ ەكونوميكالىق كٶرسەتكٸشتەرٸ, ەسٸرەسە اعىمداعى جىلداعى جاھاندىق ەكونوميكالىق مەسەلەلەردٸ ەسكەرسەك, وڭ نەتيجە كٶرسەتٸپ وتىر. بيىلعى جىلدىڭ بٸرٸنشٸ جارتىجىلدىعى بويىنشا قالانىڭ جٸٶ 4 پايىزعا ارتىپ, 4,4 تريلليون تەڭگەنٸ قۇرادى. بٷگٸنگٸ تاڭدا الماتى شاھارىنا رەسپۋبليكانىڭ جٸٶ-نٸڭ بەستەن بٸر بٶلٸگٸ تيەسٸلٸ. ناقتىراق ايتقاندا, مەملەكەتٸمٸزدەگٸ حالىقتىڭ 10 پايىزدان استامى تۇراتىن الماتى قالاسى جٸٶ-نٸڭ 22,6 پايىزىن, بارلىق سالىق تٷسٸمدەرٸنٸڭ تٶرتتەن بٸرٸنەن استامىن قامتاماسىز ەتٸپ وتىر», - دەيدٸ الماتى ەكٸمٸ.
باۋىرجان بايبەك سونىمەن بٸرگە, مەملەكەت باسشىسىنىڭ الماتىعا ساپارى كەزٸندە قانداي تاپسىرمالار بەرٸلگەنٸن جەتكٸزدٸ.
«بٷگٸنگٸ تاڭدا الماتى - ٸرٸ ٶڭٸرلٸك ماگنيت. قىركٷيەك ايىندا ەلباسى نۇرسۇلتان ەبٸشۇلى الماتىعا ارنايى كەلٸپ, قالامىزداعى بٸرقاتار ٶزگەرٸستەر مەن جاڭا ەلەۋمەتتٸك نىساندارمەن, جاڭارعان كٶشەلەرمەن تانىسىپ, باعاسىن بەرٸپ كەتكەن بولاتىن. الماتىنى دامىتۋ بويىنشا مەملەكەت باسشىسى كەڭەس ٶتكٸزٸپ, كٶپتەن بەرٸ شەشٸلمەي كەلە جاتقان ٷلكەن الماتى اينالما جولىنىڭ قۇرىلىسىنا كٸرٸسۋ, الماتى ەۋەجايىن جاڭعىرتۋ, تەتس-2-نٸ گازعا كٶشٸرۋ بويىنشا بٸرقاتار تاپسىرمالار بەرٸپ كەتتٸ. الماتى باس جوسپارى ينستيتۋتىن قۇرۋ تۋرالى تاپسىرمانى ورىنداپ تا قويدىق», - دەيدٸ قالا ەكٸمٸ.
ونىڭ ايتۋىنشا, مەگاوپوليستە بيىلعى جىلى بارلىق ەلەۋمەتتٸك-ەكونوميكالىق كٶرسەتكٸشتەر بويىنشا وڭ ديناميكا قالىپتاسقان, نەگٸزگٸ كاپيتال ينۆەستيتسيياسى 12,8 پايىزعا ٶسٸپ, 400,5 ملرد تەڭگەگە جەتكەنٸن ايتىپ بەردٸ. بۇل تۇرعىدا سىرتقى ينۆەستيتسييالار 23,5 پايىزعا ارتقان.
