تانىمال قازاقستاندىق پروديۋسەر بايان الاگٶزوۆا "قوزى كٶرپەش-بايان سۇلۋ" تەلەحيكاياسىنا قاتىستى ايتىلعان سىنعا جاۋاپ بەردٸ. دەلٸرەك ايتقاندا, ول اشۋعا بۋلىعا جازعان پوستىن (Instagram پاراقشاسىندا) تاريحي كينونى تٷسٸرۋگە جۇمسالعان قاراجاتتى قايتارۋدى تالاپ ەتكەن قازاقستاننىڭ ەڭبەك سٸڭٸرگەن مەدەنيەت قايراتكەرٸ مەرۋەرت تٷسٸپباەۆاعا ارناعان.
الاگٶزوۆا جازعانداي, تەلەحيكايانى تٷسٸرۋ ٷشٸن كومپانيياعا 54 ميلليون تەڭگە بٶلٸنٸپتٸ, ياعني ەر بٶلٸم ٷشٸن 9 ميلليون تەڭگەدەن. ونىڭ 22 پايىزى سالىققا كەتسە, ەر بٶلٸمگە 7 ميلليون تەڭگەدەن عانا قالعان, دەمەك 21 مىڭ دوللار.
"مەنٸ كينومەن اينالىساتىندار عانا تٷسٸنەدٸ, 21 مىڭ دوللار اقشاعا تاريحي تەلەحيكايانى قالاي تٷسٸرەسٸڭ?" — دەپ جازدى پروديۋسەر.
ول تٷسٸرٸلٸمگە ٶز قالتاسىنان 13 ميلليون تەڭگە قوسقانىن جاسىرمادى جەنە ول ٷشٸن ٶكٸنبەيتٸنٸن دە ايتتى.
الاگٶزوۆا اكتەرلەردٸڭ قازاق تٸلٸندە اكتسەنتپەن سٶيلەپ, جالپى تاريحي وقيعانىڭ زاماناۋي ٷلگٸدە ۇسىنىلعانىن ايتقان ەلەۋمەتتٸك جەلٸ قولدانۋشىلارىنا دا جاۋاپ بەردٸ.
"ماعان بٸرنەرسە قىزىق, Facebook-تەگٸ اقىلگٶيلەر كٶنە عاسىردا قازاقتاردىڭ قالاي سٶيلەگەنٸن قايدان بٸلەدٸ? سوڭعى دەرەكتەرگە سٷيەنسەك, جىر بٸزدٸڭ دەۋٸرٸمٸزگە دەيٸنگٸ ٸٸٸ عاسىردا بولعان. بەرٸڭ سەۋەگەيسٸڭدەر مە? جوق, شىعارماشىلىق كٶزقاراستان ادا, كٶپتٸگٸمەن عانا الاتىن قاراپايىم ادامسىڭدار", — دەدٸ ول.
الاگٶزوۆا بەلگٸلٸ ەنشٸ, اكتريسا مەرۋەرت تٷسٸپباەۆاعا ويىنداعىسىنىڭ بەرٸن ايتىپ سالدى. بايان الاگٶزوۆانىڭ سٶزٸنە سٷيەنسەك, مەرۋەرت تٷسٸپباەۆا اتالمىش سەريال تٷسٸرٸلمەس بۇرىن سەريالدىڭ كاستينگ ديرەكتورىنا بٸرنەشە رەت حابارلاسىپ, بايان سۇلۋدىڭ اناسىن سومداعىسى كەلەتٸنٸن ايتقان ەكەن. سونداي-اق جاڭا جىلدىق باعدارلامانىڭ تٷسٸرٸلٸمٸنە قاتىسقىسى كەلگەن ەنشٸ بارلىعىنان شەتتەتٸلٸپ قالىپتى. پروديۋسەر ٶز كەزەگٸندە ەنشٸدەن "كەشٸرٸم" سۇراپ, جاقسى ەن جازۋعا كەڭەس بەردٸ.
"سەريالدى ەفيردەن الىپ تاستاسىن دەپ, 217 ادامنىڭ قولىن جيناپتى. قالايشا وعان تەر تٶككەن جٷزدەگەن ادامنىڭ ەڭبەگٸن وپ-وڭاي جوققا شىعارۋعا بولادى? مەن ەندٸ وعان قولداۋ بٸلدٸرەتٸن ادامداردى جينايىن. قۇرمەتتٸ دوستار, كينوعا كٶزقاراسىڭىز وڭ بولسا, "قولدايمىن" دەپ پٸكٸر قالدىرىپ, اتى-جٶندەرٸڭٸزدٸ جارييالاۋدى ٶتٸنەمٸن", - دەپ جازدى ول.
ۇلت پورتالى
