باۆارييا كوروناۆيرۋس ينفەكتسيياسىنىڭ تٶرتٸنشٸ تولقىنىمەن كٷرەسۋدە. وسىعان بايلانىستى گەرمانييانىڭ ەڭ ٸرٸ فەدەرالدى جەرٸنٸڭ پرەمەر-مينيسترٸ 24 قاراشادان باستاپ قوسىمشا شەكتەۋ شارالارى ەنگٸزٸلەتٸنٸن مەلٸمدەدٸ, دەپ حابارلايدى قازاقپارات Euronews اگەنتتٸگٸنە سٸلتەمە جاساپ.
كافە مەن مەيرامحانالار كەشكٸ ساعات 10-عا دەيٸن جابىلادى, ال ديسكوتەكا مەن تٷنگٸ كلۋبتار مٷلدە جۇمىسىن توقتاتادى. ودان بٶلەك, جەرمەڭكە مەن روجدەستۆو بازارلارىن ۇيىمداستىرۋعا رۇقسات بەرٸلمەيدٸ.
ەكپە الماعان باۆارلىقتار كارانتيندە بولادى. قوعامدىق ورىندارعا تەك ەكپە العاندار مەن كوۆيدپەن اۋىرعاندار عانا بارادى. بۇل شارا اسا قاجەت, سەبەبٸ اۋرۋحانالار كوروناۆيرۋس جۇقتىرعان ناۋقاستارعا تولىپ كەتكەن.
«ەكپە سالدىرماعان ادامدار باسقالالاردان اۋىر زارداپ شەگٸپ جاتقانىن سەنٸممەن ايتۋعا بولادى», - دەدٸ باۆارييا پرەمەر-مينيسترٸ ماركۋس زەدەر.
13 ميلليوننان استام حالقى بار باۆارييادا 4,5 ميلليوننان استام تۇرعىن ۆاكتسينا سالدىرتقان. بۇل ەلدەگٸ ەڭ تٶمەن كٶرسەتكٸشتٸڭ بٸرٸ.
گەرمانييادا حالىقتىڭ 68%-ى ەكپە العان. رەسپۋبليكاداعى جۇقتىرۋ جاعدايى قارقىندى ٶسٸپ كەلەدٸ. جۇما كٷنٸ 53 مىڭعا جۋىق ادامنان كوروناۆيرۋس انىقتالدى, ال بەيسەنبٸ كٷنٸ بۇل كٶرسەتكٸش 65 مىڭنان اسقان.
جاڭا شەكتەۋ شارالارى 24 قاراشادان 15 جەلتوقسانعا دەيٸن ەنگٸزٸلمەك.
