Bavariia koronavirýs infektsiiasynyń tórtinshi tolqynymen kúresýde. Osyǵan bailanysty Germaniianyń eń iri federaldy jeriniń premer-ministri 24 qarashadan bastap qosymsha shekteý sharalary engiziletinin málimdedi, dep habarlaidy QazAqparat Euronews agenttigine silteme jasap.
Kafe men meiramhanalar keshki saǵat 10-ǵa deiin jabylady, al diskoteka men túngi klýbtar múlde jumysyn toqtatady. Odan bólek, jármeńke men rojdestvo bazarlaryn uiymdastyrýǵa ruqsat berilmeidi.
Ekpe almaǵan bavarlyqtar karantinde bolady. Qoǵamdyq oryndarǵa tek ekpe alǵandar men kovidpen aýyrǵandar ǵana barady. Bul shara asa qajet, sebebi aýrýhanalar koronavirýs juqtyrǵan naýqastarǵa tolyp ketken.
«Ekpe saldyrmaǵan adamdar basqalalardan aýyr zardap shegip jatqanyn senimmen aitýǵa bolady», - dedi Bavariia premer-ministri Markýs Zeder.
13 millionnan astam halqy bar Bavariiada 4,5 millionnan astam turǵyn vaktsina saldyrtqan. Bul eldegi eń tómen kórsetkishtiń biri.
Germaniiada halyqtyń 68%-y ekpe alǵan. Respýblikadaǵy juqtyrý jaǵdaiy qarqyndy ósip keledi. Juma kúni 53 myńǵa jýyq adamnan koronavirýs anyqtaldy, al beisenbi kúni bul kórsetkish 65 myńnan asqan.
Jańa shekteý sharalary 24 qarashadan 15 jeltoqsanǵa deiin engizilmek.
