جاھاندىق ٶزگەرٸستەرگە ەلٸمٸزدٸڭ ەر ازاماتى بەيٸمدەلە بٸلۋٸ كەرەك. بۇل تۋرالى «بٸز - ەل پاتريوتىمىز» حالىقارالىق جاستار فورۋمىندا «Nur Otan» پارتيياسى تٶراعاسىنىڭ بٸرٸنشٸ ورىنباسارى باۋىرجان بايبەك ايتتى, دەپ حابارلايدى قازاقپارات.
«قازٸرگٸ كەزدە قارقىن العان جاھاندىق ٶزگەرٸستەرگە ەلٸمٸزدٸڭ ەر ازاماتى بەيٸمدەلە بٸلۋٸ كەرەك. بۇل رەتتە, جاستارعا ارتىلاتىن سەنٸم مەن جاۋاپكەرشٸلٸكتٸڭ جٷگٸ زور. ەلباسى ايتقانداي, بٸزدٸڭ باستى ٷش قاعيداتىمىز – جاۋاپكەرشٸلٸك, كوماندالىق رۋح جەنە ٶزٸمٸزدٸڭ قۇندىلىقتارىمىزعا بەرٸك بولۋىمىز كەرەك. پارتييا مٷشەلەرٸنە ارنالىپ ايتىلعان بۇل سٶزدەردٸ مەن كەز كەلگەن جاستار ٷشٸن دە تەمٸرقازىق بولا الادى دەپ ەسەپتەيمٸن. وسى ورايدا جەتٸستٸككە جەتكٸسٸ كەلەتٸن ەر جاس وسىلاردى ۇستانۋى كەرەك», - دەدٸ پارتييا تٶراعاسىنىڭ بٸرٸنشٸ ورىنباسارى.
سونىمەن قاتار ول قازٸرگٸ زاماناۋي جاستار ساياساتى بويىنشا مامانداردىڭ باسىم كٶپشٸلٸگٸ بٷگٸنگٸ كٷننٸڭ جاس ازاماتىنا تەن بولۋى تيٸس ٷش ەرەكشەلٸكتٸ بٶلٸپ كٶرسەتكەنٸنە توقتالدى.
بٸرٸنشٸسٸ - بٸلٸمگە قۇشتار بولۋ. جاڭا كەسٸپ ٷيرەنٸپ, داعدىلارىڭىزدى شىڭداۋعا دەگەن ۇمتىلىس سٸزدەردٸڭ كٷندەلٸكتٸ ٶمٸر سالتتارىڭىزعا اينالۋى كەرەك. زاماناۋي جاس بٸر ەمەس, بٸرنەشە شەت تٸلٸن مەڭگەرۋٸ ماڭىزدى. ۋاقىتتارىڭىزدى تيٸمدٸ پايدالانىپ, جاستىق شاقتارىڭىزدى ٶزدەرٸڭٸزدٸ دامىتۋعا ارناڭىزدار», - دەدٸ ول.
باۋىرجان بايبەك ەكٸنشٸدەن, سپورتپەن شۇعىلدانىپ, سالاۋاتتى ٶمٸر سالتىن ۇستانۋدىڭ قانشالىقتى ماڭىزدى ەكەنٸن جاھاندىق پاندەمييا دەلەلدەپ جاتقانىن ايتتى. دۇرىس ٶمٸر سالتىن ۇستانىپ, جان مەن تەن ساۋلىعىنا كٶڭٸل بٶلەتٸن ادام عانا ٶزٸن قوعامنىڭ تولىققاندى مٷشەسٸ رەتٸندە سەزٸنە الاتىندىعىنا نازار اۋدارتتى.
«ٷشٸنشٸ - اينالا جۇرتقا جاناشىر بولۋ. پاتريوت بولۋ – جاقىنىڭا, باۋىرىڭا, ەلٸڭە, جەرٸڭە قامقور بولۋدان باستالادى. ەلٸنە, جەرٸنە جانى اشيتىن, ەرەكشە ماحابباتپەن قاراپ, كەلەشەگٸنە الاڭدايتىن ۇرپاق تەربيەلەۋ ماڭىزدى. سەبەبٸ, بٸلٸمدٸ, دەنٸ ساۋ, ەلٸ مەن جەرٸنە قامقور جاس – ەلٸمٸزدٸڭ گٷلدەنٸپ, كەز كەلگەن سىن-تەگەۋرٸننەن سٷرٸنبەي ٶتۋٸنٸڭ كەپٸلٸ»,- دەدٸ پارتييا تٶراعاسىنىڭ بٸرٸنشٸ ورىنباسارى.
