"نۇر وتان" پارتيياسى تٶراعاسىنىڭ بٸرٸنشٸ ورىنباسارى باۋىرجان بايبەك قازاقستان حالقىن ناۋرىز مەيرامىمەن قۇتتىقتادى, دەپ حابارلايدى "ۇلت اقپارات".
"ارداقتى اعايىن! ۇلىستىڭ ۇلى كٷنٸ – ەز-ناۋرىز قۇتتى بولسىن!
كٶگٸلدٸر كٶكتەممەن بٸرگە بارشا دٷنيەنٸ جاڭعىرتىپ-جاساندىرىپ, تٸرشٸلٸكتٸ تٷلەتٸپ-تٷرلەندٸرٸپ كەلگەن ناۋرىز – بارشا بەرەكەنٸڭ باستاۋى, ىرىستىڭ الدى, ىنتىماقتىڭ ۇيىتقىسى. كٷن مەن تٷن تەڭەلگەن, بارشا جۇرت باققا كەنەلگەن مامىراجاي شاق. سوندىقتان دا بۇل كٷندٸ حالقىمىز بار مەرەكەنٸڭ ۇلىعى, يگٸلٸكتٸ ٸستٸڭ ٸرٸسٸ ساناپ, ۇلىستىڭ ۇلى كٷنٸ دەپ ەسپەتتەگەن. ٶتكەنگە سالاۋات ايتىپ, بۇرىنعى ٶكپە-رەنٸشتەرٸن كەشٸرٸسكەن. كەلەر كٷنگە ٷمٸتٸن جالعاپ, جوبا-جوسپارلارىن تٷزٸسكەن.
بارشاعا بەلگٸلٸ, ەلٸمٸز ٷشٸن بيىلعى جىل باسى وڭاي بولماي تۇر. ەلەم جۇرتشىلىعىن شارپىعان قاتەرلٸ ٸندەت دٷنيەنٸ دٷربەلەڭگە سالۋدا.
وسىعان وراي ەلباسى بٸر اي بۇرىن قاۋٸپسٸزدٸك كەڭەسٸنٸڭ وتىرىسىن ٶتكٸزٸپ, سىن-قاتەرلەردٸڭ الدىن الۋعا دايىن بولۋدى قاداپ تۇرىپ تاپسىردى. مەملەكەت باسشىسى قاسىم-جومارت توقاەۆ ۋاقتىلى شەشٸم قابىلداپ, ٸندەتتٸڭ تارالماۋى ٷشٸن تيٸستٸ ساقتىق شارالارىن كٷشەيتتٸ. قازٸر بار جاعداي مەملەكەت باقىلاۋىندا, تيٸستٸ رەسۋرستار جەتكٸلٸكتٸ.
مۇقالماس جٸگەرٸ مەن اۋىزبٸرشٸلٸگٸنٸڭ ارقاسىندا حالقىمىز تاعدىردىڭ تالاي قيىن-قىستاۋ كەزەڭدەرٸ مەن سىندارلى سەتتەرٸنەن سٷرٸنبەي ٶتكەنٸن بٸلەمٸز. جۇدىرىقتاي جۇمىلىپ, بٸرلٸگٸمٸز بەن پاراساتتىلىعىمىزدى تانىتساق, بۇل ٶتكٸنشٸ قيىندىقتى دا ەڭسەرەمٸز.
بارشاڭىزدى وسىناۋ بەرەكە مەن بٸرلٸك, تەڭدٸك پەن كەڭدٸك, دامۋ مەن ٶركەندەۋ كٷنٸمەن قۇتتىقتاي وتىرىپ, ەربٸر شاڭىراققا اماندىق, سارقىلماس قۇت-قازىنا, مول ىرىزدىق تٸلەيمٸن.
قابىرعالى قالىڭ ەلٸمٸز, ايبىندى جۇرتىمىز امان بولسىن. جاراتقان ەردايىم جار بولىپ, تٶتەننەن كەلەر كەسٸردەن ساقتاسىن. ۇلىس وڭ, اق مول بولسىن!", - دەلٸنگەن قۇتتىقتاۋدا.
