باتىس قازاقستان وبلىسىندا كٷشتٸ جەل عيماراتتاردىڭ شاتىرلارىن جۇلىپ ەكەتتٸ, دەپ حابارلايدى قازاقپارات.
بقو تج دەپارتامەنتٸنٸڭ باسپاسٶز قىزمەتٸنەن تٷسكەن مەلٸمەتكە قاراعاندا, وقيعا بٷگٸن ورال قالاسى مەن وبلىستىڭ بٸرقاتار اۋداندارىندا ورىن الدى.
اتاپ ايتقاندا, قازتالوۆ اۋدانى جاڭاجول اۋىلىندا ساعات 16.15-تە كٷشتٸ جەل سالدارىنان ورتا مەكتەپتٸڭ شاتىرى (120 شارشى مەتر) سىپىرىلىپ تٷستٸ. اۋدان ورتالىعى قازتالوۆ اۋىلىندا «قازپوشتا» اق بٶلٸمشەسٸ عيماراتىنىڭ جىلۋ ۇستايتىن جابىنى دا (25 شارشى مەتر) شىدامادى.
ساعات 16.30-دا جەنٸبەك اۋدانى جەنٸبەك اۋىلىندا م.ىقسانوۆ اتىنداعى كوللەدج سپورت زالىنىڭ شاتىرى (24 شارشى مەتر) قۇلادى.
تاسقالا اۋدانى تاسقالا اۋىلىندا ساعات 15.40-تا جەل حالىقتى جۇمىسپەن قامتۋ ورتالىعىنىڭ شاتىرىن (225 شارشى مەتر) جۇلىپ ەكەتتٸ.
ورال قالاسىندا ساعات 17.20-دا م.ٶتەمٸسوۆ اتىنداعى باتىس قازاقستان مەملەكەتتٸك ۋنيۆەرسيتەتٸ عيماراتىنىڭ 40 شارشى مەتر جىلۋ ۇستايتىن قاپتاماسى (اليۋكوبوند) قۇلادى. سونىمەن قاتار زاچاگان كەنتٸ قامبار باتىر كٶشەسٸ 6 جەنە ورالداعى يۋ.گاگارين كٶشەسٸ ¼ مەكەنجايلارىنداعى ٷيلەردٸڭ پروفليستەرٸنٸڭ قۇلاۋ قاۋپٸ تۋىنداعانى جٶنٸندە مەلٸمەت تٷستٸ.
وعان قوسا تۇرعىندار قالا كٶشەلەرٸندە اعاشتاردىڭ قۇلاپ, اۆتوكٶلٸكتەردٸ باسىپ قالعانى جٶنٸندە حابارلاۋدا.
وبلىستىق دەنساۋلىق ساقتاۋ باسقارماسى باسپاسٶز قىزمەتٸنٸڭ حابارلاۋىنشا, قالادا ەبٸلقايىر حان داڭعىلىندا اۆتوكٶلٸككە ٷلكەن بۇتاق قۇلاعان. سونىڭ سالدارىنان كٶزٸنەن جاراقات العان 1988 جىلعى ەر ادام, سونداي-اق 2003 جىلعى قىز قالالىق كٶپبەيٸندٸ اۋرۋحاناعا جەتكٸزٸلدٸ. جەلاەۆ كەنتٸندە شيفەردٸڭ كەسەگٸ 2011 جىلعى قىزدىڭ باسىنا قۇلاعان. قىز قالالىق اۋرۋحاناعا جەتكٸزٸلدٸ. ن.نازارباەۆ داڭعىلىندا بۇتاق 1950 جەنە 1945 جىلعى ەيەلدٸڭ باسىنا تٷسكەن. ونىڭ بٸرٸنشٸسٸ اۋرۋحاناعا جاتۋدان باس تارتتى. ەكٸنشٸسٸ قالالىق اۋرۋحاناعا جەتكٸزٸلدٸ.
قازٸرگٸ ۋاقىتتا اقپاراتتار ناقتىلانۋ ٷستٸندە.
