باتىس قازاقستان وبلىسىندا بٸر وتباسىنان بەس ادام كوروناۆيرۋس جۇقتىردى, دەپ حابارلايدى "ۇلت اقپارات".
بقو سانيتارلىق-ەپيدەميولوگييالىق باقىلاۋ دەپارتامەنتٸنٸڭ باسشىسى مۇحامعالي ارىسپاەۆتىڭ ٶڭٸرلٸك كوممۋنيكاتسييالار قىزمەتٸ الاڭىندا ٶتكەن بريفينگٸدە مەلٸم ەتكەنٸندەي, ٷي كارانتينٸندە ناۋقاستاردىڭ ٶزٸن-ٶزٸ وقشاۋلاۋ تالاپتارىن ساقتاماۋىنا بايلانىستى كوروناۆيرۋس جۇقتىرۋ جيٸلەپ وتىر.
اتاپ ايتقاندا, بٶرلٸ اۋدانىندا بٸر وتباسىدان – 5, تاسقالادا – 4, تەرەكتٸدە 3 ادامنان ٸندەت تابىلدى.
جەلتوقسان ايىندا 886 ناۋقاس تٸركەلسە, سونىڭ 518-ٸ نەمەسە 58,5 پايىزى ورال قالاسىنىڭ ٷلەسٸنە تيەدٸ. سونداي-اق بٶرلٸ (133, 15 پايىز) جەنە بەيتەرەك (103, 11,6 پايىز) اۋداندارىندا كٶپ تٸركەلٸپ وتىر.
م.ارىسپاەۆتىڭ سٶزٸنە قاراعاندا, ٶڭٸردە 1-25 جەلتوقسان ارالىعىندا مەملەكەتتٸك شەكارادان 23916 ادام ٶتسە, سونىڭ 4084-ٸ – جولاۋشىلار. انىقتاماسىز ٶتكەن 721 جولاۋشىنىڭ تٶرتەۋٸنەن كوروناۆيرۋس انىقتالدى. حالىقارالىق جٷك تاسىمالىمەن اينالىساتىن 12048 جٷرگٸزۋشٸنٸڭ 4175-ٸندە انىقتاما بولعان جوق. بۇلاردىڭ توعىزىنان ٸندەت تابىلدى.
سول سەكٸلدٸ جەلتوقسان ايىندا گەرمانييا مەن ەگيپەتتەن 6 حالىقارالىق ەۋە رەيسٸ جەنە مەسكەۋدەن بٸر چارتەرلٸك رەيس كەلدٸ. 483 جولاۋشىنىڭ ٸشٸندە انىقتاماسى بولماعان 79-ى كارانتيندٸك ستاتسيونارعا ورنالاستىرىلىپ, سىناما الىندى. ولاردىڭ بەرٸ دە ساۋ بولىپ شىقتى.
وسى ايدا ٶڭٸردە بارلىعى 38971 ادام زەرتحانالىق تەكسەرۋدەن ٶتتٸ. ال ٸندەت باستالعالى 248129 ادامنان سىناما الىندى. كٷنٸ بٷگٸن وبلىس پتر دياگنوستيكاسى ٷشٸن 63837 زەرتتەۋگە ارنالعان 1276 تەست جٷيەسٸمەن قامتاماسىز ەتٸلگەن.
«جەلتوقسان ايىندا مونيتورينگتٸك توپتار 176 نىساندا سانيتارلىق تالاپتىڭ بۇزىلعانىن انىقتادى. قر ەكٸمشٸلٸك قۇقىقبۇزۋشىلىق كودەكسٸ 425-بابى 1-بٶلٸگٸنە سەيكەس 87 حاتتاما (سونىڭ ٸشٸندە 20-سى – كٶپ ادامنىڭ قاتىسۋىمەن ٶتكەن ٸس-شارالار) تولتىرىلىپ, 5 ملن استام تەڭگە كٶلەمٸندە ايىپپۇل سالىندى. بۇل باعىتتاعى جۇمىستاردىڭ جالعاسىپ جاتقانىن ەسكە سالا وتىرىپ, وبلىس تۇرعىندارىنان جاڭاجىلدىق مەرەكە كٷندەرٸ سانيتارلىق تالاپتى ساقتاۋدى ٶتٸنەمٸز», دەدٸ م.ارىسپاەۆ.
