باتىس قازاقستان وبلىسىندا تٶرت جٷكتٸ ەيەل كوروناۆيرۋس ٸندەتٸن جۇقتىرعان, دەپ حابارلايدى "ۇلت اقپارات".
بقو دەنساۋلىق ساقتاۋ باسقارماسى باسشىسىنىڭ ورىنباسارى گٷلنەر ەبدٸراحمانوۆانىڭ ٶڭٸرلٸك كوممۋنيكاتسييالار قىزمەتٸ الاڭىندا ٶتكەن بريفينگتە مەلٸم ەتكەندەي, قازٸرگٸ تاڭدا ولاردىڭ ەكەۋٸ وبلىستىق جۇقپالى اۋرۋلار اۋرۋحاناسىندا ەمدەلۋدە.
قالعان ەكەۋٸ دەرٸگەرلەردٸڭ باقىلاۋىندا.
سونداي-اق ٸندەت وقۋشىلار اراسىندا دا تٸركەلٸپ وتىر. 12 بالانىڭ تٶرتەۋٸ قىركٷيەكتە, قالعان 8-ٸ قازان ايىندا وتباسى مٷشەلەرٸنەن جۇقتىرعان. ونىڭ بەسەۋٸ جازىلىپ شىقتى, جەتەۋٸندە اۋرۋ بەلگٸلەرٸنسٸز ٶتۋدە.
باسقارما باسشىسى ورىنباسارىنىڭ سٶزٸنە قاراعاندا, كٷنٸ بٷگٸنگە دەيٸن وبلىستا 7064 ادامنان كوروناۆيرۋس تابىلسا, سونىڭ 6846-سى ەمدەلٸپ شىقتى. 121 ادام كٶز جۇمدى.
پنەۆمونيياعا شالدىققان 139 ناۋقاستىڭ 92-سٸ ستاتسيوناردا, 47-سٸ امبۋلاتورلىق ەم الۋدا.
وبلىستا 185 تٶسەكتٸك تٶرت كارانتيندٸك ستاتسيوناردا 41 ادام بولسا, 333 تٶسەكتٸك التى جۇقپالى اۋرۋلار ستاتسيونارىندا 103 ادام ەمدەلۋدە. 26 تٶسەكتٸك جانساقتاۋ بٶلٸمٸندە 7 ادام جاتىر. وتتەگٸ كونتسەنتراتورىنا 2 ادام قوسىلعان.
«2044 تٶسەكتٸك رەزەرۆتٸك ورىندار ەزٸرلەنسە, سونىڭ 1269-ى جۇقپالى اۋرۋلار, 775-ٸ كارانتيندٸك ستاتسيوناردا. وعان قوسا «جۇلدىز» شاعىناۋدانىندا قۇنى 7,2 ملرد تەڭگەنٸ قۇرايتىن, 200 تٶسەكتٸك مودۋلدٸك اۋرۋحانا قۇرىلىسى جٷرگٸزٸلۋدە. قازٸرگٸ تاڭدا جۇمىستىڭ 85 پايىزى ورىندالعان. وسى ايدىڭ اياعىندا پايدالانۋعا بەرۋ كٶزدەلۋدە. وبلىستىق جۇقپالى اۋرۋلار اۋرۋحاناسىنان ەرەكشەلٸگٸ, وندا كومپيۋتەرلٸك توموگرافييا بولادى. دياگنوستيكا دا جٷرگٸزٸلەدٸ. قاجەتتٸ قۇرال-جابدىقتار ورناتىلىپ, كادرلار دا ٸرٸكتەلۋدە», دەدٸ گ.ەبدٸراحمانوۆا.
