فوتو: وقۋ-اعارتۋ مينيسترلٸگٸ
قازاقستان رەسپۋبليكاسىنىڭ وقۋ-اعارتۋ مينيسترٸ عاني بەيسەمباەۆ 100 جىلدان استام ۋاقىت شەكٸرت تەربيەلەپ كەلە جاتقان مەكتەپتەردٸڭ پەداگوگيكالىق ۇجىمدارىمەن ونلاين فورماتتا كەزدەسٸپ, سۇحباتتاستى, دەپ حابارلايدى Ult.kz مينيسترلٸكتٸڭ باسپاسٶز قىزمەتٸنە سٸلتەمە جاساپ.
ەلٸمٸزدە ٶز قىزمەتٸن 19-20 عاسىرلاردا باستاپ, بٷگٸنگٸ كٷنگە دەيٸن اعارتۋشىلىق دەستٷردٸڭ ساباقتاستىعىن ٷزبەي كەلە جاتقان 97 مەكتەپ, 12 كوللەدج بار.
مەسەلەن, باتىس قازاقستان وبلىسىنداعى جەڭگٸر حان مەكتەبٸ 184 جىلدان بەرٸ ٷزدٸكسٸز بالا وقىتىپ كەلەدٸ. 1841 جىلى قازاقستان اۋماعىنداعى العاشقى باستاۋىش مەكتەپ بولىپ اشىلعان بۇل قاراشاڭىراقتا تۇڭعىش قازاق عالىمدارىنىڭ بٸرٸ مۇحاممەد-سالىق باباجانوۆ, اعارتۋشى ماقاش بەكمۇحامبەتوۆ, سونداي-اق «مۇعالٸم» جۋرنالىنىڭ العاشقى رەداكتورى عۇمار قاراش سيياقتى تۇلعالار بٸلٸم العان.
فوتو: وقۋ-اعارتۋ مينيسترلٸگٸ
قىزىلوردا وبلىسىنداعى 164 جىلدىق تاريحى بار №16 مەكتەپ-ليتسەي, اقتٶبە وبلىسىنداعى 162 جىلدىق تاريحى بار ى.التىنسارين اتىنداعى ورتا مەكتەپ, اتىراۋ وبلىسىنداعى 144 جىلدىق تاريحى بار قىزىلٷي ورتا مەكتەبٸ — ۇلتتىق بٸلٸم بەرۋ دەستٷرٸنٸڭ التىن ارقاۋىن جالعاستىرىپ كەلە جاتقان بٸلٸم وردالارى. اقمولا وبلىسىنداعى جوعارى ورمان شارۋاشىلىعى, ەكولوگييا جەنە تۋريزم كوللەدجٸ 129 جىلدان بەرٸ ەلٸمٸزدٸڭ ەكونوميكاسىن نىعايتۋعا ٷلەس قوسقان كەسٸبي ماماندار دايارلاپ كەلەدٸ.
فوتو: وقۋ-اعارتۋ مينيسترلٸگٸ
كەزدەسۋ بارىسىندا مينيستر ۇلت رۋحانيياتىنىڭ كيەلٸ شاڭىراعىنا اينالعان بٸلٸم وشاقتارىنىڭ ەرقايسىسىنىڭ ەلٸمٸزدٸڭ تاريحى ٷشٸن عانا ەمەس, بولاشاعى ٷشٸن دە رٶلٸ ەرەكشە ەكەنٸن اتاپ ٶتٸپ, ولاردى ساقتاۋ جەنە جاڭعىرتۋ باعىتىندا بٸرقاتار تاپسىرمالار بەردٸ.
«قازاق دالاسىندا اعارتۋشىلىقتىڭ قالىپتاسۋى مەن دامۋى ونداعان عاسىرلاردان باستاۋ الادى. ٶڭٸرلەردٸڭ قولداۋىنىڭ ارقاسىندا عاسىردان استام تاريحى بار مەكتەپتەر جابىلماي, بٸلٸم شىراعىن سٶندٸرمەي, ساباقتاستىقتى ساقتاپ كەلەدٸ. بٸز عاسىرلىق تاريحى بار بٸلٸم وشاقتارىنىڭ ارنايى كاتالوگىن جاساۋدى قولعا الۋىمىز كەرەك. بۇل — ەلٸمٸزدٸڭ بٸلٸم تاريحىنىڭ تەرەڭدٸگٸن دەلەلدەيتٸن ماڭىزدى قۇجات بولماق. سونىمەن قاتار, مەملەكەت باسشىسىنىڭ تاپسىرماسىنا سەيكەس, بۇل مەكتەپتەر دە قاجەتتٸلٸگٸنە قاراي تولىقتاي رەنوۆاتسييادان ٶتٸپ, ماتەريالدىق-تەحنيكالىق تۇرعىدا جاڭارتىلۋى تيٸس. سونداي-اق مۇندا ەڭبەك ەتٸپ جٷرگەن پەداگوگتەردٸڭ ەلەۋەتٸ دە جٸتٸ زەردەلەنٸپ, ولارعا جٷيەلٸ قولداۋ كٶرسەتٸلۋٸ قاجەت», — دەدٸ عاني بەيسەمباەۆ.
مينيستر جٷز جىلدان استام ۋاقىت ۇرپاق تەربيەلەپ كەلە جاتقان مەكتەپتەردٸڭ تەجٸريبەسٸن زەرتتەپ, ٷزدٸكتەرٸن ەل كٶلەمٸندە تاراتۋ قاجەت ەكەنٸن اتاپ ٶتتٸ. سونىمەن قاتار ول عاسىرلىق مەكتەپتەردٸ بٸلٸم بەرۋ ٸسٸنٸڭ قۇندىلىعى رەتٸندە ساقتاپ قالۋ جەنە دامىتۋ ماقساتىندا 100 جىلدىق مەكتەپتەر قاۋىمداستىعىن قۇرۋدى, ولاردى قولداۋ مەن دامىتۋدىڭ ستراتەگيياسىن ەزٸرلەۋدٸ تاپسىردى.
