فوتو: Tengrinews.kz
باس ەسكەري پروكۋراتۋرا استانادا قازا تاپقان 21 جاستاعى ۇلتتىق ۇلان ساربازى قايسار سۇلتانوۆتىڭ ٸسٸ بويىنشا تەرگەۋدٸڭ بارىسى تۋرالى حابارلادى. بۇعان دەيٸن ساراپتاما نەتيجەسٸندە ونىڭ باسىنان ەكٸ وق تيگەنٸ انىقتالعان ەدٸ, دەپ جازادى Ult.kz Tengrinews.kz سايتىنا سٸلتەمە جاساپ.
قايسار سۇلتانوۆ استاناداعى №6636 ەسكەري بٶلٸمٸندە قىزمەت ەتكەن. ول 2023 جىلدىڭ 9 قازانىنان 10-ىنا قاراعان تٷنٸ كٶز جۇمعان. ودان بٸر كٷن بۇرىن اناسى ساۋلە تلەۋبەرگەنوۆا ۇلىن دەمالىس كەزٸندە كٶرٸپ, ەشقانداي كٷمەن تۋدىرارلىق جاعداي بايقاماعانىن ايتادى.
مارقۇمنىڭ اناسىنىڭ ايتۋىنشا, قىلمىستىق ٸس ٷش رەت «قىلمىس قۇرامىنىڭ بولماۋىنا بايلانىستى» جابىلعان. قازٸر ٸس قر قىلمىستىق كودەكسٸنٸڭ 105-بابى («ٶزٸن-ٶزٸ ٶلتٸرۋگە يتەرمەلەۋ») بويىنشا قايتا تەرگەلٸپ جاتىر. الايدا ساۋلە تلەۋبەرگەنوۆا بالاسىنىڭ ٶز-ٶزٸنە قول سالماعانىنا, ونى ٶلتٸرٸپ كەتكەنٸنە سەنٸمدٸ. ونىڭ پٸكٸرٸنشە, بۇل ٸسكە قاتىسى بار ادامدار ەلٸ دە ۇلتتىق ۇلان قاتارىندا قىزمەت ەتٸپ جٷر.
پروكۋراتۋرانىڭ رەسمي جاۋابى
باس ەسكەري پروكۋراتۋرا رەداكتسييا ساۋالىنا بەرگەن جاۋابىندا:
«قازٸر ورتالىق ٶڭٸرلٸك ەسكەري-تەرگەۋ باسقارماسى ەسكەري قىزمەتشٸنٸڭ ٶلٸمٸنە قاتىستى سوتقا دەيٸنگٸ تەرگەۋ جٷرگٸزٸپ جاتىر. تەرگەۋ اياسىندا كەشەندٸ جەدەل جەنە تەرگەۋ شارالارى جٷرگٸزٸلۋدە, سوت ساراپتاماسى تاعايىندالدى», — دەپ مەلٸمدەدٸ.
الايدا ۆەدومستۆو ٶزگە دەرەكتەردٸ جارييا ەتۋدەن باس تارتتى. سەبەبٸ قىلمىستىق-پروتسەسسۋالدىق كودەكستٸڭ 201-بابىنا سەيكەس, سوتقا دەيٸنگٸ تەرگەۋ دەرەكتەرٸن جارييالاۋعا تىيىم سالىنعان.
«باسىنان ەكٸ رەت اتىلىپ, سۋيتسيد دەدٸ»
ساراپتاما قورىتىندىسىنا سەيكەس, قايسار سۇلتانوۆتىڭ دەنەسٸنەن ەكٸ وق جاراقاتى تابىلعان.
«ساراپشىلاردىڭ ايتۋىنشا, العاشقى وق تٶمەننەن جوعارى باعىتتا اتىلعان, جاراقات — باس سٷيەگٸنە جەنە ماڭداي بٶلٸگٸنە تيگەن. ال قورىتىندىدا كٶرسەتٸلگەندەي, ەكٸنشٸ وق التى مينۋتتان كەيٸن اتىلعان. بٸراق بٸرٸنشٸ جاراقاتتان كەيٸن قايسار سانالى ەرەكەت جاساي المايتىن جاعدايدا بولعان», — دەيدٸ مارقۇمنىڭ اناسى.
ونىڭ سٶزٸنشە, تەرگەۋشٸلەر بەينەباقىلاۋ كامەرالارىنىڭ جازبالارىن ۋاقىتىلى تەركٸلەمەي, كەيٸن قول جەتكٸزگەندە بٸرقاتار فايلدار جويىلىپ كەتكەن. سونداي-اق وق اتىلعان قارۋدان ساۋساق ٸزدەرٸ الىنباعان.
اناسى ۇلىنىڭ ەسكەري بٶلٸمدە قارۋ ۇرلىعىنا كۋە بولعان بولۋى مٷمكٸن ەكەنٸن, سول سەبەپتٸ كٶزٸن جويعان دەگەن بولجام ايتادى. سۇلتانوۆتار وتباسى ٸستٸ «ادام ٶلتٸرۋ» بابىنا قايتا سارالاپ, بەينەماتەريالداردى جويۋ مەن دەلەلدەردٸ جاسىرۋعا قاتىسى بار بارلىق ادامداردى جاۋاپقا تارتۋدى تالاپ ەتۋدە.
