باستاۋىش سىنىپتىڭ وقۋشىلارىنا «قۇقىق نەگٸزدەرٸ» پەنٸن ەنگٸزگەن جٶن بە? سەناتورلاردىڭ بۇل ۇسىنىسىنا اسقار مامين جاۋاپ بەردٸ, دەپ حابارلايدى "ۇلت اقپارات"
ايتا كەتسەك بۇعان دەيٸن سەناتورلار قوعامدا بالا قۇقىعى جيٸ بۇزىلاتىنىن ايتا كەلە وقۋشىلاردىڭ قۇقىق سالاسىنداعى بٸلٸمٸن جەتٸلدٸرۋ باستاماسىن كٶتەرگەن بولاتىن. دەپۋتاتتاردىڭ ايتۋىنشا مەكتەپتەگٸ جالپى بٸلٸم بەرۋ باعدارلاماسىنا ادام قۇقىقتارىنىڭ نەگٸزدەرٸ مەن ولاردى قورعاۋ قۇرالدارى تۋرالى پراكتيكاعا باعىتتالعان پەندٸ ەنگٸزۋ مٷمكٸندٸگٸن قاراستىرۋ كەرەك.
بۇل سۇراققا جاۋاپ بەرگەن پرەمەر-مينيستر جاڭارتىلعان بٸلٸم بەرۋ مازمۇنىنىڭ شەڭبەرٸندە 9 سىنىپتا اپتاسىنا 1 ساعاتتان, 10 جەنە 11-سىنىپتا جاراتىلىستانۋ-ماتەماتيكالىق باعىتتا 2 ساعاتتان, 10 جەنە 11-سىنىپتا قوعامدىق-گۋمانيتارلىق باعىتتا 3 ساعاتتان, جاراتىلىستانۋ-ماتەماتيكالىق باعىتتا 2 ساعاتتان, قوعامدىق-گۋمانيتارلىق باعىتتا 3 ساعاتتان جاڭا «قۇقىق نەگٸزدەرٸ» پەنٸ ەنگٸزٸلگەنٸن مەلٸم ەتتٸ. ودان بٶلەك باستاۋىشتار دەڭگەيٸندە «دٷنيەتانۋ» («قۇقىقتار مەن مٸندەتتەر»), «ٶزٸن-ٶزٸ تانۋ» پەندەرٸ, نەگٸزگٸ ورتا بٸلٸم دەڭگەيٸندە «قازاقستان تاريحى» پەنٸ وقىتىلادى.
«بۇل رەتتە بٸلٸم بەرۋدٸڭ جاڭارتىلعان مازمۇنى بويىنشا باعدارلامالىق ماتەريال سپيرالدىلىق قاعيداتى بويىنشا زەردەلەنەدٸ. ياعني قۇقىق مەسەلەلەرٸ بويىنشا نەگٸزگٸ تاقىرىپتار جاس ەرەكشەلٸكتەرٸن ەسكەرە وتىرىپ, نەعۇرلىم كٷردەلٸ دەڭگەيدە قايتالانادى. وقۋ پروتسەسٸندە وقۋشىلار جەكە ادامنىڭ قۇقىقتارىنا, بوستاندىقتارىنا, مٸندەتتەرٸنە قۇرمەتتٸ, ٶز پوزيتسييالارىن قورعاي بٸلۋدٸ, دەموكراتييالىق قۇقىقتاردى دۇرىس پايدالانۋدى, قوعام الدىنداعى جاۋاپكەرشٸلٸكتٸ سەزٸنۋدٸ, زاڭدىلىقتى قورعاۋعا دەگەن قاجەتتٸلٸكتٸ قالىپتاستىرادى», - دەيدٸ ٷكٸمەت باسشىسى.
اسقار مامين جاڭارتىلعان بٸلٸم بەرۋ مازمۇنى بويىنشا ساباقتار پراكتيكاعا باعىتتالعان بەلسەندٸ وقىتۋ ەدٸستەرٸن قولدانا وتىرىپ جٷرگٸزٸلەتٸنٸن اتاپ ٶتتٸ. سونداي-اق ٸشكٸ ٸستەر ورگاندارى مەكتەپتەردە كەمەلەتكە تولماعانداردىڭ قۇقىقتارىن قورعاۋ مەسەلەلەرٸ بويىنشا تۇراقتى اقپاراتتىق جۇمىس جٷرگٸزەتٸنٸن جەتكٸزدٸ.
«جەكە قۇقىقتارمەن بايلانىستى مەسەلەلەر وقۋشىلاردىڭ قۇقىقتىق مەدەنيەتٸن ٷزدٸكسٸز قالىپتاستىرا وتىرىپ, بٸلٸم بەرۋدٸڭ بارلىق دەڭگەيلەرٸندە زەرتتەلەتٸنٸن ەسكەرە كەلە باستاۋىش سىنىپتارعا «قۇقىق نەگٸزدەرٸ» جەكە پەنٸن ەنگٸزۋ ورىنسىز دەپ سانايمىز», - دەيدٸ اسقار مامين.
