باستاۋىش مەكتەپ «سۇمدىق پٸكٸر, سۋىق قولدان» تىنىش بولۋى كەرەك. مۇنداي پٸكٸردٸ مەملەكەتتٸك تٸلدٸ دامىتۋ ينستيتۋتىنىڭ اتقارۋشى ديرەكتورى, فيلولوگييا عىلىمدارىنىڭ كانديداتى بيجومارت قاپالبەك ايتتى, دەپ حابارلايدى قازاقپارات.
«احمەت بايتۇرسىنۇلىنىڭ «بالام دەيتٸن جۇرت بولماسا, جۇرتىم دەيتٸن بالا قايدان شىعادى» دەگەن سٶزٸ بار. بٸز قازٸر «بالام» دەپ تەربيەلەمەسەك, ۇلتتىڭ تامىرىن, دٸنٸن قاتايتپاساق, ول بالا باتىستىڭ دا, شىعىستىڭ دا «جەلٸنە» دومالايتىن بولادى. ۇلتتىق قۇندىلىق, ۇلتتىق تاريح, سالت-دەستٷر, مەدەنيەت - بارلىعى دا انا تٸلٸنەن شىعادى. ەسٸرە شىعىسشىل دا, ەسٸرە باتىسشىل دا انا تٸلٸنە قانىقپاعاننان شىعادى. بالانىڭ تامىرى قاڭباق سيياقتى بولادى. ال بٸزگە بولاشاعىمىزعا مىقتاپ سەرتتەسۋ ٷشٸن بالانى ۇلتتىق قۇندىلىققا تولىق تامىر جاياتىنداي دەڭگەيدە ٶسٸرۋٸمٸز كەرەك. تٸل مەدەنيەتتەن دە, بٸلٸمنەن دە, اقپاراتتان دا ٷلكەن. تٸل سولاردىڭ ساقتالاتىن ىدىسى, تاراتىلاتىن, جەتكٸزٸلەتٸن قۇرالى. ياعني, بٸز الدىمەن, تٸلدٸ دۇرىستاۋىمىز كەرەك. تەربيەنٸڭ بارلىعى الدىمەن, باستاۋىش مەكتەپتەن باستالادى», - دەدٸ ول وتباسى كٷنٸ اياسىندا ٶتكەن دٶڭگەلەك ٷستەل وتىرىسىندا.
ونىڭ ايتۋىنشا, قازٸرگٸ ۋاقىتتا دەستٷرلٸ تەربيە كٶزٸ بولعانىمەن - ەلسٸز. بٷگٸنگٸ ۇرپاقتى ەلەكتروندى قۇرالدار مەن گادجەتتەر تەربيەلەپ وتىر.
«وسى ورايدا مەكتەپتٸڭ رٶلٸ ٶتە ەرەكشە. ٶيتكەنٸ, بالا 6 جاستان 17 جاسقا دەيٸنگٸ عۇمىرىن مەكتەپتە ٶتكٸزەدٸ. باستاۋىش مەكتەپ «سۇمدىق پٸكٸر, سۋىق قولدان» تىنىش بولۋى كەرەك», - دەدٸ عالىم.
سونىمەن قاتار ول قازاق تٸلٸنٸڭ قازاقستان اۋماعىندا تولىق تارالۋى قاجەتتٸگٸن باسا ايتتى.
«قازٸر قازاق تٸلٸن تٶمەننەن تالاپ ەتۋ كٷشتٸ. ەلەۋمەتتٸك جەلٸدە «مەن قازاقستاندا, ٶز جەرٸمدە تۇرمىن. ماعان قازاقشا قىزمەت كٶرسەتٸڭٸز» دەگەن تالاپ كٷشەيە تٷسكەن. ەندٸ تٸل ساياساتىن دا سوعان قاراي ٶزگەرتۋمٸز كەرەك. ٶيتكەنٸ, «مەملەكەتتٸك» دەگەن انىقتاماسى بار مەملەكەتتٸك تٸل مەملەكەتتٸك شەكارا مەن مەملەكەتتٸك قاۋٸپسٸزدٸك دەڭگەيٸندە قورعالۋى تيٸس», - دەدٸ بيجومارت قاپالبەك.
