«اتامەكەن» ۇلتتىق كەسٸپكەرلەر پالاتاسىنىڭ باسقارما تٶراعاسى ابىلاي مىرزاحمەتوۆ «باستاۋ-بيزنەس» باعدارلاماسىنىڭ 5 جىلدىعىنا ارنالعان فورۋمدا ٸلكٸ جوبانىڭ قالاي قولعا الىنعانىن ايتتى, دەپ حابارلايدى قازاقپارات.
«ەر باستامانىڭ يەسٸ بولادى. وسىدان 5 جىل بۇرىن ەلدار (جۇماعازيەۆ) پيلوتتىق جوبا رەتٸندە الىپ كەلٸپ, كيەلٸ, مۇنايلى ماڭعىستاۋ ٶڭٸرٸنەن باستادىق. پەيٸلٸمٸز دۇرىس بولعان شىعار, سول باستامامىز ەلدٸڭ كٶڭٸلٸنەن شىعىپ, كەڭ تارادى», - دەپ باستاعان ابىلاي مىرزاحمەتوۆ باعدارلاما اياسىندا قانشا ادامنىڭ كەسٸپ باستاۋعا مٷمكٸندٸك العانىن اتادى.
«الدىمەن ەر اۋدانعا باردىق. كەيٸن قالالار مەن وبلىستاردى ارالادىق. قازٸر الماتى, نۇر-سۇلتان, شىمكەنت سيياقتى ٷلكەن قالالاردا بۇل باعدارلاماعا سۇرانىس جوعارى بولىپ جاتىر. سوندىقتان بٸزدٸڭ ماقساتىمىز كەڭەيٸپ كەتتٸ.(...) 185 مىڭ ادام, ونىڭ ٸشٸندە 55 مىڭ ادام ٶز ٸسٸن اشىپ, جۇمىس ٸستەي باستادى. راس, قاراجات ەلٸ دە جەتٸسپەيدٸ. ەلٸمٸزدٸڭ پرەزيدەنتٸ جولداۋىندا ٶتە جاقسى ايتتى. شاعىن مەكەمەلەردٸ اشىپ, سولاردى قولداۋ كەرەك. ٶيتكەنٸ وسىندا وتىرعان «باستاۋ بيزنەس» باعدارلاماسىنا قاتىسۋشىلاردىڭ بەرٸ شاعىن كەسٸپكەرلەر. جاڭاعى 55 مىڭ ازاماتتىڭ 37 مىڭى گرانتتىڭ ارقاسىندا اياققا تۇردى», - دەدٸ ابىلاي مىرزاحمەتوۆ.
«اتامەكەن» باسشىسى بۇل گرانتتى ۇسىنۋداعى نەگٸزگٸ ماقسات – ادامداردىڭ ٶزٸنە-ٶزٸ دەگەن سەنٸمٸن اشۋ.
«بۇل ٷلكەن بٸر جٷيە بولىپ وتىر. 5 جىلدا تەي-تەي باسىپ, ەلباسىنىڭ, ٷكٸمەتتٸڭ قولداۋىنىڭ ارقاسىندا ۇجىم بولىپ وسىنداي دەرەجەگە جەتتٸ», - دەدٸ ۇلتتىق كەسٸپكەرلەر پالاتاسىنىڭ باسقارما تٶراعاسى.
