فوتو: fifg/shutterstock.com
«وتباسى بانك» تٶراعاسى لەززات يبراگيموۆا باسپانا نارىعىنداعى باعانىڭ ٶزگەرٸسٸ تۋرالى پٸكٸر بٸلدٸردٸ, دەپ حابارلايدى قازاقپارات اگەنتتٸگٸ.
«مەن جىلجىمايتىن مٷلٸك نارىعىنىڭ ساراپشىسى رەتٸندە جالپى ينفلياتسييا دەڭگەيٸ جاعدايىندا پورتفەلدٸك ينۆەستيتسييالارمەن اينالىسپايتىن, قۇندى قاعازدار نارىعىندا جۇمىس ٸستەمەيتٸن ادامدار سالاتىن نەگٸزگٸ كاپيتالدىڭ تٷسۋٸ ەكٸتالاي دەپ ويلايمىن. ٶيتكەنٸ ينفلياتسييا ازىق-تٷلٸك ەمەس تاۋارلارعا دا ەسەر ەتٸپ وتىر. سوندىقتان بٸز ساراپشى رەتٸندە باسپانا باعاسىنىڭ تٷسۋٸن كٷتٸپ وتىرعان جوقپىز», - دەدٸ ول مەجٸلٸستەگٸ وتىرىستىڭ الدىندا باق ٶكٸلدەرٸنٸڭ ساۋالىنا جاۋاپ بەرە وتىرىپ.
ونىڭ سٶزٸنشە ٷي باعاسىنىڭ ەرٸ قاراي قىمباتتاۋى نارىقتاعى يپوتەكالىق باعدارلامالاردىڭ قولجەتٸمدٸلٸگٸنە بايلانىستى بولماق.
«قازٸر بازالىق مٶلشەرلەمە 16-17 پايىز دەڭگەيٸندە ەكەنٸن ەسكەرسەك, «وتباسى بانكتٸڭ» ول شامادان دەربەس نەسيە ۇسىنۋى تۇيىق شەڭبەر بولىپ تۇر. بۇل - گەرمانييالىق مودەل بويىنشا قۇرىلعان جٷيە. بٸز 20 جىلدىڭ ٸشٸندە بازالىق مٶلشەرلەمەدەن دەربەس, ٶزگەرمەيتٸن نەسيە مٶلشەرلەمەسٸن ۇسىنىپ كەلدٸك. سەيكەسٸنشە, بٸزدٸڭ ۇسىنىپ وتىرعان كرەديت ٶنٸمٸمٸز بورىشكەرلەر ٷشٸن ەڭ تيٸمدٸ نۇسقا بولىپ وتىر. وعان دەگەن سۇرانىس تا جوعارى. بٸراق بٸز بۇل سۇرانىستى ادامداردى اقشانى كٶبٸرەك جيناقتاۋعا باعىتتاۋ ارقىلى تەڭەستٸرەمٸز. شٸلدە ايىندا بٸز 2,5 باعاندىق باعالاۋ كٶرسەتكٸشٸن ەنگٸزدٸك. ياعني, ەندٸ پەتەر ساتىپ الۋ ٷشٸن باستاپقى جارناعا پەتەر قۇنىنىڭ 50 پايىزىن جيناقتاۋ جەتكٸلٸكسٸز. ٷش ايدان كەم ەمەس ۋاقىت بويى اقشا جيناقتاپ, تيٸستٸ شارتتاردى ورىنداۋ كەرەك. كەلەسٸ جىلى بۇل باعالاۋ كٶرسەتكٸشٸن تاعى ارتتىرامىز. ياعني, بٸز ٶز كليەنتتەرٸمٸزدٸ بٸرتٸندەپ كلاسسيكالىق جٷيەگە قايتارامىز. باسپاناعا قاجەت اقشانى ادام شىن مەنٸندە جيناقتاۋ كەرەك بولادى. قالاي جيناقتاعانىنا بايلانىستى بورىشكەردٸڭ تٶلەم قابٸلەتٸ تۋرالى باعالاۋدى ٶزگەرتەمٸز. كليەنت 36 اي بويى بٸر سومانى تۇراقتى سالىپ تۇرسا, ونداي ادامعا تٶلەم قابٸلەتٸن باعالاعان كەزدە بورىش الۋعا مٷمكٸندٸك بەرەتٸن تٷرلٸ كوەففيتسەنت ۇسىنۋعا بولادى. دەمەك, ستراتەگييا مىنانداي بولادى. بورىشكەر اقشانى نەعۇرلىم تەرتٸپپەن جيناقتاسا, بانك وعان سوعۇرلىم جاقسى قارايلاسادى», - دەيدٸ بانك باسشىسى.
لەززات يبراگيموۆا كەيبٸر ساراپشىلاردىڭ «وتباسى بانك» تۇرعىن ٷي نارىعىنا كەرٸ ەسەر ەتٸپ وتىرعانى تۋرالى پايىمدارىنا جاۋاپ بەردٸ.
«ول باسقا بانكتەردٸڭ تابىسىنا كەرٸ ەسەر ەتٸپ جٷرگەن شىعار. مەن بۇل جەردە قوعامنىڭ مٷددەسٸن باستى باعداردا ۇستاۋىمىز كەرەك دەپ ويلايمىن. بٸزدٸڭ بانككە كەلٸپ, وتباسىلىق دەپوزيت اشىپ, بالاسىنا, اتا-اناسىنىڭ اتىنا شوت اشاتىن ادامدار بار. سولاردىڭ مٷددەسٸن باعدارعا الۋىمىز كەرەك. بٸزدەن بٸر زايم العان كەزدە وسىنداي 3-4 ادامنىڭ دەپوزيتٸن بٸرٸكتٸرٸپ جاتادى. بۇل دەگەنٸڭٸز وتباسىلىق كوەففيتسەنت قوي. ونىڭ مٶلشەرٸ ورتاشا ستاتيستيكالىق كوەففيتسەنتكە ساي كەلەدٸ», - دەدٸ «وتباسى بانك» باسشىسى.
