15 ماۋسىم كٷنٸ استاناداعى امفيتەاتردا «Azia» جەنە «Melomen» توپتارىنىڭ كونتسەرتٸ ٶتٸپ, كٶرەرمەندەر ەرەكشە ەسەرمەن قايتتى. ال بٸزگە سۇحبات بەرگەن «Azia» توبىنىڭ ەنشٸسٸ رەنات باسيت جاس ەنشٸلەردٸ تٷسٸنۋ مٷمكٸن ەمەس, ولار باسقا بۋىن دەپ ەسەپتەسە, «Melomen» توبىنىڭ ٶنەرپازدارى ۋاقىت ٶتە ەنگە تالعامدارى ٶزگەرگەنٸن ايتادى.
Ult.kz تٸلشٸسٸ كونتسەرتتٸ تاماشالاپ, ٶنەرپازدارمەن سۇحباتتاسىپ قايتتى.
كونتسەرتتٸك باعدارلاما روزا باعلانوۆا اتىنداعى «قازاقكونتسەرت» مەملەكەتتٸك اكادەمييالىق كونتسەرتتٸك ۇيىمى ۇسىنعان «GRAND FEST» مۋزىكالىق فەستيۆالٸ اياسىندا ٶتتٸ.
حيت ەندەر شىرقالعان كەش
«Azia» جەنە «Melomen» توپتارى كەڭ اۋديتورييانىڭ سٷيٸسپەنشٸلٸگٸنە بٶلەنگەن حيت ەندەردٸ ورىنداپ, ەستە قالار كٶڭٸلدٸ كەش ۇسىندى.
كونتسەرتتٸك باعدارلامادا «عاجايىپ كٷي», «جانىم», «وپماي-وپماي», «قاندايسىڭ قانداي», «سٷيگەنٸم بول», «و, ماحاببات», «ارمان شاعالا», «سەن مەنٸ كٷت» سىندى تۋىندىلار شىرقالادى. ەرٸكسٸز بيلەگٸڭ كەلەتٸن ەندەر دە, ەر ٶلەڭ جولى جاتتالىپ قالعان بەرٸنە تانىس شىعارمالار دا ۇسىنىلادى.
بۇل ەندەردٸڭ العاشقى ەۋەنٸنەن-اق, سان ەستەلٸك جادىمىزدا جاڭعىرىپ قويا بەرەدٸ. بٸر كەزدەرٸ مەكتەپ كەشٸندە جٷرەكتٸ تەربەتكەن, كٶلٸك تەرەزەسٸنەن كٶز سالىپ, قييالعا جەتەلەگەن, ال كەيدە ٷنسٸز سەرٸك بولعان سول بٸر ەندەر...
جۇرتپەن بٸرگە امفيتەاتر ساحناسىن قورشاعان سۋبۇرقاقتار دا بيلەپ, تٷرلٸ-تٷسكە بويالىپ سالا بەردٸ. بۇل كونتسەرتتٸڭ ەنەرگيياسىن كٷشەيتٸپ, قىزدىرا تٷسكەندەي.
«Melomen» توبىنا بيىل 16 جىل. وسى ۋاقىتقا دەيٸن جارىققا شىققان ەندەردٸڭ ٸشٸندەگٸ حالىقتىڭ جٷرەگٸنەن شىققان, جاقسى كٶرەتٸن, ەل بٸلەتٸن, سۇرانىسقا يە, «وسى ەن ارقىلى بٸز Melomen-دٸ تانيمىز» دەيتٸن 10 حيت ەندٸ وسى كونتسەرتتە ورىندادىق. اتاپ ايتساق, «و, ماحاببات», «ارمان شاعالا», «سٷيگەنٸم بول» سيياقتى ەندەر ورىندالدى. جالپى بٸزدٸڭ قورجىنىمىزدا جٷزدەن استام ەن بار», ‒ دەيدٸ «Melomen» توبىنىڭ ەنشٸسٸ رولان قازرەتوۆ.
امفيتەاتردىڭ ساحناسىن جاندىرعان ەنشٸلەردٸڭ تانىس تا, تانىمال ەندەرٸن تىڭداعان جۇرت ورىندارىنان تۇرىپ بيلەپ, قوسىلا ەن شىرقاپ, مەرە-سەرە بولىپ جاتتى. ولاردىڭ اراسىندا عاجاپ ەسەرلەرٸن فوتو-ۆيدەوعا تاسپالاپ الىپ جاتقاندارى دا بولدى.
كونتسەرت كٶرەرمەنٸ اينۇر قۋاتبەكوۆا ٶنەرپازداردىڭ ەندەرٸن تىڭداپ, ستۋدەنت كەزٸن ەسٸنە الىپ, نوستالگييالىق كٷيمەن قايتقانىن ايتادى.
«ٶتە كٶڭٸلدٸ, تاماشا كەش بولدى. جٸگٸتتەرمەن قوسىلىپ ەن دە ايتتىق, بي دە بيلەدٸك. ستۋدەنت كەزٸمدە «Azia» توبىنىڭ ەڭ العاشقى كونتسەرتٸنە بارعانمىن. ول كەزدە جاسپىز. قىزدارمەن كٷلٸپ-ويناپ, تاماشا كٶڭٸل كٷيمەن الماتىداعى رەسپۋبليكا سارايىنان جاتاحاناعا قايتقانىمىز ەسٸمدە. قازٸر مٸنە جيىرما جىلدان كەيٸن قايتا سول سەزٸمدٸ باستان كەشٸپ وتىرمىن. سول ٷشٸن وسى شارانى ۇيىمداستىرۋشىلارعا العىس ايتامىن. بٷگٸن استانادا اۋا رايى دا تاماشا بولىپ تۇر. تابيعات ەدەيٸ بٸز ٷشٸن جاعداي جاساپ قويعانداي», ‒ دەپ سەزٸمٸمەن بٶلٸستٸ كٶرەرمەن.
«ٶز رەپەرتۋارىمىزداعى حيت بولعان ەندەردٸڭ بارلىعىن ايتتىق. 21 جىلدا شىققان ەندەردٸڭ اراسىنان حالىقتىڭ جٷرەگٸنە جەتكەن, سٷيٸپ تىڭدايتىن «عاجايىپ كٷي», «ماحاببات ارالى», «وپماي-وپماي» سيياقتى ەندەردٸ ورىندادىق», ‒ دەيدٸ «Azia» توبىنىڭ ەنشٸسٸ, قازاقكونتسەرتتٸڭ الماتى فيليالىنىڭ ديرەكتورى رەنات باسيت.
«بٸز ولاردى تٷسٸنە المايمىز»
10 ‒ 20 جىلدان ارتىق ساحنادا جٷرگەن جٸگٸتتەردٸڭ ەنٸن ەڭبەكتەگەن بالادان ەڭكەيگەن قاريياعا دەيٸن سٷيٸپ تىڭداپ, قوسىلا شىرقاپ, قوشەمەت بٸلدٸرٸپ جاتتى.
ال ساحناعا جاڭا كەلگەن جاس ەنشٸلەر تۋرالى 21 جىل ساحنادا جٷرگەن رەنات باسيت نە ويلايدى?
«بٸز ولاردى تٷسٸنە المايمىز. ولار بٸزدٸ عانا ەمەس, ٷلكەن بۋىننىڭ بەرٸن باسىپ تاستادى. بٸز سولاردىڭ اراسىنان «وپماي-دى» شىعارىپ, بٸردەڭە قىلىپ جٷرمٸز عوي ەيتەۋٸر. ال جاڭا بۋىن قانداي ٶلەڭ جازادى, مٷلدەم تارتپايدى. ٶيتكەنٸ مٷلدەم باسقا بۋىن كەلدٸ. ولار تٷسٸنٸكسٸز. بٸراق جاقسى جاعىنان. سولارعا قاراپ, ٷلكەن بۋىن دا ٶزگەرٸپ, دامىپ جاتىر. بٸزدٸڭ جاستارىمىزدى شەتەل تىڭداپ جاتىر», ‒ دەيدٸ رەنات باسيت.
«Azia» توبى ەلٸ دە جاڭا ەندەر جازىپ, جاس ەنشٸلەرمەن كوللابوراتسييا ۇيىمداستىرىپ جٷر ەكەن. Qanay ەسٸمدٸ تانىمال جاس ەنشٸمەن بٸرٸگٸپ ەن دە جازىپتى. ەندٸ ناقىشىنا كەلتٸرٸپ ورىنداۋدا, ونى ٶڭدەۋدە تەجٸريبەلٸ مامان رەتٸندە Azia-لىقتاردا ەشقانداي مەسەلە تۋىندامايتىنىن ايتادى. بٸراق:
«ٶتۋ پروبلەما. مىسالى بۇرىن ەن جازامىز, بٸر رەت تەلەديدارعا شىعامىز, بٸزدٸڭ ەنٸمٸز ‒ حيت. قازٸر قانشا ەن جازساڭ دا حيت بولمايدى, ٶيتكەنٸ قازٸر باسقاشا جۇمىس ٸستەۋ كەرەك. ونى جۇمىس ٸستەتۋگە قاسىڭدا 10 ادام جٷرۋٸ كەرەك. بۇرىنعىداي ٶزٸڭ جازىپ, ستۋديودا شىعارا المايسىڭ», ‒ دەيدٸ ول.
ال «Melomen» توبىنىڭ ەنشٸلەرٸ جاسىڭ ۇلعايعان سايىن ەنگە تالعامىڭ دا ٶزگەرەدٸ دەپ وتىر. ولار قازٸر ەنگە تالعام مەن تالاپتى كٷشەيتكەندەرٸن ايتادى.
«ادامداردىڭ بارلىعى قاتەلەسەدٸ. دەگەنمەن دە «ٶتكەنگە ‒ ٶكٸنبە» دەيدٸ عوي. سوندىقتان بٸز ەش نەرسەگە ٶكٸنبەي, ساباق الامىز. بٸراق ەرينە شىعارماشىلىعىمىزدى باستاعان كەزدەن بەرٸ بٸزدە ٶزگەرٸستەر بار. قاتەلٸكتەرمەن جۇمىس ٸستەيمٸز. بۇرىن ەندٸ شەتٸنەن جازا بەرەتٸنبٸز, ال قازٸر سارالاپ-سارالاپ جازامىز. مٷمكٸن جاسىڭ ۇلعايعان سايىن اقىلىڭ دا تولىعا ما, سونداي سيياقتى», ‒ دەيدٸ «Melomen» توبىنىڭ ەنشٸسٸ رولان قازرەتوۆ.
«GRAND FEST» فەستيۆالٸ – ەلوردانىڭ مەدەني ٶمٸرٸندەگٸ ماڭىزدى وقيعاعا اينالۋدى ماقسات تۇتقان, وتاندىق مۋزىكالىق ٶنەردٸ ناسيحاتتاۋعا جەنە قالا تۇرعىندارىنىڭ مەدەني تىنىس-تٸرشٸلٸگٸن بايىتۋعا باعىتتالعان جوبالاردىڭ بٸرٸ. اشىق اسپان استىنداعى امفيتەاتر ساحناسى, جاندى مۋزىكا جەنە جانرلىق ەرتٷرلٸلٸك - بارلىعى دا تٷرلٸ بۋىن ٶكٸلدەرٸن ٶنەر اينالاسىنا توپتاستىراتىن جىلى ەرٸ شابىت سىيلايتىن اتموسفەرانى قالىپتاستىرادى.
