كوروناۆيرۋس ينفەكتسيياسىنىڭ تارالۋىنا قاراماستان توي جاساپ جاتقان قازاقستاندىقتار بار. بۇل تۋرالى قر باس مەملەكەتتٸك سانيتار دەرٸگەرٸ ايجان ەسماعامبەتوۆا ايتىپ بەردٸ, دەپ حابارلايدى "ۇلت اقپارات".
«ەرينە, ٶكٸنٸشتٸ جاعداي, بٸراق مۇنداي فاكتٸلەر ەلٸ دە تٸركەلٸپ جاتىر. جاپپاي حالىق جينالاتىن شارالارعا تىيىم سالىنسا دا, كەي تۇرعىندار ٷيلەنۋ, قىز ۇزاتۋ, تۋعان كٷن ٶتكٸزۋدٸ توقتاتار ەمەس. بۇل ينفەكتسييا جۇقتىرۋ مەن ونىڭ تارالۋ قاۋپٸن تۋدىرادى», - دەدٸ سپيكەر ورتالىق كوممۋنيكاتسييالار قىزمەتٸندە ٶتكەن ونلاين بريفينگتە.
باس سانيتار مۇنداي مەرەكەلٸك جيىندارعا باسقا ٶڭٸرلەردەن دە قوناقتار شاقىرىلاتىنىن اتاپ ٶتتٸ.
«ەدەتتەگٸدەي, بٸرنەشە ٶڭٸردەن جينالعان قوناقتار قاۋٸپتٸ ينفەكتسييانى ٶز ٷيلەرٸنە الىپ بارادى. مۇنداي زاڭبۇزۋ فاكتٸلەرٸ الماتى قالاسىندا, تٷركٸستان, جامبىل, باتىس قازاقستان, پاۆلودار, الماتى وبلىستارىندا انىقتالدى. بارلىق مەرەكە ۇيىمداستىرۋشىلارعا ايىپپۇل تٷرٸندە ەكٸمشٸلٸك جازا قولدانىلدى», - دەدٸ ايجان ەسماعامبەتوۆا.
