Koronavirýs infektsiiasynyń taralýyna qaramastan toi jasap jatqan qazaqstandyqtar bar. Bul týraly QR bas memlekettik sanitar dárigeri Aijan Esmaǵambetova aityp berdi, dep habarlaidy "Ult aqparat".
«Árine, ókinishti jaǵdai, biraq mundai faktiler áli de tirkelip jatyr. Jappai halyq jinalatyn sharalarǵa tyiym salynsa da, kei turǵyndar úilený, qyz uzatý, týǵan kún ótkizýdi toqtatar emes. Bul infektsiia juqtyrý men onyń taralý qaýpin týdyrady», - dedi spiker Ortalyq kommýnikatsiialar qyzmetinde ótken onlain brifingte.
Bas sanitar mundai merekelik jiyndarǵa basqa óńirlerden de qonaqtar shaqyrylatynyn atap ótti.
«Ádettegidei, birneshe óńirden jinalǵan qonaqtar qaýipti infektsiiany óz úilerine alyp barady. Mundai zańbuzý faktileri Almaty qalasynda, Túrkistan, Jambyl, Batys Qazaqstan, Pavlodar, Almaty oblystarynda anyqtaldy. Barlyq mereke uiymdastyrýshylarǵa aiyppul túrinde ákimshilik jaza qoldanyldy», - dedi Aijan Esmaǵambetova.
