- قر باس پروكۋراتۋراسى بٷگٸندە قىلمىسپەن كٷرەستە اقپاراتتىق تەحنولوگييالاردى بەلسەندٸ تٷردە ەنگٸزۋ قاجەتتٸ قادام ەكەنٸن اتاپ ٶتتٸ, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
باس پروكۋرور جاقىپ اسانوۆتىڭ پايىمىنشا, بۇنداي فورمات تەرگەۋ امالدارى مەن قاداعالاۋدىڭ ساپاسىن جاقسارتادى, جٷيەدە اشىقتىقتى قامتاماسىز ەتەدٸ. بارلىق تەرگەلەتٸن ٸستەر ونلاين رەجٸمگە اۋىسپاق.
«جىل سايىن 500 مىڭ قىلمىستىق ٸستٸ تەرگەيمٸز. بۇعان قوسىمشا ەكٸمشٸلٸك قۇقىق بۇزۋشىلىقتار بويىنشا 4,5 ملن حاتتاما بار. ياعني, 5 ميلليون ٸس پەن ماتەريال بويىنشا شەنەۋنٸكتەر ادامعا قانداي جازا تاعايىنداۋ كەرەكتٸگٸن شەشەدٸ. الايدا, بۇل كٶرسەتكٸشتەردە تۇرعان ەشتەڭە دە جوق. بارلىق ەلدەردە دە وسىلايشا. ەڭ سوراقىسى, بۇل ٸستەر مەن ماتەريالدار قولمەن جٸرگٸزٸلەدٸ. اتاپ ايتقاندا, ميللياردتاعان بەتتەرمەن ەسەپتەلەتٸن قاعازدار, قوماقتى شىعىندار بايقالادى», - دەپ توقتالدى اسانوۆ.
ونىڭ سٶزٸنە قاراعاندا, قازٸرگٸ كەزدە شاعىمدى نەمەسە ٸستٸ زەرتتەۋ ٷشٸن ايعاقتار وبلىستان سۇرالادى, ولار ٶز كەزەگٸندە ٸستٸ اۋداننان تالاپ ەتەدٸ.
«بٸزگە جەتكەنشە 2-3 اپتا ٶتەدٸ. كەرٸ جٸبەرٸلگەن كەزدە تاعى دا 2-3 اپتا جولعا جۇمسالادى. وسىلايشا, ٸستەر ايلاپ كٶشٸپ جٷرەدٸ. ۋاقىت ٶتكەن سايىن ايعاقتار جوعالىپ, وقيعا ۇمىتىلا باستايدى. تەرگەۋ توقتاپ تۇرعاندىقتان, كٷدٸكتٸ ادام قاماۋدا وتىرادى», - دەدٸ باس پروكۋرور.
بەلگٸلٸ بولعانداي, جىل سايىن 900 مىڭعا جۋىق ٸس وسىنداي رەسٸمنەن ٶتەدٸ.
«جىلىنا 900 مىڭعا تارتا قاعاز ساياحاتتاپ جٷرەدٸ. قاعاز دەگەن كەشەگٸ كٷن ەمەس, ٶتكەن عاسىر عوي. قاعازداعى ٸستەردٸ جوعالتىپ الۋ, جويىپ جٸبەرۋ نەمەسە قولدان جاساۋ وڭاي. مەسەلەن, اۋداندا ٸستٸ زاڭسىز تٷردە توقتاتسا, ول تاعى بٸرەۋ شاعىمدانعانشا جاتا بەرەدٸ. ەربٸر ٸستٸ قولمەن قايتا تەكسەرٸپ شىعۋ ٸسكە اسپايدى. سوندىقتان دا اقپاراتتىڭ وسى اۋقىمىن ساندىق فورماتقا اۋىستىرۋدى كٶزدەپ وتىرمىز. بۇل رەتتە ازاماتتارعا, قوعامعا قاجەتتٸ پايدالى ٸستەرمەن كٶبٸرەك اينالىسۋعا مٷمكٸن بولادى», - دەپ تاپسىردى ول.
.jpeg)