فوتو: Pexels.com
قازاقستاندا ٶزٸنٸڭ بانك كارتاسىن, شوتىن نەمەسە دەربەس دەرەكتەرٸن ٷشٸنشٸ تۇلعالارعا پايدالانۋعا بەرگەندەرگە قاتاڭ جاۋاپكەرشٸلٸك قاراستىرىلماق. باس پروكۋراتۋرا مۇنداي ەرەكەتتەر ينتەرنەت-الاياقتىق پەن ەسٸرتكٸ اينالىمىنا جول اشاتىنىن ەسكەرتٸپ وتىر, دەپ حابارلايدى Ult.kz.
مەملەكەت باسشىسىنىڭ ايتۋىنشا, بٷگٸندە 50 مىڭنان استام قازاقستاندىق زاڭسىز ونلاين ەرەكەتتەرگە تارتىلعان. تەرگەۋ بارىسىندا قىلمىستىق سحەمالارعا كٶمەكتەسكەن 6 مىڭنان استام دروپپەردٸڭ (قارجىلىق دەلدال) جەكە باسى انىقتالعان.
قازٸر پارلامەنت سەناتىندا قارالىپ جاتقان زاڭ جوباسىندا قىلمىستىق كودەكسكە جاڭا 232-1-باپ ەنگٸزٸلەدٸ. ول بويىنشا ٶزٸنٸڭ تٶلەم قۇرالدارىن بٶتەن بٸرەۋگە زاڭسىز ەرٸ سىياقى الۋ ماقساتىندا بەرگەن ازاماتتارعا 7 جىلعا دەيٸن باس بوستاندىعىنان ايىرۋ جازاسى قاراستىرىلعان.
دروپپەر بولۋدىڭ سالدارى:
-
بانك شوتتارىنىڭ بۇعاتتالۋى;
-
قارجىلىق قىزمەتكە تىيىم سالۋ;
-
قىلمىستىق جاۋاپكەرشٸلٸككە تارتىلۋ.
بۇل تالاپتار شەتەل ازاماتتارىنا دا قاتىستى — ەگەر ولار ٶز شوتتارىن قازاقستانداعى زاڭسىز ەرەكەتتەر ٷشٸن پايدالانۋعا بەرسە, دەل سول جاۋاپكەرشٸلٸك قارالادى.
الايدا, ەگەر ادام مۇنداي سحەماعا تارتىلعانىن تٷسٸنٸپ, ٶز ەركٸمەن ۋەكٸلەتتٸ ورگاندارعا حابارلاسا جەنە تەرگەۋگە كٶمەك بەرسە, قىلمىستىق جاۋاپكەرشٸلٸكتەن بوساتىلۋى مٷمكٸن.
باس پروكۋراتۋرا ازاماتتاردى الاياقتاردىڭ قۇرالىنا اينالماۋعا, ال بۇرىن كارتاسىن بەرگەندەرگە – بانككە جٷگٸنٸپ, شوتتارىن بۇعاتتاۋعا كەڭەس بەرەدٸ.
