قازاقستان مۇسىلماندارى دٸني باسقارماسىنىڭ تٶراعاسى,
باس مٷفتي ەرجان قاجى مالعاجىۇلىنىڭ
قاسيەتتٸ رامازان ايىنا بايلانىستى حالىققا
ٷندەۋٸ
اسا قامقور, ەرەكشە مەيٸرٸمدٸ اللانىڭ اتىمەن باستايمىن!
قۇرمەتتٸ وتانداستار!
بارشاڭىزعا قاسيەتتٸ رامازان ايىنىڭ قارساڭىندا جىل سايىنعى دەستٷرلٸ ٷندەۋٸمدٸ جولدايمىن!
ٶزدەرٸڭٸزگە بەلگٸلٸ, ەلٸمٸزدٸڭ اقتٶبە, اقمولا, سولتٷستٸك قازاقستان وبلىستارىنداعى وتانداستارىمىز ايتىپ كەلمەيتٸن تابيعي سۋ تاسقىنىنان ەدەۋٸر زارداپ شەكتٸ. قانشاما باۋىرلارىمىزدىڭ ٷيٸ سۋ استىندا قالىپ, ماتەريالدىق شىعىنعا ۇشىرادى. وسىعان وراي, جومارت جاندار مەن قايىرىمدى كەسٸپكەرلەر تابيعي اپاتتان ٷي-كٷيسٸز شاراسىز قالعان تۇرعىندارعا قولداۋ كٶرسەتٸپ, كٶمەگٸن اياماۋدا.
قازاقستان مۇسىلماندارى دٸني باسقارماسى دا جاناشىر جاماعاتتىڭ دەمەۋشٸلٸگٸمەن «قايىرىمدىلىق كەرۋەنٸ» اكتسيياسى اياسىندا كيٸم-كەشەك, ازىق-تٷلٸك, تۇرمىسقا قاجەتتٸ بۇيىمدار جەتكٸزدٸ. كەسٸپكەر ازاماتتاردى وسى باعىتتاعى قايىرىمدىلىق جۇمىستارعا بەلسەنە اتسالىسۋعا شاقىرامىن.
قادٸرلٸ باۋىرلار!
اسىل دٸنٸمٸز يسلامدا «ساداقا جارييا» دەگەن قاسيەتتٸ ۇعىم بار. قوعامنىڭ, حالىقتىڭ يگٸلٸگٸ ٷشٸن جاسالعان ساۋاپتى ٸستەردٸ, اتاپ ايتقاندا, مەشٸت-مەدرەسە, اۋرۋحانا, بالا-باقشا, سپورت كەشەندەرٸن تۇرعىزۋ, كٶشە, كٶپٸر سالۋ, اۋىزسۋى جوق اۋىلدارعا سۋ تارتىپ, قۇدىق قازدىرتۋ, ت.ب يگٸ امالداردى «ساداقا جارييا» دەپ اتايمىز. مٸنە, بۇل ٸزگٸ ٸس-شارالار حالىقتىڭ يگٸلٸگٸ ٷشٸن جاسالعان ساۋاپتى امالدار. قازاقستان مۇسىلماندارى دٸني باسقارماسى وبلىستاردا «قايىرىمدىلىق مەكەمەسٸن» اشىپ, جەرگٸلٸكتٸ جاس بۋىنعا دٸني ھەم زايىرلى بٸلٸم بەرٸپ, يماندىلىققا تەربيەلەۋمەن قاتار تۇرمىسى تٶمەن وتباسىلارىنا ەلەۋمەتتٸك كٶمەك كٶرسەتۋدە.
مەتسەناتتار مەن كەسٸپكەر ازاماتتاردى جالپى جۇرشىلىققا قاجەتتٸ نىسانداردى تۇرعىزۋ جۇمىسىنا بەلسەنە ارالاسىپ, جاناشىرلىق تانىتۋعا شاقىرامىن. ٶيتكەنٸ, رامازان – قايىرىمدى جاندار ٷشٸن مول مٷمكٸندٸكتەر ماۋسىمى. ورازادا جاسالعان ەربٸر قايىرلى ٸس – ٷلكەن ساۋاپ. بٸردە پايعامبارىمىز مۇحاممەدتەن (وعان اللانىڭ سالاۋاتى مەن سەلەمٸ بولسىن) بٸر كٸسٸ: «ۋا, اللانىڭ ەلشٸسٸ, ەڭ جاقسى ادام كٸم?» – دەپ سۇراعاندا, ول: «ەڭ جاقسى ادام – قوعامعا, ەلگە پايداسى تيگەن پەندە», – دەپ جاۋاپ بەرگەن ەكەن.
جۋىردا ەلباسىمىز نۇرسۇلتان نازارباەۆ ەلٸمٸزدەگٸ باي-دەۋلەتتٸ ازاماتتاردى جاعدايى تٶمەن تۇرعىندارعا كٶمەك كٶرسەتۋگە ٷندەدٸ. مەملەكەت باسشىسىنىڭ بۇل باستاماسىنا ٷن قوسۋ بارشامىزدىڭ ازاماتتىق بورىشىمىزعا اينالۋى قاجەت دەپ ەسەپتەيمٸن.
قۇرمەتتٸ قازاقستاندىقتار!
قوعامدا كٸسٸ اقىسىن جەۋ, بالانى اياۋسىز ۇرۋ, پەدوفيليزم, نەرەستەنٸ دالاعا تاستاۋ, ٶز-ٶزٸنە قول جۇمساۋ, اجىراسۋ, كەيبٸر ازاماتتار اراسىنداعى قاتىگەزدٸك جاعدايلار, اراق-شاراپقا تەۋەلدٸلٸك, وتباسىنداعى كەلٸسپەۋشٸلٸك, تەررورلىق وقيعالار سىندى جالپى ادامگەرشٸلٸك قۇندىلىقتارعا جات ەرەكەتتەر كٶرٸنٸس تابۋدا. پەندەنٸ رۋحاني تۇرعىدان ازدىرىپ, ەلدٸڭ تىنىشتىعىن بۇزىپ, قورشاعان ورتا مەن بٷكٸل قوعامنىڭ تۇتاستىعىنا ٷلكەن زييانىن تيگٸزەتٸن مۇنداي جامان ەرەكەتتەرگە جۇرت بولىپ جۇمىلىپ قارسى كٷرەسۋٸمٸز كەرەك. بٷگٸنگٸدەي بٸرلٸگٸمٸزدٸڭ ارقاسىندا مۇنداي جاعىمسىز, جامان وقيعالاردىڭ جولىن كەسە الامىز.
ارداقتى اعايىن!
رامازان – مول ساۋاپ جينايتىن قاسيەتتٸ اي. ادام بالاسى ٸزگٸ امالى ارقىلى جاراتۋشىنىڭ راقىمىنا, نىعمەتٸنە كەنەلەدٸ. جومارت, جاناشىر ازاماتتاردى, كەسٸپكەرلەردٸ كٶمەككە مۇقتاج ادامدارعا قامقورلىق كٶرسەتۋگە, تابيعي اپات سالدارىنان بۇزىلعان ٷيلەردٸ جٶندەۋگە, جەتٸم مەن جەسٸرگە مەيٸرٸمدٸلٸك تانىتىپ, قاراۋسىز قالعان قارتتارعا كٶڭٸل بٶلۋگە شاقىرامىن.
زەكەت بەرۋ – جاعدايى كەلگەن (شاريعات بويىنشا نيساپ مٶلشەرٸنە جەتكەن) مۇسىلمانعا پارىز. ال زەكەت بەرەكەلٸ رامازان ايىندا بەرٸلسە, ونىڭ دا ساۋابى ەسەلەنٸپ جازىلادى.
قاسيەتتٸ ايدىڭ قۇرمەتٸ ٷشٸن ازىق-تٷلٸك, كٶكٶنٸس پەن تۇرمىستىق زاتتارعا جەڭٸلدٸك جاسالىپ, قۇدايى استار مەن ساداقالار اۋىزاشار ۋاقىتىندا ۇيىمداستىرىلسا, تويلار ٸشٸمدٸكسٸز ٶتكٸزٸلسە, جاماندىقتىڭ باستاۋى بولعان اراق-شاراپتىڭ ساتىلۋىنا بارىنشا جول بەرٸلمەسە دەگەن تٸلەگٸمدٸ بٸلدٸرەمٸن. وسىناۋ جاقسى امالدار رامازاننان كەيٸنگٸ ايلاردا دا جالعاسىن تاپسا نۇر ٷستٸنە نۇر.
ون ەكٸ ايدىڭ سۇلتانى بولعان قاسيەتتٸ رامازاندا جاساعان امالدارىمىز بەن ٸزگٸ نيەتتەرٸمٸزدٸ اللا تاعالا قابىل ەتكەي! ەلٸمٸز امان, جۇرتىمىز تىنىش, تەۋەلسٸز ەلٸمٸزدٸڭ بولاشاعى جارقىن, ەربٸر يگٸ باستامالارىمىز باياندى بولعاي! ەۋمين!
(ەسكەرتۋ: 2017 جىلدىڭ 27-مامىرى – قاسيەتتٸ رامازان ايىنىڭ بٸرٸنشٸ كٷنٸ!)
