قازاقستان مۇسىلماندارى دٸني باسقارماسىنىڭ تٶراعاسى, باس مٷفتي سەرٸكباي قاجى وراز قازاقستان دٸنتانۋشىلارىنىڭ حٸ فورۋمىندا ەلدەگٸ دٸني احۋال تۋرالى ەڭگٸمەلەدٸ, – دەپ حابارلايدى «ۇلت اقپارات».
«اشىعىن ايتقاندا, دٸن قىزمەتكەرلەرٸنٸڭ قوعام الدىنداعى جاۋاپكەرشٸلٸگٸ ارحەولوگتاردىڭ جۇمىس باعىتىنا ۇقسايتىن اماناتى ٷلكەن سالا. نەزٸك سالانىڭ ماماندارى, ياعني ارحەولوگتار مەن يمامدار جەردٸ بەلدەن قازىپ, جۇمىستى ٶندٸرٸپ جاسايىن دەسە, توپىراق استىنداعى تاريحي جەدٸگەرلەردٸ بٷلدٸرٸپ نە سىندىرىپ الاتىنى اقيقات. رۋحاني مۇرانى ارشىپ الۋعا سابىر مەن تٶزٸم, ۇقىپتىلىق پەن تيياناقتىلىق قاجەت. ادام ساناسىن وڭالتۋ دا وسىنداي: جىلدار بويى جيناقتالعان تٷيسٸكتەگٸ تەرٸس دٸني تٷسٸنٸكتٸ كٷندەر مەن ايلارمەن تٷزەتە المايسىڭ. يمامدارمەن جيٸ بولاتىن جەكە كەزدەسۋٸمٸزدە دە دەسترۋكتيۆتٸ اعىمداعى ازاماتتارا تٷسٸندٸرۋ جۇمىستارىندا تەراپەۆتتٸڭ تەسٸلٸن قولدانىڭدار دەپ, باعىت-باعدار بەرەتٸنٸمٸز سوندىقتان» دەدٸ باس مٷفتي قازاقستان دٸنتانۋشىلارىنىڭ حٸ فورۋمىندا.
سەرٸكباي قاجى ورازدىڭ ايتۋىنشا, راسىندا دا, سانا تٷزەلسە ادام تٷزەلەدٸ.
«دٸني سالاداعى بٸرنەشە جىلدان ەڭبەك ٶتٸلٸ مەن تەجٸريبەمٸزدٸ ەسكەرە وتىرىپ, وڭالتۋ جۇمىستارىندا تيٸمدٸ تەسٸلدٸڭ بٸرٸ دە بٸرەگەيٸ – ونىڭ قۋانىشى مەن قيىندىق سەتتەرٸندە بٸرگە بولۋ دەر ەدٸم. سۇحباتتاسۋ تەسٸلٸ دوستىققا جەتەلەيدٸ. مۇنى پسيحولوگييا عىلىمى سۇحباتتاسۋشىنىڭ جاعدايىنا ەنۋ دەگەن ۇعىممەن تٷسٸندٸرەدٸ. ال يسلام دٸنٸ بۇدان دا بيٸك كٶركەم امالعا ٷندەيدٸ. ارداقتى پايعامبارىمىز مۇحاممەد (س.ع.س) «ٶزٸنە قالاعان يگٸ جاقسىلىقتى ٶزگە ادامعا قالامايىنشا شىنايى يمانمەن قاۋىشا المايدى» دەيدٸ. وبلىستا ٶكٸل يمام بولىپ جٷرگەندە دە دەسترۋكتيۆتٸ اعىمعا الدانعان ادامدارعا مورالدىق ھەم ماتەريالدىق تۇرعىدا جٷيەلٸ تٷردە كٶمەك كٶرسەتٸپ كەلدٸك. جاناشىرلىق سەزٸم ناقتى امالمەن ٷيلەسپەسە ەرينە, ول ناقتى نەتيجە بەرمەيدٸ. يمامداردىڭ تٸلەۋتەستٸگٸن تانىعان سول ازاماتتار قاتارىمىزعا قوسىلىپ, راديكالدى رايىنان قايتتى. وسىلايشا, سۇحباتتاستىق دوستىققا, ال دوستىق قاتىناس باۋىرمالدىققا ۇلاسادى» دەدٸ ول.
باس مٷفتيدٸڭ ايتۋىنشا, بٷگٸن دە بٸلٸم مەن تەجٸريبەسٸ تولىسقان يمامداردىڭ دا وسى باعىتتاعى جۇمىستارىنىڭ ارقاسىندا ەلٸمٸزدە جىل سايىن 500-دەن استام ازامات جات اعىمنان باس تارتىپ, دەستٷرلٸ دٸنٸمٸزبەن قاۋىشىپ كەلەدٸ.
