قازاقستان مۇسىلماندارى دٸني باسقارماسىنىڭ تٶراعاسى, باس مٷفتي ناۋرىزباي قاجى تاعانۇلى سەتباەۆ قالاسىنداعى وقيعاعا قاتىستى پٸكٸر بٸلدٸردٸ, دەپ حابارلايدى "ۇلت اقپارات".
«كەشە عانا قابىرعامىزدى قايىستىراتىن, جانىمىزعا باتاتىن جاعدايلار جٶنٸندە ەستٸپ قالدىق. وسى تۇستا, قۇرمەتتٸ حالايىق, بٸز بارىنشا سابىرلىق تانىتايىق. بٸز – قۇقىقتىق مەملەكەتپٸز. قىلمىسكەرلەر مٸندەتتٸ تٷردە جازاسىن زاڭ اياسىندا الاتىن بولادى. تەك بۇل كەزدە تەرتٸپ ساقتاماي, بايقاماي كٸشكەنتاي جاعدايدى ٷلكەنگە اينالدىرىپ المايىق, قۇرمەتتٸ اعايىن. وسى تۇستا قۇقىق قورعاۋ ورگاندارىنا وسى مەسەلەنٸ اشىق قاراپ, حالىققا شىنايى اقپارات بەرسە دەگەن ٷمٸتتەمٸز. اللا بارشامىزدىڭ تٸلەگٸمٸزدٸ قابىل ەتسٸن», - دەدٸ باس مٷفتي ورتالىق كوممۋنيكاتسييالار قىزمەتٸندە.
ەسكە سالا كەتسەك, بٷگٸن ٸشكٸ ٸستەر مينيسترٸ ەرلان تۇرعىمباەۆ سەتباەۆتاعى بەس جاسار قىز بالانىڭ جوعالۋىنا قاتىستى وقيعانىڭ مەن-جايىن ايتىپ بەرگەن بولاتىن.
«23 شٸلدە كٷنٸ كەشكٸ ساعات 9-دا سەتباەۆ قالاسىنىڭ ٸشكٸ ٸستەر باسقارماسىنا 5 جاسار قىزدىڭ جوعالعانى تۋرالى ارىز تٷستٸ. دەرەۋ ٸزدەستٸرۋ نەتيجەسٸندە بٷلدٸرشٸن قالاداعى بٸر ٷيدەن تابىلدى. جاس قىزدى زورلادى دەگەن كٷدٸكپەن بٸر ازامات قاماۋعا الىندى. بٸراق بٸرنەشە ادام كٷدٸكتٸنٸ ٶز قولىنا بەرۋدٸ تالاپ ەتتٸ, جانجال شىعاردى», - دەدٸ ەرلان تۇرعىمباەۆ وكق-دا ٶتكەن باسپاسٶز مەسليحاتىندا.
سونداي-اق, بٷگٸن پرەزيدەنت شورناق اۋىلى مەن سەتباەۆ قالاسىنداعى جاعدايعا بايلانىستى كەڭەس ٶتكٸزدٸ.
