اسا قامقور, ەرەكشە مەيٸرٸمدٸ اللانىڭ اتىمەن باستايمىن!
قۇرمەتتٸ مۇسىلمان باۋىرلار, وتانداستار!
بارشامىزدى قاسيەتتٸ رامازان ايىنا امان-ەسەن جەتكٸزگەن اللا تاعالاعا سانسىز شٷكٸرلەر بولسىن. سٸزدەردٸ كٷللٸ مۇسىلمان قاۋىمى اسىعا كٷتكەن مٷبەراك رامازان ايىنىڭ كەلۋٸمەن قۇتتىقتايمىن!
رامازان – ون ەكٸ ايدىڭ سۇلتانى, بەرەكەلٸ دە كەشٸرٸمٸ مول اي. قاسيەتتٸ ايدا ادام بالاسى كٶبٸرەك جاقسىلىق جاساپ, ٸزگٸ امالداردى اتقارۋعا تىرىسادى. ورازا پەندەنٸ تاقۋالىققا تەربيەلەيدٸ.
رامازان – اللانىڭ مەيٸرٸمٸ تٶگٸلٸپ, جۇماقتىڭ ەسٸگٸ ايقارا اشىلاتىن, يماندى كٷشەيتۋگە مٷمكٸندٸك بەرٸلگەن بەرەكەلٸ اي. بۇل – جاراتۋشى يەمٸزدٸڭ ۇلى سىيى ەرٸ نىعمەتٸ.
ساۋاپتار ەسەلەنٸپ جازىلاتىن ايدا جاسالعان قايىرلى ٸستٸڭ قايتارىمى ادام بالاسى ٷشٸن قۇپييا-سىر. تٸپتٸ, اۋىز بەكٸتۋشٸگە بەرٸلەتٸن سىي مەن ساۋاپ, قۇرمەت پەن ماراپات پايعامبارلار مەن پەرٸشتەلەرگە دە بەلگٸسٸز.
قۇدسي حاديستە اللا تاعالا: «ورازا – تەك مەن ٷشٸن. ونىڭ سىيىن (ساۋابىن) ٶزٸم عانا بەرەمٸن...» – دەپ ورازانىڭ قادٸرٸ مەن قاسيەتٸن, مەنٸ مەن ماڭىزىن بايانداعان.
شاراپاتى مەن شاپاعاتى مول ايدا ساۋاپ جيناۋعا, ٸشكٸ دٷنيەمٸزدٸ تازارتۋعا, جاراتۋشىنىڭ رازىلىعىنا بٶلەنۋگە اسىعايىق, اعايىن! ٶيتكەنٸ, مۇسىلماننىڭ وسى ايدا ۇستاعان ورازاسى, قوسىمشا قۇلشىلىقتارى, جاساعان قايىرىمدىلىعى, بارلىق ساۋاپتى امالدارى ەسەلەنٸپ جازىلادى. ورازانى رۋحاني تۇرعىدان سەزٸنگەن جان اللانىڭ تەڭدەسسٸز سىيىنان شەت قالعىسى كەلمەيتٸنٸ سوندىقتان.
ورازا – كٷندٸز ٸشٸپ-جەۋدەن ٶزٸن شەكتەۋ دەگەن سٶز ەمەس. رامازان – رۋحتىڭ ازىعى, تەننٸڭ شيپاسى. ورازا جان مەن تەندٸ رۋحاني تازارتاتىن ٷلكەن سابىر مەكتەبٸ. اۋزى بەرٸك جاندار ەدەپ بٸلمەس پەندەلەردٸڭ ٶزٸنە جاساعان كەيبٸر وعاش ٸس-ەرەكەتتەرٸن كٶرٸپ, تۇرپايى سٶزدەرٸن ەستٸسە دە: «مەن ورازامىن», – دەگەن بٸر اۋىز سٶزبەن نەپسٸسٸنە توقتاۋ سالىپ, سابىر ساقتايدى. ال سابىر يەسٸنە بەرٸلەتٸن سىي – جەننات.
دەنساۋلىعىنا بايلانىستى نەمەسە كەرٸلٸك جەتٸپ ورازا ۇستاۋعا شاماسى جەتپەگەن ادامدار اۋىز بەكٸتكەن كٸسٸلەرگە اۋىزاشار بەرسە, ول دا – ٷلكەن ساۋاپ. پايعامبارىمىز مۇحاممەد (وعان اللانىڭ سالاۋاتى مەن سەلەمٸ بولسىن): «اللا تاعالا ەڭ بولماسا بٸر تٷيٸر قۇرما, تٸپتٸ بٸر ۇرتتام سۋمەن بولسا دا قامقورلىق جاساعانعا ساۋاپ جازادى…» – دەگەن.
قادٸرلٸ جاماعات!
ەلباسى نۇرسۇلتان نازارباەۆ «بولاشاققا باعدار: رۋحاني جاڭعىرۋ» اتتى ماقالاسىندا حالقىمىزدى ۇلتتىق قۇندىلىقتاردى قۇرمەتتەۋگە, تۋعان جەردٸ كٶركەيتۋگە, جاڭاشىل ويلاپ, قوعام ٷشٸن يگٸ ٸس جاساۋعا, ٶن-بويىمىزداعى رۋحاني قۇندىلىقتى جاڭعىرتۋعا ٷندەدٸ. ەلٸمٸزدٸ رۋحاني جاڭعىرۋعا باستاعان ماقالا جۇرتىمىزعا پاراساتتى وي, پايىمدى پٸكٸر تاستادى. ال رامازان – رۋحاني جاڭعىرۋىمىزعا سەپتٸگٸن تيگٸزٸپ, يمانىمىزدى كٷشەيتۋگە مٷمكٸندٸك تۋعىزاتىن قادٸرٸ مەن قاسيەتٸ مول اي.
ەندەشە, راقىم ايى – رامازان قۇتتى بولسىن! ۇستاعان ورازامىز, جاساعان دۇعا-تٸلەكتەرٸمٸز, قۇلشىلىق-عيباداتتارىمىز, ەربٸر قايىرلى امالدارىمىز قابىل بولعاي! اللا تاعالا وتباسىمىزعا اماندىق, جۇمىسىمىزعا بەرەكە-بٸرلٸك نەسٸپ ەتكەي!
تەۋەلسٸزدٸگٸمٸز باياندى, ەلٸمٸز امان, جۇرتىمىز تىنىش بولعاي! جاراتۋشى يەمٸز بارشامىزدى ورازادان ورازاعا دەيٸن ايدان امان, جىلدان ەسەن جاقسىلىقپەن جەتكٸزە بەرسٸن دەپ تٸلەيمٸن! ەۋمين!
ەرجان قاجى مالعاجىۇلى,
قازاقستان مۇسىلماندارى دٸني
باسقارماسىنىڭ تٶراعاسى, باس مٷفتي
(ەسكەرتۋ: 2017 جىلدىڭ 27-مامىرى – قاسيەتتٸ رامازان ايىنىڭ بٸرٸنشٸ كٷنٸ!)
.jpg)