اسا قامقور, ەرەكشە مەيٸرٸمدٸ اللانىڭ اتىمەن باستايمىن!
قادٸرلٸ باۋىرلار!
بارشامىزدى ورازاعا امان-ەسەن جەتكٸزگەن قۇدٸرەتٸ شەكسٸز اللا تاعالاعا سانسىز شٷكٸرلەر مەن ماقتاۋ-ماداقتار بولسىن!
سٸزدەردٸ كٷللٸ مۇسىلمان قاۋىمى اسىعا كٷتكەن قاسيەتتٸ رامازان ايىنىڭ كەلۋٸمەن شىن جٷرەكتەن قۇتتىقتايمىن! ەر شاڭىراققا شاتتىق پەن باقىت, بٸرلٸك پەن بەرەكە تٸلەيمٸن! بارشاڭىزعا جاراتقان يەم جار بولسىن!
بٸزدٸڭ حالقىمىز ەجەلدەن رامازاندى ەرەكشە قاستەرلەپ: «ون ەكٸ ايدىڭ سۇلتانى», – دەپ اتاعان. بەرەكەسٸ مول ايدا جارامازان جىرىن ايتىپ, ورازانىڭ كەلگەنٸن قۋانىشپەن جەتكٸزٸپ, ناسيحاتتاعان. ال اۋىزاشار داستارحانى رۋحاني سۇحباتتىڭ, باتا مەن ٸزگٸ تٸلەكتٸڭ قاينارى بولعان. اۋىز بەكٸتكەن ادامدى ايرىقشا قادٸرلەپ, وعان اۋىزاشار بەرۋ – باعزىدان كەلە جاتقان سالت-دەستٷرٸمٸز بەن ەدەت-عۇرپىمىز.
تاڭعى سەرەسٸ ەر شاڭىراق ٷشٸن قۋانىشتى سەت بولسا, كەشكٸ اۋىزاشار اعايىن مەن تۋىستى, بٸر قاۋىم ەلدٸ يماندىلىققا ۇيىتقان, مەرەكەسٸ مەن بەرەكەسٸ ٷيلەسكەن باسقوسۋ بولاتىن. اللاعا شٷكٸر, بۇل يگٸ دەستٷر عاسىردان عاسىرعا جالعاسىپ, جاڭعىرىپ كەلەدٸ.
رامازان – راقىم ايى! قاسيەتتٸ ايدىڭ قۇرمەتٸ ٷشٸن بٸر-بٸرٸن كەشٸرٸپ, مەيٸرٸمدٸلٸك جولىن ۇستانعان پەندەلەر ساۋاپقا كەنەلەدٸ. ٶزگەگە مەيٸرٸم كٶرسەتكەن ادامدى اللا تاعالا ٶز مەيٸرٸمٸنە بٶلەيدٸ. كەشٸرگەنگە – كەشٸرٸم جاسالادى.
رامازان – جاقسىلىق ايى. ورازادا جاسالعان ەربٸر جاقسى امالدىڭ ساۋابى ەسەلەنٸپ جازىلادى. حاديس-شاريفتە ايتىلعانداي, «ادام بالاسىنىڭ بارلىق يگٸ ٸستەرٸنٸڭ ساۋابى ارتادى. ەربٸر جاقسىلىققا ون ەسەدەن جەتٸ جٷز ەسەگە دەيٸن ساۋاپ جازىلادى».
وسى رەتتە وتانداستارىمدى ماتەريالدىق كٶمەككە مۇقتاج جاندارعا كٶڭٸل بٶلٸپ, قايىرىمدىلىق ٸس-شارالارعا بەلسەندٸ تٷردە اتسالىسۋعا شاقىرامىن. كەسٸپكەرلەردٸ رامازاننىڭ قۇرمەتٸ ٷشٸن ازىق-تٷلٸك, كٶكٶنٸس پەن تۇرمىستىق زاتتارعا, جول-كٶلٸك اقىسىنا جەڭٸلدٸكتەر جاساۋعا ٷندەيمٸز.
قۇرمەتتٸ جاماعات!
قازاقستان مۇسىلماندارى دٸني باسقارماسى «2018 – يسلام جەنە وتباسى جىلى» دەپ اتادى. قاسيەتتٸ ايدا قاراۋسىز قالعان قارتتار مەن مٷگەدەكتەرگە, جەتٸمدەر مەن كٶپبالالى وتباسىلارعا, ناۋقاس ادامدارعا بارىنشا قامقورلىعىمىزدى كٶرسەتەيٸك, ارداقتى اعايىن! بٸر ادامدى قۋانىشقا بٶلەۋ – ساداقا.
قۇدايى استار مەن ساداقالار اۋىزاشار ۋاقىتىندا ۇيىمداستىرىلسا, تويلار ٸشٸمدٸكسٸز ٶتكٸزٸلسە, جاماندىقتىڭ باستاۋى بولعان اراق-شاراپتىڭ ساتىلۋىنا بارىنشا جول بەرٸلمەسە دەگەن تٸلەگٸمدٸ بٸلدٸرەمٸن.
قۇرمەتتٸ قاۋىم!
ون ەكٸ ايدىڭ سۇلتانى – رامازان قۇتتى, بەرەكەلٸ بولسىن! قاسيەتتٸ ايدا جاسايتىن قۇلشىلىق, دۇعا-تٸلەكتەرٸڭٸز قابىل بولسىن! العا قويعان ارمان-ماقساتتارىڭىز ورىندالىپ, ورازادان ورازاعا امان-ەسەن جەتە بەرۋٸمٸزدٸ اللا نەسٸپ ەتسٸن! ەلٸمٸز امان, جۇرتىمىز تىنىش, حالقىمىزدىڭ بٸرلٸگٸ نىعايىپ, بەرەكەسٸ ارتا بەرگەي! تەۋەلسٸزدٸگٸمٸز ەرقاشان باياندى بولعاي! ەۋمين!
باس مٷفتي سەرٸكباي قاجى وراز
