قازاقستان مۇسىلماندارى دٸني باسقارماسىنىڭ باسشىسى, باس مٷفتي ناۋرىزباي قاجى تاعانۇلى قۇربان ايت قارساڭىندا كەسٸپكەرلەرگە ٷندەۋ جولدادى, دەپ حابارلايدى "ۇلت اقپارات".
«قادٸرلٸ وتانداستار! قۇرمەتتٸ كەسٸپكەرلەر! مۇسىلمان قاۋىمىنىڭ ۇلىق مەيرامى – قۇربان ايتقا ساناۋلى كٷندەر قالدى. ۇلىق كٷندە يسٸ مۇسىلمان بالاسى شىنايى نيەتپەن قۇربان شالىپ, قۇرباندىق ەتٸن مٷگەدەكتەر مەن جەتٸمدەرگە, كٶپبالالى وتباسىلار مەن قارتتارعا تاراتىپ, العىسىن الۋعا تىرىسادى. ادامنىڭ العىسىن الىپ, باتاسىنا بٶلەنۋ – ساۋاپتى ٸستٸڭ بٸرٸ. حالقىمىز «العىس العان ارىماس. بوتا العانشا, باتا ال» دەيدٸ ەمەس پە? قۇربان ايتتا ورىندالاتىن نەگٸزگٸ ٸزگٸ امالدىڭ بٸرٸ – قۇربان شالۋ. ٶيتكەنٸ ارداقتى پايعامبارىمىز مۇحاممەد (وعان اللانىڭ سالاۋاتى مەن سەلەمٸ بولسىن): «ادام بالاسى قۇربان ايت كٷنٸ قۇربان شالۋدان ٶزگە امالىمەن اللاعا جاقىنداعان ەمەس...» دەيدٸ. دەمەك قۇربان ايت كٷنٸ اللاعا ۇنامدى ەرٸ ەڭ سٷيٸكتٸ امال – قۇربان شالۋ. ايت كٷندەرٸ حالىق تاراپىنان مال ساتىپ الۋعا دەگەن سۇرانىستىڭ ارتا تٷسەتٸنٸ بەلگٸلٸ. وسى رەتتە ەلٸمٸزدەگٸ بارشا شارۋا قوجالىقتارىنىڭ قوجايىندارىن ۇلىق مەيرام – قۇربان ايتتىڭ قۇرمەتٸنە مال قۇنىن شارىقتاتپاي, حالىققا وڭتايلى باعانى ۇسىنۋعا شاقىرامىن. سونىمەن قاتار, بارشا كەسٸپكەرلەردٸ تۇرعىندار كٷندە تۇتىناتىن ەلەۋمەتتٸك ماڭىزى بار ازىق-تٷلٸك باعاسىنا مٷمكٸندٸگٸنشە جەڭٸلدٸك جاساۋعا ٷندەيمٸن» دەلٸنگەن قمدب تاراتقان باس مٷفتيدٸڭ ٷندەۋٸندە.
ونىڭ ايتۋىنشا, قۇربان ايتتىڭ نەگٸزگٸ مەنٸ - مۇسىلماندار اراسىندا ٶزارا مەيٸرٸم, جومارتتىق, قايىرىمدىلىق, قاناعات سىندى ادامگەرشٸلٸك قۇندىلىقتاردى قالىپتاستىرۋ.
«اللانىڭ راقىم نۇرى تٶگٸلەتٸن قۇربان ايتتا جۇرتىمىزعا جاقسىلىق جاساپ, كٶپشٸلٸكتٸڭ ريزاشىلىعىنا بٶلەنەيٸك. جاراتۋشى يەمٸز قۇراندا: «ٶزدەرٸڭ جاقسى كٶرگەن نەرسەنٸ اللا جولىنا جۇمسامايىنشا يگٸلٸككە جەتپەيسٸڭدەر» («ەل-يمران» سٷرەسٸ, 92-ايات) دەپ بايانداعان. ساۋاپتار ەسەلەنٸپ جازىلاتىن سەتتەردە اللا رازىلىعى ٷشٸن ەلدٸڭ جاعدايىن ەسكەرٸپ, تاۋار باعالارىنا جەڭٸلدٸك جاساپ, ەر وتباسىعا قۋانىش پەن مەرەكەلٸك كٶڭٸل كٷي سىيلاۋعا تىرىسايىق. ارداقتى اعايىن! سٷيٸكتٸ پايعامبارىمىز مۇحاممەد (وعان اللانىڭ سالاۋاتى مەن سەلەمٸ بولسىن): «...كٸمدە-كٸم مۇسىلمان باۋىرىنىڭ قاجەتٸنە جاراسا, اللا تاعالا دا ونىڭ قاجەتٸن ٶتەيدٸ...» دەگەن سٷيٸنشٸ حابار جەتكٸزگەن. قازاقستان مۇسىلماندارى دٸني باسقارماسى قۋاڭشىلىقتان زارداپ شەككەن ٶڭٸرلەردەگٸ شارۋالارعا قولداۋ كٶرسەتۋ ماقساتىندا «قيىندىقتا ەل بٸرگە» اتتى قايىرىمدىلىق اكتسيياسىن باستادى. اكتسييا اياسىندا قىزىلوردا, ماڭعىستاۋ وبلىستارىنا جەم-شٶپ جٶنەلتٸلەتٸن بولادى. وسى يگٸ ٸسكە ٷلەس قوسىپ, سىناقتى سەتتەردٸ باستان كەشٸپ وتىرعان وتانداستارىمىزعا قول ٷشىن سوزۋعا شاقىرامىن. حاق تاعالا كەسٸپتەرٸڭٸزگە بەرەكە, يگٸ ٸستەرٸڭٸزگە مول ساۋاپتان جازعاي! ەمين» دەپ تٷيٸندەيدٸ ٷندەۋٸن ناۋرىزباي قاجى تاعانۇلى.
