ورتالىق كوممۋنيكاتسييالار قىزمەتٸندە ٶتكەن بريفينگتە قر باس ەسكەري پروكۋراتۋراسىنىڭ ٶكٸلدەرٸ ارىستاعى جارىلىسقا كٸنەلٸلەردٸ انىقتاۋ قانشا ۋاقىتقا سوزىلاتىنىن ايتتى, دەپ حابارلايدى قازاقپارات تٸلشٸسٸ.
باس ەسكەري پروكۋروردىڭ ورىنباسارى دارحان ەرجانوۆتىڭ ايتۋىنشا, جارىلىسقا كٸنەلٸ رەتٸندە كٷدٸكتٸلەردٸ اتاۋعا ەلٸ ەرتە.
«ەۋەلٸ تەرگەۋ جوسپارى قۇرىلعان بولاتىن. سول جوسپارعا ساي ەكٸ باعىت بويىنشا جۇمىس جٷرٸپ جاتىر. بٸرٸنشٸ كەزەڭدە وقيعا ورنىن زەرتتەۋ ارقىلى تٶتەنشە وقيعانىڭ سەبەبٸن انىقتاۋعا كٷش سالىنادى. ەسكەري قويمانىڭ جۇمىسىنا قاتىستى قۇجاتتاردىڭ بەرٸن كٶتەرٸپ جاتىرمىز. وسى كەزەڭدە بٷگٸنگە دەيٸن 100-دەن استام ادامنان جاۋاپ الدىق. ەزٸرگە كٷدٸكتٸلەر تۋرالى ايتۋعا ەرتە. ماماندار قازٸر اپات كەزٸندەگٸ دەلەلدەر مەن ايعاق زاتتاردى تٸركەپ جاتىر», - دەدٸ ەسكەري پروكۋراتۋرا ٶكٸلٸ.
باس ەسكەري پروكۋروردىڭ ورىنباسارى تەرگەۋ جۇمىستارىنىڭ 2-5 اي كٶلەمٸندە جٷرەتٸنٸن ايتادى.
«قىلمىستىق پروتسەسسۋالدىق زاڭناماعا سەيكەس مۇنداي تەكسەرۋلەر 2 اي كٶلەمٸندە جٷرۋٸ تيٸس. ەگەر وسى ۋاقىت ٸشٸندە جەتكٸلٸكتٸ دەلەلدەر جينالماسا, قىلمىستىق ٸس 4-5 ايعا دەيٸن سوزىلۋى مٷمكٸن», - دەدٸ دارحان ەرجانوۆ.
سونداي-اق, ول ارىستاعى جارىلىستىڭ ىقتيمال سەبەپتەرٸن اتادى.
قر باس ەسكەري پروكۋروردىڭ ورىنباسارى دارحان ەرجانوۆتىڭ ايتۋىنا قاراعاندا, اتالمىش تٶتەنشە وقيعا بويىنشا قىلمىستىق كودەكستٸڭ 462 بابىنىڭ 3 بٶلٸمەن سوتقا دەيٸنگٸ تەرگەۋ جٷرٸپ جاتىر. بٷگٸنگە دەيٸن 100 ادامنان جاۋاپ الىنعان.
«اتالمىش باپ قارۋ-جاراقپەن, اينالاعا قاۋٸپ تٶندٸرەتٸن زاتتارمەن جۇمىس ٸستەۋ قاعيدالارىن بۇزۋ فاكتٸلەرٸن قامتيدى. ابايسىزدىق سالدارىندا 2 نەمەسە ودان دا كٶپ ادامنىڭ ٶلٸمٸ تٸركەلسە, جاۋاپتى تۇلعالاردى 5-تەن 10 جىلعا دەيٸن باس بوستاندىعىنان ايىرۋ جازاسى قاراستىرىلعان», - دەدٸ ەسكەري پروكۋراتۋرا ٶكٸلٸ.
قر باس ەسكەري پروكۋروردىڭ اعا كٶمەكشٸسٸ ەركٸن قوجا-احمەتتٸڭ ايتۋىنشا ەسكەري قويما جارىلىسىنا بٸرنەشە جايت سەبەپ بولۋى مٷمكٸن.
«ارىس قالاسىنداعى №44859 ەسكەري بٶلٸمنٸڭ وق-دەرٸلەر قويماسىنداعى جارىلىستىڭ سەبەبٸ رەتٸندە كٶپتەگەن فاكتورلار قارالىپ جاتىر. سونىڭ ٸشٸندە ٶرتكە قارسى قاۋٸپسٸزدٸك ەرەجەلەرٸنٸڭ ساقتالماۋى, لاۋازىمدى تۇلعالاردىڭ سالعىرتتىعى سيياقتى نۇسقالار زەرتتەلۋدە. وق-دەرٸلەر ساقتالاتىن قويمالاردىڭ قاۋٸپسٸزدٸگٸن ساقتاۋعا بٶلٸنگەن بيۋدجەتتٸك قاراجاتتىڭ ۇتىمدى پايدالانىلۋى, جارىلعىش زاتتاردىڭ دۇرىس جينالۋى تەكسەرٸلۋدە. قويمالاردا انىقتالعان بۇزۋشىلىقتاردىڭ ۋاقتىلى جويىلعانى, ال جويماعان بولسا, ەسكەري قىزمەتشٸلەردٸڭ ەرەكەتسٸزدٸگٸ جايلى ٸس قارالادى. تەرگەۋ كەزٸندە جاۋاپتى تۇلعالاردىڭ ٸس-ەرەكەتتەرٸنە قۇقىقتىق باعا بەرٸلەتٸن بولادى. جوعارىدا اتالعان سارالاۋ مەن نۇسقالار الدىن الا بولجام ەكەنٸن ايتا كەتۋ كەرەك», - دەدٸ ول.
باس ەسكەري پروكۋراتۋرا ٶكٸلدەرٸنٸڭ ايتۋىنشا, اتالمىش تەكسەرۋدٸ ٸشكٸ ٸستەر مينيسترلٸگٸنٸڭ تەجٸريبەلٸ ماماندارى جٷرگٸزەتٸن بولادى. تەرگەۋگە جاۋاپتى ورگانداردىڭ جۇمىسىن تيٸمدٸ ٷيلەستٸرۋ ماقساتىندا ەسكەري جەنە اۋماقتىق پروكۋراتۋرا ٶكٸلدەرٸ تارتىلعان.
ايتا كەتسەك, قر تٶتەنشە جاعدايلار كوميتەتٸنٸڭ تٶراعاسى ۆلاديمير بەككەر ارىستاعى اپاتتىڭ شىعىن كٶلەمٸن شامامەن 20 ملرد تەڭگە دەپ باعالاعان بولاتىن.
قازٸر ارىس ارقىلى جٷرەتٸن جولاۋشىلار پويىزدارىنىڭ جٷرۋ كەستەسٸ تولىق قالپىنا كەلتٸرٸلگەن.
تٷركٸستان وبلىسى ەكٸمٸنٸڭ تاپسىرماسىمەن ارىستاعى كەسٸپكەرلەر 2020 جىلعا دەيٸن سالىقتان بوساتىلىپ وتىر.
