ۇلتتىق ەكونوميكا ۆيتسە-مينيسترٸ ەرمەك الپىسوۆ الداعى ۋاقىتتا قازاقستانداعى 6,5 مىڭ اۋىلدى ەلدٸمەكەننٸڭ ٸرگەلٸ دەگەن 3,5 مىڭىنا ماڭىز بەرٸلەتٸنٸن مەلٸم ەتتٸ, دەپ حابارلايدى قازاقپارات تٸلشٸسٸ.
«جالپى, اۋىلداردى دامىتۋ باعدارلاماسى بۇرىن اۋىل شارۋاشىلىعى مينيسترلٸگٸنٸڭ قۇزىرىنداعى ارنايى كوميتەت ارقىلى جٷزەگە اسىرىلاتىن. مەن ەندٸ ول كەزدەگٸ باعىت دۇرىس نەمەسە بۇرىس بولدى دەپ ايتا المايمىن. قازٸرگٸ كەزدە نەگٸزگٸ ەكٸمشٸ – ۇلتتىق ەكونوميكا مينيسترلٸگٸ. ەلباسىنىڭ تاپسىرماسىمەن «اۋىل – ەل بەسٸگٸ» جوباسىن قولعا الىپ, اۋىلدى ەلدٸ مەكەندەردٸ جاڭارتامىز دەپ جوسپارلاپ جاتىرمىز. بۇرىن رەسپۋبليكالىق بيۋدجەتتەن قاراجات اۋىلدارداعى تەك نەگٸزگٸ پروبلەمالاردى – اۋىز سۋ نەمەسە ەلەكتر جەلٸلەرٸ مەسەلەلەرٸن شەشۋ ٷشٸن كٶزدەلگەن. بٸراق, بارلىق جەرگە ەلبەتتە, مەملەكەتتٸڭ قاراجاتى جەتپەيدٸ. مەن اتاپ ٶتكەندەي قازاقستاندا قازٸرگٸ تاڭدا 6,5 مىڭعا جۋىق اۋىلدى ەلدٸمەكەن بار», - دەدٸ ەرمەك الپىسوۆ ٷكٸمەتتٸڭ باسپاسٶز ورتالىعىندا.
ۆيتسە-مينيستردٸڭ ايتۋىنا قاراعاندا, جاعدايى تٶمەن, ەلەۋەتٸ تٶمەن اۋىلعا – بٸرنەشە جٷز ميلليون تەڭگەنٸڭ سۋ قۇبىرلارى جٷرگٸزٸلگەن جاعدايلار دا بولعان.
«بۇل رەتتە بيۋدجەتتٸڭ قاراجاتى دۇرىس پايدالانىلماعان شىعار. سونداي جاعداي بولماۋ ٷشٸن بٸز 6,5 مىڭعا جۋىق ەلدٸمەكەننەن 3,5 مىڭعا جۋىعىن ٸرٸكتەدٸك. دامۋ ەلەۋەتٸ بار اۋىلداردى ٶركەندەتۋٸمٸز كەرەك. جۇمىس ەڭ الدىمەن سول اۋىلدارداعى حالىق قالاعا كٶشٸپ كەتپەۋ ٷشٸن جاسالىپ جاتىر. جولدارىن, مەكتەپتەرٸن, باسقا ينفراقۇرىلىمىن جٶندەپ بەرٸپ, باعدارلامالار ارقىلى شارۋا قوجالىقتارعا قولداۋ بٸلدٸرگەن ابزال. ەسەپتەپ وتىرساق, ٸرٸكتەلگەن 3,5 مىڭ ەلدٸ مەكەندە اۋىل حالقىنىڭ 85 پايىزى تۇرادى ەكەن. حالىقتىڭ 15 پايىزى عانا قالعان ۇساق ەلدٸمەكەندەرگە قاراجات بٶلٸنبەيدٸ دەپ ايتا المايمىن. قاراجات بٶلٸنەدٸ. بٸراق, اعىمدى جۇمىستارعا بەرٸلەدٸ. ونداي اۋىلداردا مەكتەپ سالۋدىڭ قاجەتٸ جوق», - دەدٸ ول.
