بانكتەردٸڭ تۇراقتى جۇمىس ٸستەۋٸنە مەملەكەت تە, بيزنەس ٶكٸلدەرٸ دە, قاراپايىم سالىمشىلار دا مٷددەلٸ. سوندىقتان بانكتەرگە تەگٸننەن-تەگٸن قولداۋ كٶرسەتٸلمەيدٸ. بۇل تۋرالى «Egemen Qazaqstan» گازەتٸنە بەرگەن سۇحباتىندا مەملەكەت باسشىسى قاسىم-جومارت توقاەۆ ايتتى, - دەپ حابارلايدى "ۇلت اقپارات".
«بانك جٷيەسٸ – قارجى نارىعىنىڭ اسا ماڭىزدى بٶلٸگٸ. بانكتەردٸڭ تۇراقتى جۇمىس ٸستەۋٸنە مەملەكەت تە, بيزنەس ٶكٸلدەرٸ دە, قاراپايىم سالىمشىلار دا مٷددەلٸ. سوندىقتان بانكتەرگە تەگٸننەن-تەگٸن قولداۋ كٶرسەتٸلمەيدٸ. بۇل – ۇلتتىق ەكونوميكانى كٶتەرمەلەۋدٸڭ بٸر جولى.
قازٸر بانكتەردٸڭ ٷزدٸكسٸز قىزمەت كٶرسەتۋٸنە مٷمكٸندٸك بار. دەپوزيتتەرگە كەپٸلدٸك بەرەتٸن قور دا تۇراقتى جۇمىس ٸستەۋدە. بۇل احۋالدى ۇلتتىق بانك باقىلاپ وتىر. سوندىقتان سالىمشىلاردىڭ قاراجاتىنا ەشقانداي قاتەر تٶنٸپ تۇرعان جوق», - دەدٸ پرەزيدەنت.
ق.توقاەۆ اتاپ ٶتكەندەي, تٶتەنشە جاعداي كەزٸندە ەكٸنشٸ دەڭگەيدەگٸ بانكتەر ەلەۋمەتتٸك-ەكونوميكالىق احۋالدىڭ تۇراقتانۋىنا ٶز ٷلەسٸن قوستى دەپ ايتۋعا بولادى.
«ەڭ الدىمەن, بانكتەر كەسٸپكەرلەرگە جەنە ازاماتتارعا بەرگەن نەسيەنٸ قايتارۋ مەرزٸمٸن كەيٸنگە اۋىستىردى. ناقتى ايتقاندا, نەسيە تٶلەمدەرٸ 3 ايعا شەگەرٸلدٸ. تابىسىنان ايىرىلعاندارعا مۇنداي كٶمەك قاجەت. بٸراق جۇرتشىلىق اراسىندا نەسيەنٸ مٷلدەم قايتارمايمىز دەگەن تٷسٸنٸك قالىپتاسپاۋى كەرەك. بۇل – جاڭساق پٸكٸر.
سونداي-اق ٷكٸمەتتٸڭ قاتىسۋىمەن شاعىن جەنە ورتا بيزنەس ٶكٸلدەرٸنە جەڭٸلدەتٸلگەن نەسيە بەرۋ باعدارلاماسى ەزٸرلەندٸ. ەگەر بانكتەر كەسٸپكەرلەرگە, ازاماتتارعا نەسيە بەرۋدٸ توقتاتسا, ەكونوميكانىڭ كٶپتەگەن سالاسى تۇرالاپ قالادى. بٸز بۇعان جول بەرمەيمٸز.
مەنٸڭ تاپسىرمام بويىنشا ۇلتتىق بانك پەن قارجى نارىعىن رەتتەۋ جەنە دامىتۋ اگەنتتٸگٸ قارجى جٷيەسٸنٸڭ تۇراقتىلىعىن ساقتاۋ ٷشٸن قوسىمشا شارالار قاراستىرۋدا», - دەدٸ مەملەكەت باسشىسى.
