رەسپۋبليكالىق بيۋدجەتتٸڭ اتقارىلۋىن باقىلاۋ جٶنٸندەگٸ ەسەپ كوميتەتٸنٸڭ تٶراعاسى ناتاليا گودۋنوۆا ەل ەكونوميكاسىنداعى بانك سەكتورىنىڭ رٶلٸ تٶمەندەپ بارا جاتقانىن مەلٸم ەتتٸ, دەپ حابارلايدى قازاقپارات.
«ٶمٸر ساپاسى باسىم جاعدايدا نەسيەلەۋ ەسەبٸنەن قامتاماسىز ەتٸلٸپ وتىر. 2019 جىلى تۇتىنۋشىلىق نەسيە حالىقتىڭ نومينالدى تابىسىنىڭ ٶسٸمٸنەن شامامەن 15 پايىزعا باسىپ وزدى. ال نەسيە الا بەرۋدٸڭ سالدارى ەلەۋمەتتٸك پروبلەمالاردى تۋىنداتادى. مەملەكەت تاراپىنان ايتارلىقتاي كٶمەكتٸڭ بولعانىنا قاراماستان, كەيٸنگٸ بەس جىلدا ەل ەكونوميكاسىنداعى بانك سەكتورىنىڭ رٶلٸ تٶمەندەپ بارادى. جٸٶ-دەگٸ ونىڭ اكتيۆتەرٸ 40 پايىزعا دەيٸن ازايدى. 2015 جىلى بۇل كٶرسەتكٸش 60 پايىزعا تەڭ ەدٸ. جٸٶ-مەن ەسەپتەگەندە بانكتەردٸڭ قارىز بەرەتٸن پورتفەلٸ ەكٸ ەسە قىسقاردى. پروبلەمالىق قارىزدار ارتىپ بارادى», - دەدٸ ناتاليا گودۋنوۆا پارلامەنت سەناتىندا 2019 جىلعى رەسپۋبليكالىق بيۋدجەتتٸڭ اتقارىلۋى تۋرالى ەسەپتٸ بايانداۋ كەزٸندە.
ونىڭ ايتۋىنشا, بيزنەس ٷشٸن قولجەتٸمدٸ اقشا بەرۋ مەسەلەسٸ ەلٸ دە رەتتەلمەي كەلەدٸ.
«مەملەكەتتٸك قارىز, سول سەكٸلدٸ ٷكٸمەتتٸڭ قارىزى قاۋٸپسٸز شەكتە تۇر. دەگەنمەن, شىعىندار دا ارتىپ كەلەدٸ. ٷكٸمەتتٸك قارىزدىڭ بۇل باعىتتاعى شىعىنى 1,4 ترلن تەڭگەگە جەتتٸ. دەگەنمەن, حالىقارالىق قارجى ۇيىمدارىنان مەملەكەتتٸك-جەكەشەلٸك ەرٸپتەستٸك, كۆازيمەملەكەتتٸك سەكتور مەن جەرگٸلٸكتٸ اتقارۋشى ورگاندار بويىنشا قارىز الۋ جۇمىستارىن جٷيەگە كەلتٸردٸك», - دەدٸ ول.
