16 مامىردا بانكتەر جەڭٸلدەتٸلگەن اۆتونەسيەگە ٶتٸنٸمدٸ قابىلداۋدى باستايدى. بۇل تۋرالى قر ٷكٸمەت باسشىسىنىڭ بٸرٸنشٸ ورىنباسارى رومان سكليار مەلٸم ەتتٸ, دەپ حابارلايدى قازاقپارات.
«كەشەدەن بەرٸ بانكتەر ٶزدەرٸنٸڭ كورپوراتيۆتٸ رەسٸمدەرٸن, ديرەكتورلار كەڭەسٸنٸڭ وتىرىستارىن ٶتكٸزٸپ جاتىر. ٶنەركەسٸپتٸ دامىتۋ قورى ولارمەن بارلىق قاجەت كەلٸسٸمدەردٸ بەكٸتتٸ. ەندٸ ولار تيٸستٸ رەسٸمدەرٸن كەيٸن, دٷيسەنبٸدە نەسيە بەرە باستايدى. بەرگەن ۋەدەلەرٸنە قاراعاندا, بارلىق جۇمىس دٷيسەنبٸ كٷنٸ ٸسكە اسىرىلادى», - دەدٸ سكليار ەلوردادا مۇناي-گاز ماشينا جاساۋ سالاسىن دامىتۋعا ارنالعان فورۋمدا تٸلشٸلەر ساۋالىنا جاۋاپ بەرە وتىرىپ.
ونىڭ سٶزٸنە قاراعاندا, بۇل جۇمىستارعا وسىعان دەيٸن نەسيەلەۋدٸ جٷرگٸزگەن بەس بانك جۇمىلدىرىلماق.
«اتاپ ايتقاندا, نەسيە بەرۋ باعدارلاماسى قازٸرگٸ كەزدە دە جۇمىس ٸستەپ تۇر. رەۆولۆەرلٸك نەگٸزدە 88 ملرد تەڭگە بار جەنە بۇل قاراجات اينالىمدا. بۇل باعدارلاما بويىنشا سوڭعى بەس جىل بويى تيٸستٸ جۇمىستار جٷرگٸزٸلٸپ جاتىر. وسى ورايدا «ٶكم وپەراتورىنان» اۋدارىلاتىن 100 ملرد تەڭگەنٸ قوسامىز», - دەدٸ ٷكٸمەت باسشىسىنىڭ بٸرٸنشٸ ورىنباسارى.
بۇدان بۇرىن حابارلانعانداي, جاقىندا يندۋسترييا جەنە ينفراقۇرىلىمدىق دامۋ مينيسترٸ قايىربەك ٶسكەنباەۆ اۆتونەسيە شارتتارى بەكٸتٸلگەنٸن ايتقان ەدٸ.
جەڭٸل اۆتوموبيلدەردٸ ساتىپ الۋعا نەسيە بەرۋ كەلەسٸ شارتتار بويىنشا جٷزەگە اسىرىلادى:
• سىياقى مٶلشەرلەمەسٸ – 4%;
• نەسيەلەندٸرۋ سوماسى – 10 ملن تەڭگەدەن ارتىق ەمەس;
• قارجىلاندىرۋ مەرزٸمٸ – 7 جىلدان ارتىق ەمەس;
• باستاپقى جارنا – 0 %-دان باستاپ;
• كٶلٸك قۇرالىنىڭ قۇنى – 15 ملن تەڭگەدەن اسپايدى.
اۆتونەسيەنٸ ەكٸنشٸ دەڭگەيدەگٸ بانكتەر بەرەدٸ.
